Yǐ Gbè nú Alɔdó Azɔ̌watɔ́ Hatɔ́ Towe lɛ Tɔn

Jehovah na mǐ nɔví sunnu kpo nɔví nyɔnu kpo mǐtɔn e “gbakpé gbɛ̀ ɔ bǐ mɛ lɛ” é bo na dó d’alɔ mǐ. (1Pi 5:9) Ye sixu d’alɔ mǐ bɔ mǐ na ɖí xwi xá wuvɛ̌ e mǐ nɔ mɔ ɖò sinsɛnzɔ́ ɔ mɛ lɛ é bɔ é na kpa mǐ. Ði kpɔ́ndéwú ɔ, mɛsɛ́dó Pɔlu ɖu alɔ e Akilasi kpo Plisilu kpo, Silasi, Timɔtée, kpo mɛ ɖevo lɛ kpo dó é sín lè.—Mɛ 18:1-5.

Nɛ̌ azɔ̌watɔ́ hatɔ́ lɛ ka sixu d’alɔ we ɖò sinsɛnzɔ́ ɔ mɛ gbɔn? Ye sixu ɖè wě tawun tawun ɖé lɛ xá we bɔ a na tuùn lee a na ɖu ɖò kpò e è nɔ gbò nyi ali jí nú mɛ ɖò sinsɛnzɔ́ ɔ mɛ lɛ é jí gbɔn é, lee a na bló mɛbakpɔ́n lɛ gbɔn é, alǒ lee a na xwlé Biblu kplɔnkplɔn mɛ bo lɛ́ kplɔ́n mɛ gbɔn é. Mɛɖé ɖò agun towe mɛ bɔ a lin ɖɔ é sixu d’alɔ we ɖò ali enɛ ɖě nu à? Enyi mɔ̌ hǔn, bo byɔ ɛ ɖɔ é ni d’alɔ we. É ɖò wɛn ɖɔ mi mɛ we lɛ bǐ na ɖu vivǐ tɔn, bɔ a na lɛ́ bló bɔ mi mɛ we lɛ na ɖó awǎjijɛ.—Fili 1:25.

KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: YǏ GBÈ NÚ ALƆDÓ JEHOVAH TƆN: NƆVÍ MǏTƆN LƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Nɛ̌ Ana ka tɛ́n kpɔ́n bo dó wusyɛn lanmɛ nú Jaké bonu é na nɔ wá kplé agun tɔn lɛ gbɔn?

• 

  Etɛwu mǐ ka ɖó na nɔ ylɔ́ wɛnjlatɔ́ ɖevo lɛ bɔ ye na nɔ gɔ́ nú mǐ ɖò Biblu kplɔnkplɔn ɖé hwenu?

• 

  Etɛ Jaké kpo Abigayilu kpo ka yí wǎn na ɖó kpɔ́?

• Nǔwukpíkpé mɛkplɔnkplɔn tɔn tɛ a ka mɔ ɖɔ azɔ̌watɔ́ hatɔ́ lɛ sixu kplɔ́n we ɖò sinsɛnzɔ́ ɔ mɛ?