1989 “Nyɔŋmɔ Jamɔ Hetuu-kɛhamɔ” Kpokpaa Wulu nɔ Kpee
1 Wiemɔ “Nyɔŋmɔ jamɔ hetuu-kɛhamɔ” lɛ kɔɔ woo loo bulɛ, jamɔ, kɛ sɔɔmɔ kɛha Nyɔŋmɔ, kɛ anɔkwayeli kɛha jeŋ muu fɛɛ maŋtsɛ ni eji lɛ he. Nyɔŋmɔ jamɔ hetuu-kɛhamɔ he nɔkwɛmɔ nɔ titri ji Yesu Kristo. Lɛ ji gbɔmɔ kome ni jie Nyɔŋmɔ jamɔ hetuu-kɛhamɔ kpo yɛ emuuyeli mli yɛ shihilɛi ni mli wawai ashishi kɛyashi egbele mli. (1 Tim. 3:16; Heb. 7:26) Akɛ Kristo sɛɛnyiɛlɔi lɛ, kɛji akɛ wɔbaajie Nyɔŋmɔ jamɔ hetuu-kɛhamɔ kpo lɛ, belɛ esa akɛ wɔkɛ hiɛdɔɔ atsɔse wɔhe. Enɛ biɔ wɔ tsuishiŋmɛɛ yɛ shitee-kɛ-woo mli taakɛ Yesu fee lɛ. (2 Tim. 3:12) Nyɔŋmɔ jamɔ hetuu-kɛhamɔ ni wɔkɛaatsɔse wɔhe akɛ oti ni ma wɔhiɛ lɛ “yɛ wala ni yɔɔ agbɛnɛ nɛɛ . . . he shiwoo,” ni no ji, mumɔŋ hewalɛnamɔ, tsui ni nyɔɔ mɔ mli, miishɛɛ kɛ yiŋtoi yɛ shihilɛ mli. Agbɛnɛ nɔ ni ekɛhaa wɔ hu ji “wala . . . ni baaba lɛ he shiwoo.” (1 Tim. 4:7, 8) No hewɔ lɛ, tsɔsemɔ ni tamɔ nɛkɛ jeee kɛha wɔheloo naa sɛɛnamɔ. Shi moŋ, nɔ ni jɛɔ mli baa lɛ haa wɔmii shɛɔ nibii ni wɔyɔɔ lɛ ahe yɛ be mli ni wɔsɔmɔɔ Yehowa lɛ—1 Tim. 6:6-8.
2 Eyɛ mli akɛ yiwaa kɛ shihilɛ ni mli wa baanyɛ aba moŋ, shi ehe ehiaaa ni anɔkwa Kristofoi ashe gbeyei, ejaakɛ “Yehowa le bɔ ni eeefee ejie mɛi ni yɔɔ Nyɔŋmɔ jamɔ hetuu-kɛhamɔ lɛ kɛjɛ kaa mli.” (2 Pet. 2:9, New World Translation) Ewoɔ amɛ ŋaa ni amɛha akɛ “jeŋbai krɔŋkrɔŋi kɛ Nyɔŋmɔ jamɔi” ayoo amɛ, bɔni afee ni amɛje Yehowa gbi Iɛ mli kojomɔ lɛ mli. (2 Pet. 3:10, 11) Ani obaasumɔ ni okase gbɛi ni oootsɔ nɔ owaje o-Nyɔŋmɔ jamɔ hetuu-kɛhamɔ lɛ bɔni afee ni ohi shi akɛ anɔkwafo oha Yehowa yɛ gbii ni ka wɔhiɛ ni mli wawai lɛ amli? Ŋaawoo kɛ hewalɛwoo ni kɔɔ enɛ he ni yeɔ buaa baaje kpo yɛ gbii etɛ “Nyɔŋmɔ Jamɔ Hetuu-Kɛhamɔ” Kpokpaa Wulu nɔ kpee ni ato he gbɛjianɔ aha Ghana nitsumɔ he nine lɛ shikpɔŋkuku yɛ afi nɛɛ mli lɛ mli. Too gbɛjianɔ bianɛ ni oya ni oyaye mumɔŋ niyenii kpakpai ni akɛbaaha lɛ.
NƐGBƐ OBAAYA YƐ?:3 Afi nɛɛ ji klɛŋklɛŋ be mli kwraa ni wɔto kpokpaa fɛɛ kpokpaa wɔha kpokpaa wulu nɔ kpee pɔtɛɛ ko. Tao ni tsɔɔ enɛ mli yɛ baafa 6 lɛ tsɔɔ he ni esa akɛ okpokpaa lɛ aya. Ofainɛ kadimɔ akɛ gbɛjianɔ ni atsɔ hiɛ ato akