Saji Iɛ Asɛɛkɔmɔ

“Esa Akɛ Asusu he Ekoŋŋ”

1 Mose 1:1 jajeɔ akɛ: “Shishijee mli lɛ Nyɔŋmɔ bɔ ŋwɛi kɛ shikpɔŋ.” Nɔ ni fe afii oha nɛ ni jeŋ nilelɔi ni fiɔ sutsakemɔ tsɔɔmɔ sɛɛ Iɛ ewie eshi nɛkɛ Biblia mli kuku nɛɛ. Shi kɛlɛ, “amɛteŋ mɛi pii miisusu nɛkɛ klɛŋklɛŋ odaseyeli ni mli wa ni tsɔɔ akɛ Bɔlɔ ko yɛ nɛɛ he ekoŋŋ,” taakɛ California adafitswaa wolo ni ji The Orange County Register lɛ bɔ amaniɛ lɛ.

Akɛ nɔkwɛmɔ nɔ lɛ, nɔ ni aŋma yɛ wolo nɛɛ mli lɛ kadiɔ nɔ ni Australianyo adebɔɔ he nilelɔ Michael Denton kɛɛ yɛ ewolo Evolution: A Theory in Crisis lɛ mli Iɛ. Ekɛɔ akɛ kɛjɛ be mli ni Darwin ŋma ewolo ni ji On the Origin of Species Iɛ kɛbashi amrɔ nɛɛ, anako odaseyeli kome folo po ni baafi Darwin tsɔɔmɔ nɛɛ sɛɛ.

Yɛ nakai gbɛ nɔ nɔŋŋ lɛ, Register Iɛ tsɛɔ jwɛŋmɔ yisɛɛ kɛyaa wolo The Mystery of Life’s Origins: Reassessing Current Theories ni jeŋ nilelɔi etɛ ŋma lɛ nɔ. Taakɛ adafitswaa wolo Iɛ tsɔɔ lɛ, amɛtsɔɔ mli akɛ wala nyɛŋ aje shishi kɛtsɔ heniianaa nɔ ni “amɛtsɔɔ naa akɛ ‘Bɔlɔ ko ni nɔ kwɔ fe jeŋ muu nɛɛ fɛɛ’ ji mɔ ni asusuɔ yɛ gbɛ ni ja nɔ akɛ wala shishijee jɛ lɛ.” Sane ni aŋma nɛɛ tsi Ŋleshi ŋulamii ahe nilelɔ Fred Hoyle ta akɛ “afɔɔ sane ni ewie akɛ ni aaahe aye akɛ klɛŋklɛŋ walayibii Iɛ ba kɛtsɔ heniianaa nɔ Iɛ tamɔ ni aaahe aye akɛ ahum kpeteŋkpele ko ni tswa kɛtsɔ kɔɔyɔɔŋ lɛlɛ fai komɛi ni efite ni abua naa nɔ Iɛ fee kɔɔyɔɔŋ lɛlɛ ni atsɛɔ lɛ Boeing 747 lɛ pɛpɛɛpɛ Iɛ yisɛɛ tsɛmɔ,” ni ekɛfi nɛkɛ susumɔ nɛɛ sɛɛ.

Kɛha jeŋ nilelɔi babaoo lɛ, odaseyeli ni fiɔ Jeŋ Muu Fɛɛ Nifeelɔ ko ni yɔɔ Iɛ sɛɛ Iɛ ji nɔ ni tɔmɔ ko bɛ he. Shi mɛi ni yaa nɔ amɛjeɔ shihilɛ mli ni Bɔlɔ lɛ yɔɔ lɛ he ŋwane Iɛ hu? Mɛi ni tamɔ nɛkɛ lɛ baafee jogbaŋŋ akɛ amɛaasusu nɛkɛ wiemɔi ni gbalɔ Yesaia ŋma nɛɛ he: “Nyɛmiifee ashituu! Ani aaabu gbɛshɔlɔ lɛ tamɔ su? Ni nɔ ni afee lɛ aaakɛɛ yɛ mɔ ni tee lɛ lɛ he akɛ: ‘Jeee lɛ efee mi!’”​—Yesaia 29:⁠16.

