LESONI 5

Wiliwili Vinaka

1 Timoci 4:13

IVAKAMACALA LEKALEKA: Wilivola vinaka i cake.

Vakavakarau vinaka. Kila na vuna e volai kina e dua na tikina. Wilika vata e vica na iyatuvosa, kua ni vosa yadua. Qarauna mo kua ni vakacuruma, vakalutuma se sosomitaka eso na vosa. Raica kece na vakavakadigo.

Kerea e dua me rogoca nomu wiliwili, me qai tukuna vei iko na vosa o wilika cala.
Vakarogotaka donu na vosa. Ke o sega ni kila na vakarogotaki ni dua na vosa, raica na ivolavosa, rogoca na kena katokatoni, se taroga e dua na dauwiliwili vinaka.
Vosa vakamatata. Cavuta vakavinaka na vosa, duri vakadodonu qai dolava na gusumu. Saga mo cavuta kece na vosa yadua.

Ena sega ni rogo matau ke o kauaitaka kece na vosa yadua.