Takalevu na Veidabui!

E cakacaka tiko o Dannya ena dua na kabani levu ni veivoli e Hong Kong. Ena gauna e sikova kina e dua na kabani ni buli iyaya e rawa ni bulia na iyaya me ratou volitaka, e vakaraitaka na nona leqataka se na rawa ni bulia na kabani qori na ivakatagedegede ni iyaya me ratou volitaka. Ena gauna rau sa lai vakayakavi kina, e solia vei Danny na manidia ni kabani ni buli iyaya qori e dua na waqanivola. E tiko e loma e rauta ni sivia e tini vakacaca na udolu na dola na ilavo qaqa me vaqumi kina o Danny. Qori e tautauvata kei na kena isau ena dua na yabaki.

● E levu era sotava tale ga na ituvaki a sotava o Danny. E kurabuitaki ni tubu tiko ga na levu ni veidabui ena veiyasai vuravura. Kena ivakaraitaki, e laurai ena so na ivolatukutuku ni mataveilewai, ni o ira na veikabani lelevu ni buli iyaya e Jamani era vaqumi ira na kabani ni volitaki iyaya ena 1.4 na bilioni na dola na ilavo ni Merika mai na 2001 ina 2007 me rawa kina ni dua na nodra konitaraki.

E levu mada ga na veisau sa vakayacori ena kabani rogo ena vuku ni cakacaka vakailawaki, ia sa qai levu ga na veidabui. Ena 2010, e laurai mai na vakadidike ni Transparency International ena vuravura raraba, ni “tubu na iwiliwili ni veidabui ena tolu na yabaki sa oti.”

Na cava e levu kina na veidabui? Vakacava e yaga meda dau dina? Ke vaka kina, ena rawa vakacava? Vakacava e rawa ni vukei keda na iVolatabu?

[iVakamacala e ra]