Alɔdlɛndonǔ Kplé Gbɛzán kpo Sinsɛnzɔ́ kpo Tɔn Sín Azɔ̌wema Tɔn Lɛ

6-12 FÉVRIER

DƆKUN MAWUXÓ Ɔ TƆN ÐÉ LƐ | EZAYÍI 47-51

Nǔ Xɔ Akwɛ Biblu Tɔn lɛ Biba

it-1-F 657 akpá. 4-5

Mɛɖée Gbigbɛ́

Mɛɖée Gbigbɛ́ Ðò Nùjlɛdonǔwu Linu. È zán kancica alɔwliwli tɔn ɖò nùjlɛdonǔwu linu ɖò Mawuxówema ɔ mɛ. (Eza 54:1, 5, 6; 62:1-6) È lɛ́ ɖɔ mɛɖée gbigbɛ́ alǒ asì ɖé nyinya xó ɖò nùjlɛdonǔwu linu.​—Jel 3:8.

È gbà axɔsuɖuto Judáa tɔn bo viva Jeluzalɛmu ɖò 607 J.H.M., lobo bɛ́ tò ɔ mɛ nu lɛ yì kannumɔgbenu ɖò Babilɔnu. Xwè ɖé lɛ jɛ nukɔn ɔ, Jehovah ko ɖɔ nú Jwifu e na wá yì kannumɔgbenu lɛ é ɖɔ: “Mi bo xlɛ́ wema e un wlan dó así [nú nɔ mitɔn], bo gbɛ́ ɛ, lobo nya ɛ ɔ mì.” (Eza 50:1) Hwɛjijɔ e sɔgbe é ɖé wu wɛ Jehovah gbɛ́ “nɔ” yetɔn alǒ akɔta ɔ, é nyí akɔ e Jehovah jɛ xá ɛ é wɛ É gbà lobo gbɛ́ ɛ ǎ, loɔ, akɔjijɛ Sɛ́n ɔ e akɔta ɔ gbà é wɛ zɔ́n. Amɔ̌, Izlayɛli-ví e kpò lɛ é lɛkɔ sín hwɛ yetɔn lɛ gudo, bo xoɖɛ lobonu kancica asú kpo asì kpo tɔn e ɖò Jehovah kpo akɔta ɔ ko tɛntin é na lɛ́ jɛ tɛn tɔn mɛ ɖò tò yetɔn mɛ. Ðó nyikɔ éɖesunɔ tɔn wutu ɔ, Jehovah bló bɔ togun tɔn lɛkɔ wà jɔtɛn tɔn lee é ko d’akpá tɔn gbɔn é, ɖò 537 J.H.M., ɖò xwè 70 e tò ɔ nɔ vɔ̌ na gudo é.​—Ðɛ 137:1-9; kpɔ́n ALƆWLIWLI.