AKPÁXWÉ 2
Sín Sìn Vɔ Gbɛ̀ Hwenu jɛ Hwenu E Mawu Hwlɛn Izlayɛli-ví lɛ sín Ejipu É
Mɛ tantɔn jɛn gán ɖò Sìn Vɔ Gbɛ̀ hwenu, amɔ̌ hwenu kpɛɖé gudo ɔ, gbɛtɔ́ yì afatɔ́ɔ́n mɔkpan. Sìn Vɔ Gbɛ̀ ɔ bɔ é bló xwè 352 é ɔ, è jì Ablaxamu. Mawu ɖè akpá e É dó nú Ablaxamu é bɔ é jì Izaki. Enɛ gudo ɔ, Mawu sɔ́ Jakɔbu ɖò vǐ sunnu wè e Izaki jì lɛ é mɛ.
Xwédo Jakɔbu tɔn d’agba. É jì vǐ sunnu 12 kpo vǐ nyɔnu ɖé lɛ kpo. Vǐ tɔn 10 gbɛ́ wǎn nú nɔví yetɔn Jozɛfu bo sà ɛ dó kannumɔgbenu ɖò Ejipu. Hwenu ɖò yìyì wɛ é ɔ, Jozɛfu wá nyí gǎn nukúnɖeji ɖé ɖò Ejipu. Adɔ ɖaxó ɖé wá tɔ́n, bɔ Jozɛfu tɛ́n nɔví tɔn lɛ kpɔ́n ɖɔ ye ko ɖyɔ jijɔ à jí. Gudo mɛ ɔ, xwédo Jakɔbu tɔn bǐ, ee nyí Izlayɛli-ví lɛ é yí jɛ Ejipu. È jì Ablaxamu bɔ é bló xwè 290 é wɛ nǔ enɛ lɛ jɛ.
Izlayɛli-ví lɛ nɔ Ejipu nú xwè 215 e bɔ d’ewu lɛ é. Ye huzu kannumɔ ɖò tò ɔ mɛ ɖò kú Jozɛfu tɔn gudo. Hwenɛnu wɛ è jì Mɔyizi, bɔ Mawu gbɔn jǐ tɔn bo hwlɛn Izlayɛli-ví lɛ gán sín Ejipu. Akpáxwé WEGƆ elɔ kpi tàn nǔ e jɛ ɖò xwè 857 gblamɛ é tɔn.