Mǐ Nɔ Nɔ Gudo nú Nǔgbɛnúmɛ Jehovah Tɔn Dó Ðè Wanyiyi Xlɛ́

Mɛ ɖiɖe sín agun mɛ nɔ cyɔn alɔ agun ɔ jí, bo nɔ lɛ́ gbɛ́ nǔ nú nǔnyanyawatɔ́ e ma lɛkɔ sín hwɛ yetɔn gudo ǎ lɛ é. (1Kɔ 5:6, 11) Enyi mǐ nɔ nɔ gudo nú nǔgbɛnúmɛ mɔ̌hun e nɔ gosin Jehovah gɔ́n é ɔ, mǐ nɔ ɖexlɛ́ ɖɔ mǐ ɖó wanyiyi. Nɛ̌ enɛ ka sixu nyí nǔgbo gbɔn hwenu e mɛ ɖiɖe sín agun mɛ ɔ dɔn wuvɛ̌ wá nú mɛ e é kan lɛ é bǐ, kaka jɛ mɛyámɛ tɔn lɛ kpo wěɖegbɛ́ hwɛɖiɖɔ tɔn ɔ kpo jí é?

Hugǎn bǐ ɔ, mǐ nɔ xlɛ́ ɖɔ mǐ yí wǎn nú Jehovah, mǐ kún jló na kɔn cí dó nyikɔ tɔn wu ó, bo na wà nǔ sɔgbe xá nǔ e nyí nǔ mímɛ́ ɖò nukún tɔn mɛ é. (1Pi 1:14-16) Mǐ nɔ lɛ́ ɖexlɛ́ ɖɔ mǐ yí wǎn nú mɛ e è ɖè sín agun mɛ é. Nǔ e è gbɛ́ nú mɛ syɛnsyɛn é nɔ dɔn wuvɛ̌ wá có, lè e ɖ’emɛ ɔ wɛ nyí “fífá e è nɔ mɔ ɖò gbɛ̀ jlɔjlɔ zinzan mɛ é.” (Eb 12:5, 6, 11) Enyi mǐ nɔ dó gbɛ̌ xá mɛ e è ɖè sín agun mɛ é ɖé, alǒ mɛ e ɖè éɖée sín agun mɛ é ɖé hǔn, kpò gbò nyi ali jí nú nǔgbɛnúmɛ Jehovah tɔn mɛ wɛ mǐ ɖè nɛ. Flín ɖɔ Jehovah nɔ gbɛ́ nǔ nú togun tɔn “lee é jɛxa gbɔn é.” (Jel 30:11) Mǐ nɔ ɖó nukún ɖɔ mɛ ɔ na lɛkɔ wá Tɔ́ mǐtɔn nǔblawukúnúmɛtɔ́ ɔ gɔ́n. Amɔ̌ ɖò avla enɛ mɛ ɔ, mǐ nɔ kpò ɖò gudo nɔ nú nǔgbɛnúmɛ Jehovah tɔn wɛ, bo nɔ wà nǔ e wu mǐ kpé é bǐ dó hɛn kancica e mǐ ɖó kpo é kpo é lidǒ.—Eza 1:16-18; 55:7.

KPƆ́N NǓKPINKPƆN-DÓ-KPLƆ́N-NǓ NƆ GBEJI KPO AYI TOWE BǏ KPO Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Enyi vǐ ɖé jó Jehovah dó ɔ, wuvɛ̌ tɛ mɛjitɔ́ tɔn Klisanwun lɛ ka nɔ mɔ?

• 

  Nɛ̌ agun ɔ ka sixu nɔ gudo nú xwédo ɔ sín mɛ e ɖò gbeji lɛ é gbɔn?

• 

  Tan Biblu tɔn tɛ ka kplɔ́n mǐ ɖɔ gbejininɔ nú Jehovah ɖò taji hugǎn gbejininɔ nú xwédo mǐtɔn?

• 

  Nɛ̌ mǐ ka nɔ xlɛ́ ɖɔ mǐ ɖò gbeji nú Jehovah hugǎn xwédo mǐtɔn gbɔn?