Jwɛŋmɔ ni Gbeɔ Mɔ

Yɛ afi nɛɛ January mli lɛ, akɛ Theodore Robert Bundy ni egbe gbɔmɛi pii Iɛ yata srawa hewalɛ sɛi ni akɛgbeɔ mɔ lɛ nɔ yɛ Florida State Prison ni agbe Iɛ. Akɛɛ ele yei ni amɛyibɔ shɛɔ 36 ni atsɔ yiwalɛ nɔ agbe amɛ Iɛ agbele lɛ he nɔ ko, ni maŋ onukpai heɔ yeɔ akɛ yibɔ Iɛ fa fe nakai, kɛmiihe ashɛ 100.

Yɛ sanegbaa ko ni tee nɔ dani agbe lɛ lɛ mli lɛ, Bundy kpɛlɛ nɔ akɛ mfonirii ni atɛŋ mɛi ni hiɛ amɛhe efoji yɛ mli lɛ ji nɔ titri ni na enɔ hewalɛ ni ha ebatsɔ awuiyelɔ lɛ. Ni taakɛ Dr. James Dobson ni kɛ Iɛ na sanegbaa lɛ kɛɛ lɛ, “ebɔi woji ni atɛŋ mɛi kɛ amɛhe efoji yɛ mli nɛɛ namɔ yɛ tsofai ahɔɔmɔ hei, yɛ gbɛjegbɛi anɔ po, ni ebafee mɔ ni nyɛɛɛ atsi ehe kɛjɛ he, ni ebahe ejwɛŋmɔ hu yɛ be mli ni eye afii 12 loo 13,” taakɛ Daily News Iɛ bɔ amaniɛ lɛ.

Bundy wiemɔi nɛɛ maa awuiyelɔ kroko, Arthur Gary Bishop, ni agbe lɛ nyɛsɛɛ afi lɛ yɛ gbe ni egbe gbɛkɛbii hii enumɔ yɛ bɔlɛnamɔ hewɔ Iɛ wiemɔi anɔ mi. Taakɛ The Tribune, ni ji San Diego, California adafitswaa wolo lɛ tsɔɔ lɛ, Bishop kpɛlɛ nɔ akɛ woji ni atɛŋ mɛi ni hiɛ amɛhe efɔji yɛ mli Iɛ “ji nɔ ni ‘fite’ Iɛ kwraa yɛ be mli ni eji gbekɛ ni no nɔŋŋ ha enine nyɛ shi.” Bishop tsɛ jwɛŋmɔ he nilelɔ ko ni wie yɛ be mli ni akaa lɛ lɛ wiemɔi ayisɛɛ akɛ “yɛ be mli ni gbɔmɛi bafeɔ mɛi ni nyɛɛɛ amɛtsi amɛhe [kɛjɛ woji ni atɛŋ mɛi kɛ amɛhe efoji yɛ mli Iɛ ahe] lɛ, amɛshweɔ ni amɛna babaoo, amɛ adebɔɔ mli henumɔi gboiɔ ni amɛsumɔɔ ni amɛtsu nibii ni amɛnaa Iɛ ahe nii.” Bishop kpɛlɛ nɔ akɛ: “Nakai eji yɛ migbɛfaŋ. Nuu ni sumɔɔ ni ekɛ gbekɛbii hii afee yakayaka nii ni abulɛ gbele fɔ yɛ gbɔmɔgbee hewɔ ji mi, ni woji ni atɛŋ mɛi ni hiɛ amɛhe efoji yɛ mli ji nɔ titri ni ha minine nyɛ shi.”

