Yǐ Gbè nú Alɔdó Jehovah Tɔn: Ðɛxixo

Jehovah wɛ nɔ bló bɔ kún nǔgbo ɔ tɔn nɔ dó ɖɔ̀ dò ɖò mɛɖé sín ayi mɛ bo nɔ lɛ́ sù. (1Kɔ 3:6-9) Enɛ wu ɔ, cobɔ sinsɛnzɔ́ mǐtɔn na kpa mǐ ganji ɔ, mǐ ɖó na ganjɛ Jehovah wu bonu é na d’alɔ mǐ kpo Biblu kplɔntɔ́ mǐtɔn lɛ kpo.

Nɔ byɔ Jehovah ɖɔ é ni d’alɔ nǔkplɔntɔ́ towe lɛ bonu ye na dɛ ɖò kɔgbidínúmɛ lɛ glɔ́ bo lɛ́ ɖu ɖò tagba lɛ jí. (Fili 1:9, 10) Nɔ nɔ tlɔlɔ. Nɔ xoɖɛ dó byɔ gbigbɔ mímɛ́ ɖɔ é ni xlɛ́ ali linlin kpo nǔwiwa kpo towe lɛ hwenu e a na ɖò alɔ dó ye wɛ é. (Lk 11:13) Nɔ kplɔ́n lee è nɔ xoɖɛ gbɔn é Biblu kplɔntɔ́ towe lɛ, bo nɔ dó wusyɛn lanmɛ nú ye ɖɔ ye lɔ ni nɔ wà mɔ̌. Nɔ xoɖɛ xá Biblu kplɔntɔ́ towe lɛ bo nɔ lɛ́ xò dó takún yetɔn mɛ. A ɖò xixo wɛ hǔn, nɔ ylɔ́ nyikɔ yetɔn.

KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: YǏ GBÈ NÚ ALƆDÓ JEHOVAH TƆN: ÐƐXIXO Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Wuvɛ̌ tɛ Ana ka mɔ ɖò nǔkplɔnkplɔn xá Jaké hwenu?

• Nɛ̌ 1 Kɔlɛntinu lɛ 3:6 ka d’alɔ Ana gbɔn?

• Nɛ̌ Ana sín wuvɛ̌ ka gbɔ gbɔn?