Ezayíi

Jlǎ gǔ e togun ce fɔ́n é togun ce,

bo jlá hwɛ e kúnkan Jakɔ́bu tɔn hu lɛ́ é kúnkan Jakɔ́bu tɔn.

 2 Yě nɔ ba mì ayǐhɔ́ngbe ayǐhɔ́ngbe,

bo nɔ ɖe xlɛ́ ɖɔ ali ce lɛ́ tuuntuun nɔ víví nú émí,

cí nǔ ɖɔ akɔta e wa nǔ jlɔ́jlɔ́,

bo ma wɔn ya nú hwɛjijɔ Mawu yětɔn tɔn ǎ é wɛ yě nyí ɖɔhun.

Yě nɔ byɔ́ mì ɖɔ má ɖɔ hwɛ jlɔ́jlɔ́,

cí nǔ ɖɔ Mawu sisɛkpɔ́ nɔ víví nú yě wɛ ɖɔhun.

Ðó azǎn e gbe mi nɔ blá nu é ɔ, mi nɔ nya le miɖésúnɔ tɔn lɛ́* gbé,

bo nɔ dó ya nú azɔ̌watɔ́ mitɔn lɛ́.

 4 Nubláblá mitɔn lɛ́ nɔ fó dó jlɛɖiɖɔ kpó hunxixo kpó mɛ,

bɔ mi nɔ dó akpotokwín mɛ dó dǎka mɛ.

 5 Nubláblá e un byɔ́ é ɖó ná cí lě wɛ a?

É ɖó ná cí azǎn e gbe mɛɖé nɔ dó wǔvɛ́ nú éɖée,*

nɔ dó kɔ do fɛ́n ɖɔhun,

lobo nɔ sɔ́ ati kpó afín kpó dó ɖó zan é ɖɔhun wɛ a?

è ní ɖe gɛdɛ nǔnyanyawiwa tɔn lɛ́ síin,

è ní tún kan agbanhɛnkpo ɔ tɔn lɛ́,

è ní jó mɛ e gbídí kɔ ná wɛ è ɖe lɛ́ é,

bo wɛ́n agbanhɛnkpo lɛ́ bǐ ɖó we we;

 7 è ní má wɔ̌xúxú mɛtɔn xá mɛ e xovɛ́ sin é,

è ní yí wamamɔnɔ kpó mɛ e ma ɖó xɔ ɖo ta ǎ é kpó dó xwé mɛtɔn gbe,

è ní dó awu nú mɛ e è mɔ ɖo mɛ̌ é,

bo ma dó gǔdo to mɛtɔn mɛ nu ó.

 8 Énɛ́ ɔ, wěziza towe ná kɔ́n hwe tɔ́n ɖɔhun,

bɔ azɔn towe ná yá wǔ gbɔ.

Nǔjlɔ́jlɔ́wiwa towe ná nɔ nukɔn towe,

bɔ susu Jexóva tɔn ná nya xɛ ɖo jǐ we ɖo gǔdo.

 9 Énɛ́ ɔ, a ná ylɔ́ bɔ Jexóva ná sɔ;

a ná sú xó bo byɔ́ alɔdó, bɔ é ná ɖɔ: ‘Nyi ɖíe!’

Ényí a ɖe agbanhɛnkpo ɔ sín tɛ́ntin towe,

bo ma sɔ́ nɔ dlɛ́n alɔví dó mɛ ɖě ǎ, lobo ma sɔ́ nɔ ɖɔ xó nyanya ɖě ǎ ɔ,

10 ényí a ná nǔ e hwiɖésúnɔ* jló é mɛ e xovɛ́ sin é,

bo kpé nukún dó mɛ e ɖo wǔvɛ́ se wɛ lɛ́ é* wú ɔ,

énɛ́ ɔ, wěziza towe ná kɔ́n, é tlɛ nyí ɖo zǐnflú mɛ ɔ nɛ́,

bɔ ablu towe ná cí hwemɛ cíɖíɖí ɖɔhun.

11 Jexóva ná xlɛ́ ali we hwebǐnu,

bo ná kpé nukún dó wǔ we,* é tlɛ nyí ɖo ayǐkúngban xúxú ɖé jí ɔ nɛ́;

é ná ná hlɔ̌nhlɔ́n xú towe lɛ́,

bɔ a ná cí jikpá e è hú sin ná ganjí é ɖɔhun,

tɔjɔtɛn e sín sin ma nɔ mɛ gbeɖé ǎ é ɖɔhun.

12 Yě ná vɔ́ dǒglin hwexónu tɔn lɛ́ mɛ ɖó hwi wú,

bɔ a ná vɔ́ jijimɛ e wá yi lɛ́ é sín dodónu lɛ́ ɖó ayǐ.

È ná nɔ ylɔ́ we ɖɔ mɛ e vɔ́ ahohó e gba hánnyá lɛ́ é blóɖó é,

bo ná nɔ ylɔ́ we ɖɔ mɛ e bló ali e jí è nɔ nɔ lɛ́ é ɖó é.

13 Ényí é sín gbɔjɛzán ɔ wú bónú a gɔn nǔ e nyí le hwiɖésúnɔ tɔn* lɛ́ é gbé nya ɖo azǎn mímɛ́ ce jí,

bo ylɔ́ gbɔjɛzán ɔ ɖɔ nǔ e nɔ víví nú we hú nǔ bǐ é, azǎn mímɛ́ Jexóva tɔn, azǎn e è ɖó ná kpa susu ná é,

bo kpa susu n’i hú ɖɔ a ní ɖo nǔ e nyí le hwiɖésúnɔ tɔn lɛ́ é gbé nya wɛ, bo ɖo xógbló ɖɔ wɛ ɔ,

14 énɛ́ ɔ, a ná mɔ nǔ e nɔ víví nú we hú nǔ bǐ é ɖo Jexóva mɛ,

bɔ un ná bló bɔ a ná gbɔn fí e yi jǐ ɖo ayǐkúngban ɔ jí lɛ́ é.

Un ná bló bɔ a ná ɖu tɔ́gbó towe Jakɔ́bu sín gǔ,*

ɖó nu Jexóva tɔn wɛ ɖɔ xó.”