Etɛ Biblu ka Ðɔ Dó Paskwa Wu?
Xósin e Biblu na é
Paskwa sín xwè jinjɔn Biblu jí ǎ. Enyi è kpɔ́n fí e é jɔ sín é ɔ, è na mɔ nǔ e Paskwa nyí tawun é; aca ɖé wɛ bo jinjɔn yɛsu vǐjiji tɔn hwexónu tɔn jí. Kpɔ́n nǔ elɔ lɛ.
Nyikɔ: Wema The Encyclopædia Britannica ɖɔ: “È tuùn fí e nyikɔ Paskwa ɔ jɔ sín é ǎ; yɛhwenɔ Anglo-Saxon tɔn Bède le Vénérable ɖè nyikɔ Paskwa (Easter ɖò Glɛnsigbe mɛ) ɔ sín Anglo-Saxon sín yɛhwe nyɔnu xwejí tɔn ee nyí Eastre é mɛ, ɖò xwè kanweko 8gɔ́ ɔ mɛ. Mɛ ɖevo lɛ nɔ sɔ́ nyikɔ ɔ cá xá yɛhwe nyɔnu vǐjiji tɔn Phénicie tɔn Astarté ee è nɔ ylɔ́ ɖɔ Ishtar ɖò Babilɔnu é.
Azwi lɛ: Wuntun vǐjiji tɔn ɖé wɛ bo “jɔ sín yɛsu fifɔ kpo wuntun kpo ɖěɖee cá kan xá pagáwun sín xwè xwejí tɔn hwexónu tɔn e è nɔ ɖu ɖò Elɔpu kpo Gbadahweji Azíi tɔn kpo é mɛ.”—Encyclopædia Britannica.
Azin lɛ: Sɔgbe xá Funk & Wagnalls Standard Dictionary of Folklore, Mythology and Legend ɔ, azin Paskwa tɔn e è ɖɔ ɖɔ azwi Paskwa tɔn wɛ nɔ nyí tɔn bɔ è nɔ mɔ é gbé nyinya “nyí yɔkpɔvu yíhun ɖé kpowun ǎ, loɔ, yɛsu vǐjiji tɔn ɖé sín wuntun wɛ.” Ðò aca ɖé lɛ mɛ ɔ, è nɔ ɖi ɖɔ azin Paskwa tɔn e è b’acɔ́ na é “sixu zɔ́n bɔ è ɖ’awǎjijɛ, jɛ dɔkun, ɖó lanmɛ syɛn hunsin ɖagbe bo lɛ́ cyɔn alɔ mɛ jí ɖò ali bú dò ɖé nu.”—Fêtes traditionnelles.
Paskwa sín avɔ yɔyɔ̌ lɛ: “Enyi è jló na kan xwé byɔ yɛhwe nyɔnu xwejí tɔn Scandinavie tɔn Eastre, bo ma dó nǔ yɔyɔ̌ ǎ ɔ, è nɔ kpɔ́n dó mɔ mɛmasí, bɔ é sixu dɔn takúkú wá.”—Le grand livre des superstitions.
Nǔ e è nɔ wà hwenu e hwe tɔ́n é: Nǔwiwa enɛ lɛ cá kan xá yɛsu e hwesivɔ sɛntɔ́ hwexónu tɔn lɛ nɔ fɔ ‘ɖò xwejí sín táan e mɛ zǎn kpo kéze kpo nɔ ɖó ganxixo ɖokpo ɔ é é. Ye nɔ fɔ yɛsu enɛ dó dó kwabɔ nú hwesivɔ kpo hlɔnhlɔn tɔn ɖaxó e nɔ vɔ́ gbɛ̀ na gbehan lɛ gɔ́ nú atín lɛ é kpan.’—Célébrations—Le grand livre des fêtes américaines.
Le Guide américain des fêtes tinmɛ fí e Paskwa jɔ sín é nyi wɛn, bo ɖɔ: “É ɖó xò kpɔ́n ǎ, sín bǐbɛ̌mɛ Igleja tɔn jɛn è ko sɔ́ aca pagáwun tɔn xóxó lɛ bo b’acɔ́ nú ye dó Klisanwun sín aca lɛ lɔ jí.”
Biblu gb’akpá nú mǐ ɖɔ mǐ ni ma xwedó aca e Mawu gbɛ́ wǎn na lɛ é dó sɛn Mawu ó. (Maki 7:6-8) Ðò 2 Kɔlɛntinu lɛ 6:17 mɛ ɔ, Jehovah ɖɔ mi “gosin ye mɛ” “mi ma ɖó alɔ nǔ e nyí suɖunú ɔ ɖě wu ó.” Paskwa nyí pagáwun sín xwè ɖé bɔ mɛ e jló na nyɔ́ ɖò Mawu nukúnmɛ lɛ é na nyi alɔ na.