“E Vakabulai Au na Yadra!”

E tauri ena valenivolavola e tabaka na Yadra! e dua na ivola ni vakavinavinaka mai Itali. E vaka oqo e dua na tikinivola:

“Sa 40 na yabaki na dede ni noqu wilika tu mai na Yadra! Au drukataka na levu ni ulutaga yaga e dau tabaki kina. Ena dua na gauna lekaleka sa oti, niu tiko e valenicakacaka, au vakila vakasauri ni mosi mai vakaukaua na ketequ kei na mabuqu. Au mani nanuma meu sa lesu i vale, ia se baci tarai au tale na mosi. E kea sara ga au kida kina. Au nanuma lesu sara e dua na ulutaga au a wiIika ena Yadra! me baleta na ivakatakilakila ni mateniuto.a Au sa lako vakadodonu sara ga i valenibula. Niu se tiko ga ena rumuniwawa, sa bale sobu na uluqu, au rebo sara. Oqo na ka e qai tukuni vei au ena siga e tarava, niu sa curu tu ena rumu era dau qaravi kina na kisi bibi e valenibula.

“Dina ni vu ni noqu bula tiko nikua na totolo ni nodra yavala na vuniwai era buta vinaka ena nodra cakacaka, ia sa dodonu meu vakacaucautaka tale ga na nomuni ivola. Ena vuku ni ivakamacala e tabaka, au kila kina ni vinaka me se tei yavayavaqu i valenibula. E vakabulai au na Yadra!”

[iVakamacala e ra]