Maŋtsɛyeli Jajelɔi Bɔ Amaniɛ

Biblia Mli Anɔkwalei Miiye Blema Saji Anɔ Kunim

JAMƆ mli blema saji ashishifa nyɛɔ eyaa shɔŋŋ diɛŋtsɛ. Mɛi akpekpei abɔ nuɔ he akɛ ejaaa akɛ mɔ ko aaatsake ejamɔ. Eka shi faŋŋ akɛ, Saul, ni batsɔ bɔfo Paulo lɛ nu he nakai nɔŋŋ, ejaakɛ ekɛɛ: “Mihiɛ dɔɔ naakpa yɛ wɔtsɛmɛi ablema saji ni aŋɔha wɔ lɛ hewɔ [fe mitipɛŋfoi pii].” Shi beni atsɔɔ lɛ anɔkwale lɛ sɛɛ lɛ, etsake kɛjɛ Yudafoi ajamɔ Iɛ mli ni ebatsɔ Kristofonyo. (Galatabii 1:​13-16) Mɛi pii ebayoo ŋmɛnɛ akɛ Biblia mli anɔkwale Iɛ jɛɛhe nɔ kwɔ kwraa fe blema saji ni agba kɛkɛ. Kadimɔ bɔ ni Biblia mli anɔkwalei Iɛ ye kunim yɛ Italia eha.

Yoo ko tsɔɔ mli akɛ: “Mikɛ minyɛmiyoo ko dara yɛ weku agbo ko ni heɔ Katolek blema saji amɛyeɔ waa lɛ mli, ni wɔtsɔmɔ Katolekbii ni hiɛ dɔɔ yɛ wɔjamɔ lɛ he waa. Beni be shwie mli lɛ, mibote gbalashihilɛ mli. Kɛkɛ ni miwu je mli, ni mikɛ mibii lɛ pɛ hi shi afii pii akɛ okulafo. Minyɛmi biyoo ko tsɔɔ Katekisim loo jamɔ he saji, ni etee nɔ ebibii osɔfo Iɛ Biblia mli saji, shi ahaaa lɛ hetoo ko ni baaha etsui anyɔ emli.

“Be ko ni mitee mimaŋ lɛ, mikɛ Yehowa Odasefoi kpe klɛŋklɛŋ kwraa ni mikpɛlɛ Biblia mli nikasemɔ nɔ. Mitsutsu nanemɛi ni ji Katolekbii lɛ fɛɛ ye mihe fɛo yɛ Biblia Iɛ ni mikaseɔ lɛ hewɔ. Shi kɛlɛ, no haaa minijiaŋ aje wui. Nɛkɛ be nɛɛ ji klɛŋklɛŋ kwraa ni mina mi diɛŋtsɛ mi-Biblia, ni mɔ ko mɔ ko nyɛŋ ahe yɛ midɛŋ. Minyɛmiyoo Iɛ hu hala akɛ eeesɔmɔ Yehowa, ni nɔ ni shɛɛɛ afii enyɔ mli lɛ, abaptisi wɔ yi enyɔ lɛ fɛɛ.

“Mifo waa beni mitsi mihe klɛŋklɛŋ kwraa kɛjɛ sɔlemɔ lɛ he lɛ ejaakɛ miishe gbeyei akɛ matsi mihe kɛjɛ blema saji ni akɛ afii 76 sɔŋŋ edu ewo mimli lɛ he. Shi amrɔ nɛɛ mimii shɛɔ mihe akɛ minyiɛɔ yɛ Yehowa gbɛi lɛ anɔ ni mibɔɔ mɔdɛŋ bɔ ni manyɛ koni mikɛye mabua mɛi krokomɛi ni amɛje mumɔŋ duŋ Iɛ mli!”​—Okɛto 1 Petro 2:9 he.

Yikulɔ ko Jaje Susumɔ ko ni Ejaaa

Yikulɔ ko ni yɔɔ Japan lɛ sumɔɔ diamonioi kɛ tsɔnei ni nyiɛɔ kɔɔyɔɔ mli ni aleee nɔ ni amɛji (UFO’s) ahe wiemɔ yɛ be mli ni ekuɔ mɛi ayi lɛ. Shi kɛlɛ, ni ebɔi Biblia Iɛ kasemɔ sɛɛ lɛ, eyoo bɔ ni oshara yɔɔ nifeemɔ nɛɛ he waa lɛ jogbaŋŋ. No hewɔ lɛ efɔ mɛi ni baa ni ekuɔ amɛyi ehaa amɛ Iɛ anine moŋ koni amɛbafata ehe yɛ e-Biblia mli nikasemɔ lɛ mli. Eye obalaŋtai ni yɔɔ amɛteŋ lɛ odase yɛ adebɔɔ he. Daa otsi lɛ, emajeɔ Bibliai kɛ Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ woji Iɛ eko kɛjɛɔ Odasefonyo ni kɛ Iɛ kaseɔ nii lɛ ŋɔɔ koni enyɛ ekɛha mɛi ni baa ni ekuɔ amɛyi ehaa amɛ lɛ.

Eyɛ mli akɛ etsɔko Odasefonyo moŋ, shi ekɛ Bibliai kɛ Obaanyɛ Ohi Shi Kɛya Naanɔ woji lɛ fe 30 eha yɛ klɛŋklɛŋ afi ni ekɛkase nii lɛ mli. Nɔ ni jɛ etrukaa odaseyeli Iɛ mli ba ji akɛ mɛi fe 25 bɔi Biblia lɛ kasemɔ. Bei komɛi Iɛ mɛi ni amɛyifalɛ shɛɔ mɛi nyɔŋma kɛ amɛhe woɔ e-Biblia mli nikasemɔ ni afeɔ lɛ kutuu lɛ mli. Amrɔ nɛɛ atsake mɛi ni eye amɛ odase yɛ be mli ni ekuɔ amɛyi lɛ ateŋ mɛi kpawo asusumɔ ni ejaaa lɛ, ni amɛtsɔmɔ Yehowa Odasefoi ni abaptisi amɛ!