Lěe è ná kplɔ́n nǔ gbɔn é

Kplɔ́n nǔ d’é jí dó jijɔ ɖaaɖagbe Jexóva tɔn lɛ́ wú

Ényí mǐ xa Biblu ɔ, mǐ sixú ba do nú nǔ bá dó mɔ nukúnnú jɛ nǔ mɛ d’é jí. É ɖo mɔ̌ có, nukúnnúmɔjɛnǔmɛ mǐtɔn ná jɛjí kpowun wútu wɛ mǐ nɔ kplɔ́n nǔ ǎ. Mǐ ba ná kplɔ́n nǔ d’é jí dó jijɔ ɖaaɖagbe Jexóva tɔn lɛ́ wú, bɔ énɛ́ ná zɔ́n bɔ wǎn e mǐ yí n’i é ná jɛjí. Bo ná dó kpé énɛ́ wú ɔ, mǐ sixú nɔ kan nǔ élɔ́ byɔ́ mǐɖée: ‘Étɛ́ tan Biblu tɔn élɔ́ ka kplɔ́n mì dó Jexóva wú?’

Ði kpɔ́ndéwú ɔ, a hɛn ɔ, a ná tɛ́n kpɔ́n bo kplɔ́n nǔ dó lěe Jexóva ko ɖe jijɔ tɔn tají élɔ́ lɛ́ xlɛ́ gbɔn é wú hú gǎn: Wǎnyíyí, nǔnywɛ́, hwɛjijɔ kpó hlɔ̌nhlɔ́n kpó. Amɔ̌, Jexóva lɛ́ ɖó jijɔ ɖaaɖagbe gěgé ɖěvo lɛ́ bɔ a sixú kplɔ́n nǔ dó yě wú. Fítɛ́ a ka sixú kplɔ́n nǔ dó jijɔ tɔn lɛ́ wú ɖe?

A sixú mɔ jijɔ Jexóva tɔn ɖěvo lɛ́ 50 jɛjí ɖo Index des publications des Témoins de Jéhovah mɛ; ɖo xóta “Jéhovah” glɔ́ ɔ, kpɔ́n xótala “Qualités de Jéhovah.” Énɛ́ gúdo hǔn, ba do nú nǔ dó jijɔ ɖěɖěe tɔ́n ɖo tan e a xa é mɛ é jí.