Nɔ Sè Wuvɛ̌ Xá Mɛ

Wuvɛ̌sexámɛ sín tinmɛ wɛ nyí nǔwukpíkpé e nɔ zɔ́n bɔ è nɔ mɔ nǔ jɛ linlin mɛ ɖevo tɔn, lee nǔ cí n’i é, nǔ e ɖò taji n’i lɛ é kpo nǔ e sín hudo é ɖó lɛ é kpo mɛ é. Enyi mǐ nɔ sè wuvɛ̌ xá mɛ kpo mǐ gbɔ kpo ɔ, mɛ ɖevo lɛ nɔ yawǔ ɖ’ayi wu. Enyi mǐ jló nǔgbo nǔgbo bá d’alɔ mɛ ɖevo lɛ ɔ, enɛ na sísɛ́ mǐ bɔ mǐ na sè wuvɛ̌ xá ye. Enyi mǐ nɔ sè wuvɛ̌ xá mɛ ɖò sinsɛnzɔ́ ɔ mɛ ɔ, wanyiyi kpo nukúnkpédómɛwu Jehovah tɔn kpo ɖexlɛ́ wɛ mǐ ɖè mɔ̌ nɛ; bɔ enɛ nɔ dɔn mɛ lɛ wá gɔ̌n tɔn.—Fili 2:4.

Wuvɛ̌sexámɛ nyí wlɛnwín e mǐ nɔ zán dó kplɔ́n nǔ mɛ na é ɖé kpowun ǎ. É nɔ byɔ ɖɔ mǐ ni ɖótó mɛ ɔ ganji bo lɛ́ nyɔ́ xomɛ dó wǔ tɔn. Lee ɖɔ xó n’i gbɔn wɛ mǐ ɖè é, lee wà nǔ gbɔn wɛ mǐ ɖè é kpo nukúnmɛ sín xlɛ̌ mǐtɔn lɛ kpo lɔ ɖó na xlɛ́ mɔ̌. Wuvɛ̌sexámɛ nɔ lɛ́ byɔ ɖɔ nǔ mɛɖé tɔn ni nɔ ɖu ayi mɛ nú mǐ dó nǔjɔnǔ mɛ. Mǐ nɔ ɖ’ayi nǔ e nɔ jló è lɛ é, nǔ e é ɖi nǔ na lɛ é, kpo ninɔmɛ tɔn lɛ kpo wu. Mǐ nɔ ɖè wě tawun tawun lɛ xá ɛ, bo nɔ lɛ́ nɔ gudo n’i, amɔ̌, mǐ nɔ dó cɔcɔ n’i bonu é na bló huzuhuzu lɛ ǎ. Enyi mɛ e mǐ nɔ jlá wɛn ɔ lɛ é yí gbè nú alɔdó mǐtɔn ɔ, enɛ nɔ zɔ́n bɔ awǎjijɛ mǐtɔn nɔ lɛ́ jɛji tawun ɖò sinsɛnzɔ́ ɔ mɛ.

KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: BLǑ BONU NǓWUKPÍKPÉ TOWE LƐ NI KPƆ́N TE: NƆ SÈ WUVƐ̌ XÁ MƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Nɛ̌ Ana ka sè wuvɛ̌ xá Jaké hwenu e é gbɔhwenu é gbɔn?

• 

  Nɛ̌ Ana ka sè wuvɛ̌ xá Jaké hwenu e é ɖɔ emi ɖó linkpɔ́n dín, bo kún sixu kplɔ́n nǔ ó é gbɔn?

• 

  Nɛ̌ Ana ka sè wuvɛ̌ xá Jaké hwenu e é ɖɔ emi kún nyɔ́ tuto bló nú nǔ ganji ó é gbɔn?