AKPÁXWÉ 3

Sín Hwenu E Mawu Hwlɛn Izlayɛli-ví lɛ sín Ejipu é jɛ Axɔsu Nukɔntɔn Izlayɛli Tɔn Hwenu

Mɔyizi kplá Izlayɛli-ví lɛ sín kannumɔgbenu ɖò Ejipu wá Sinayi Só kɔn, fí e Mawu na sɛ́n tɔn lɛ ye ɖè é. Enɛ gudo ɔ, Mɔyizi sɛ́ sunnu 12 dó bo ɖɔ ye ni yì ba dò nú ayikúngban Kanaa tɔn. Amɔ̌, ye mɛ 10 wá ɖó gbè nǔ e ye ma mɔ ǎ é tɔn. Enɛ zɔ́n bɔ togun ɔ jló na lɛkɔ yì Ejipu. Nǔmaɖi Izlayɛli-ví lɛ tɔn zɔ́n bɔ Mawu dɔn tó nú ye, bɔ ye flú gbɔn gbetótló mɛ nú xwè 40.

Mawu wá ɖè Jozuwe, bɔ é kplá Izlayɛli-ví lɛ yì ayikúngban Kanaa tɔn jí. Nùjiwǔ ɖé lɛ wɛ Jehovah bló, bo dó d’alɔ ye, bɔ ye yí ayikúngban ɔ. É gbò Judɛɛn Tɔ̀, mu ahoho Jeliko tɔn, bo ɖó hwesivɔ te nú kéze ɖokpo blebu. Xwè ayizɛ́n gudo ɔ, ye yí ayikúngban ɔ sín Kanaanu lɛ sí.

Hwɛɖɔtɔ́ lɛ wɛ kpa acɛ ɖò Izlayɛli nú xwè 356, bɛ́sín Jozuwe jí. Mǐ na kplɔ́n nǔ dó ye mɛ gègě wu, ɖi Balaki, Jedewɔn, Jɛfute, Sansɔɔn kpo Samuwɛli kpo. Mǐ na lɛ́ kplɔ́n nǔ dó nyɔnu ɖé lɛ wu, ɖi Laxabu, Ðebola, Jaɛlu, Hwiliti, Nawomii kpo Dalila kpo. Akpáxwé ATƆNGƆ elɔ kpi tàn nǔ e jɛ ɖò xwè 396 gblamɛ é tɔn.