DƆKUN MAWUXÓ Ɔ TƆN ÐÉ LƐ | TÍNTƆ́N 10-11
Mɔyizi kpo Aalɔ́ɔn kpo Ðè Akɔ́nkpinkpan Ðaxó Xlɛ́
10:3-6, 24-26, 28; 11:4-8
Mɔyizi kpo Aalɔ́ɔn kpo ɖè akɔ́nkpinkpan ɖaxó xlɛ́ hwenu e ye ɖò xó ɖɔ nú Falawɔ́ɔn, ee nyí agbɔ̌nnɔ hugǎn bǐ hwenɛnu é wɛ é. Fitɛ ye ka ba akɔ́nkpinkpan enɛ sín? Biblu ɖɔ dó Mɔyizi wu ɖɔ: “Nǔɖiɖi e Mɔyizi ɖó ɔ wɛ zɔ́n bɔ é gosin Ejipu ma ɖi xɛsi nú xomɛsin axɔ́su ɔ tɔn. É kpan akɔ́n, ɖi é ɖò éyɛ Mawu e è ma nɔ mɔ ǎ é mɔ wɛ ɖɔhun.” (Eb 11:27) Mɔyizi kpo Aalɔ́ɔn kpo ɖó nǔɖiɖi syɛnsyɛn nú Jehovah bo lɛ́ ɖeji dó wǔtu tɔn.
Ninɔmɛ tɛ lɛ ka nɔ byɔ akɔ́nkpinkpan cobɔ a na ɖɔ xó dó nǔɖiɖi towe wu nú mɛ e ɖò gǎn tɛnmɛ é ɖé?