Eyɛ mli akɛ gbɔmɔgbelɔi ni kpɛlɛɔ nɔ akɛ nakai amɛji Iɛ kpɛlɛɔ nɔ akɛ mfonirii ni mɛi hiɛ amɛhe efoji yɛ mli Iɛ fiteɔ mɔ moŋ, shi kɛlɛ mɛi babaoo yɛ ni buɔ Iɛ akɛ hiɛtserɛjiemɔ nii ni yeee mɔ awui. Kɔkɔbɔɔ ni akɛha yɛ Yesaia 5:20 lɛ sa mɛi ni tamɔ nɛkɛ Iɛ jogbaŋŋ akɛ: “Kpoo ha mɛi ni tsɛɔ efɔŋ akɛ ekpakpa kɛ ekpakpa hu akɛ efɔŋ, mɛi ni ŋɔɔ duŋ feɔ Ia, ni amɛŋɔɔ Ia hu amɛfeɔ duŋ” Iɛ.

Ejeee Teemɔŋ Sane

United Church osɔfo Phyllis Smith kɛɔ akɛ etamɔ nɔ ni saji ni mɛi ni yeɔ helai ni anyɛɛɛ atsa Iɛ biɔ lɛ miihoso osɔfoi lɛ ekomɛi ahemɔkɛyeli, taakɛ The Toronto Star, ni ji Canada adfitswaa wolo ko bɔ amaniɛ Iɛ. Taakɛ Smith tsɔɔ lɛ, “mɛi ni miigboi Iɛ biɔ saji ni kɔɔ wala kɛ gbele he teemɔŋ saji ni mɔ ko mɔ ko nyɛɛɛ hetoo aha lɛ ahe.” Ekɛɛ akɛ: “Ehe ehiaaa ni wɔhao wɔhe akɛni wɔnuɔ he akɛ esa akɛ wɔnyɛ wɔha saji Iɛ fɛɛ hetoo Iɛ hewɔ.” Smith kpɛlɛɔ nɔ akɛ kɛ abi saji ni mli wawai ni kɔɔ mumɔŋ nibii ahe lɛ, ehe ehiaaa “ni osɔfoi Iɛ afa Nyɔŋmɔ he.”

Yɛ be mli ni eji anɔkwale akɛ aŋkroaŋkroi naaa hetoi amɛha saji ni kɔɔ wala kɛ gbele he Iɛ fɛɛ lɛ, Biblia lɛ nyɛɔ efeɔ. Ani esaaa akɛ mɛi ni kɛɔ akɛ amɛji Nyɔŋmɔ sɔɔlɔi Iɛ leɔ nɔ ni e-Wiemɔ lɛ kɛɔ? Bɔfo Petro kɛɛ akɛ esa akɛ mɛi ni ji heyelilɔi lɛ afee klalo be fɛɛ be koni “nyɛna hetoo nyɛha mɔ fɛɛ mɔ ni biɔ nyɛ hiɛnɔkamɔ ni yɔɔ nyɛmli lɛ shishi lɛ.” (1 Petro 3:15) Mra be mli Kristofoi Iɛ naaa naagba ko yɛ shihilɛ mli ni gbohii lɛ yɔɔ lɛ he shishinumɔ he aloo nɔ ni yɔɔ wɔsɛɛ kɛha adesai ni gboiɔ Iɛ hu. Amɛle akɛ Jajelɔ 9:5 kɛɔ akɛ: “Shi hiɛkalɔi le akɛ amɛbaagboi; shi gbohii lɛ, amɛleee nɔ ko nɔ ko.” Ni Yesu kɛɛ esɛɛnyiɛlɔi Iɛ akɛ: “Ŋmɛlɛtswaa lɛ miiba, nɔ mli ni mɛi fɛɛ ni yɔɔ gbohii abui lɛ amli Iɛ aaanu egbee, ni amɛaaje kpo.” (Yohane 5:​28, 29) Kɛha Nyɔŋmɔ anɔkwale sɔɔlɔi lɛ, teemɔŋ sane ko bɛ wala kɛ gbele mli.