Nǔ e wú ahwan kpó hunnyahunnya lɛ́ kpó ma ko nɔ te ǎ é

HWƐHUHU

Mawu bló mɛjitɔ́ mǐtɔn nukɔntɔn lɛ́, Adámu kpó Ɛvu kpó ɖo akpajlɛ́ éɖésú tɔn mɛ. (Bǐbɛ́mɛ 1:27) Énɛ́ xlɛ́ ɖɔ é kún ná vɛ́ wǔ nú yě ɖěbǔ cóbónú yě ná ɖe jijɔ Mawu tɔn lɛ́ xlɛ́ ó, káká jɛ fífá kpó wǎnyíyí kpó jí. (1 Kɔlɛ́ntinu lɛ́ 14:33; 1 Jaan 4:8) É ɖo mɔ̌ có, Adámu kpó Ɛvu kpó tlí tó nú Mawu bo hu hwɛ. Mɔ̌ mɛ ɔ, mǐ mɛ bǐ ɖu hwɛhuhu kpó kú kpó sín gǔ. (Hlɔ̌manu lɛ́ 5:12) Hwɛhuhu sín gǔ e mǐ ɖu é nɔ zɔ́n bɔ mǐ nɔ ɖó linlin dǎkaxixo tɔn lɛ́ bo nɔ lɛ́ xo dǎka.—Bǐbɛ́mɛ 6:5; Maki 7:21, 22.

ACƐKPIKPA GBƐTƆ́ TƆN LƐ́

Mawu bló mǐ bónú mǐ ná kp’acɛ dó mǐɖée lɛ́ jí ǎ. Biblu ɖɔ: “Gbɛtɔ́ ɖésú sixú xlɛ́ ali e é ná gbɔn é éɖée ǎ.” (Jelemíi 10:23) Hwɛjijɔ énɛ́ wɛ zɔ́n bɔ acɛkpikpa gbɛtɔ́ tɔn lɛ́ ma sixú ɖó nǔ ahwan kpó dǎkaxixo kpó nu bǐ mlɛ́mlɛ́ ǎ.

SATÁAN KPÓ AWǑVI TƆN LƐ́ KPÓ

Biblu xlɛ́ ɖɔ “gbɛ ɔ bǐ ɖo mɛ nyanya ɔ sín acɛ mɛ.” (1 Jaan 5:19) “Mɛ nyanya” énɛ́ wɛ è nɔ ylɔ́ ɖɔ Satáan Awǒvi, bɔ é nɔ ɖo gbesisɔmɛ bo ná hu mɛ. (Jaan 8:44) É kpó nǔɖíɖó gbigbɔ tɔn nyanya ɖěvo e è ma nɔ mɔ ǎ lɛ́ é kpó wɛ ɖo gǔdo nú ahwan kpó dǎkaxixo kpó.—Nǔɖexlɛ́mɛ 12:9, 12.