ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ | BLǑ BONU AWǍJIJƐ TOWE NI JƐJI ÐÒ SINSƐNZƆ́ Ɔ MƐ
Nɔ Zán Xó Mawu Tɔn
Xó Mawu tɔn ɖó hlɔnhlɔn! (Eb 4:12) É tlɛ sixu byɔ mɛ ɖěɖee ma tuùn Mawu ǎ lɛ é sín ayi mɛ. (1Tɛ 1:9; 2:13) Enyi akpakpa sɔ́ mɛɖé dó nǔgbo Biblu tɔn yɔyɔ̌ e mǐ xlɛ́ ɛ é ɖé wu ɔ, enɛ nɔ víví nú mǐ tawun.
KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: BLǑ BONU NǓWUKPÍKPÉ TOWE LƐ NI KPƆ́N TE: NǓ XÓ MAWU TƆN NI ÐÈ HLƆNHLƆN E É ÐÓ É TƆ́N Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:
Nɛ̌ Ana ka jó Xó Mawu tɔn dó b’ɛ ɖè hlɔnhlɔn e é ɖó é tɔ́n dó d’alɔ Jaké, b’ɛ mɔ nǔ e wu é nyɔ́ ɖɔ è ni kpɔ́n nǔ e Xó Mawu tɔn ɖɔ é gbɔn?
Nɛ̌ Ana ka jó Xó Mawu tɔn dó b’ɛ ɖè hlɔnhlɔn e é ɖó é tɔ́n hwenu e é ɖɔ bɔ Jaké xà wemafɔ ɔ d’aga, bɔ enɛ gudo ɔ, é ɖè nǔ taji e ɖ’emɛ ɔ tɔ́n é gbɔn?
Etɛ ka xlɛ́ ɖɔ wemafɔ ɔ byɔ ayi mɛ nú Jaké? Ðagbe tɛ enɛ ka wà n’i bɔ a lin?