Kplɔ́n Azɔ̌ Ye nú Ye Na Ðò Jehovah Sɛ̀n Wɛ Zɔn Mǐ Yì

Nǔ e ko jɛ wá yì lɛ é xlɛ́ ɖɔ wɛnjlatɔ́ yɔyɔ̌ e è jɛ azɔ̌ kplɔ́n jí dó mɛhwenu bonu ye na nɔ ɖ’alɔ ɖò sinsɛnzɔ́ ɔ mɛ hwɛhwɛ kpo kanɖodonǔwu kpo lɛ é, nɔ yawu huzu wɛnjlatɔ́ e alɔ bí na lɛ é. (Nùx 22:6; Fili 3:16) Lee a sixu d’alɔ nùkplɔntɔ́ ɖé b’ɛ na lidǒ ɖò sinsɛnzɔ́ ɔ mɛ gbɔn é ɖé lɛ ɖíe:

• Ee è yí gbè nú nùkplɔntɔ́ towe b’ɛ huzu wɛnjlatɔ́ tlolo é ɔ, jɛ azɔ̌ kplɔ́n ɛ jí azɔn ɖokpo. (km-EG 8/15 1) Dǒ wusyɛn lanmɛ n’i nú sinsɛnzɔ́ ɔ ni ɖò taji n’i, bo lɛ́ nyí aca e é nɔ xwedó ɖò aklunɔzán gblamɛ lɛ é sín akpáxwé ɖé. (Fili 1:10) Nɔ ɖɔ xó ɖagbe dó lee Mawuxóɖiɖɔ ɔ nɔ yì gbɔn ɖò xá mitɔn mɛ é wu. (Fili 4:8) Dǒ wusyɛn lanmɛ n’i ɖɔ é ni zán hwenu gègě dó w’azɔ̌ xá nukúnkpénuwutɔ́ gbɛ̌ta ɔ tɔn kpo wɛnjlatɔ́ ɖevo lɛ kpo bo na mɔ tɛn dó ɖu nǔ e ye ko mɔ kpɔ́n lɛ é sín lè.​—Nùx 1:5; km-EG 10/12 6 akpá. 3

  

• Enyi nùkplɔntɔ́ towe bló baptɛm gudo hǔn, ma gbɔ wusyɛn dó lanmɛ n’i ó, ma ka lɛ́ gbɔ azɔ̌ kplɔ́n ɛ ɖò sinsɛnzɔ́ ɔ mɛ ó, ɖò taji ɔ nú é ma ko fó wema “Wanyiyi Mawu Tɔn” ǎ ɔ nɛ.—km-EG 12/13 7

  

• Zǎn nùxwlémɛ e ɖò wɛn é ɖé hwenu e a ɖò azɔ̌ wà xá wɛnjlatɔ́ yɔyɔ̌ ɖé wɛ ɖò sinsɛnzɔ́ ɔ mɛ é. Enyi a ɖótó nùxwlémɛ tɔn gudo hǔn, kpa ɛ kpo xomɛnyínyɔ́ kpo. Ðè wě ɖěɖee na d’alɔ ɛ bɔ alɔ na lɛ́ bí n’i d’eji lɛ é xá ɛ.​—km-EG 5/10 7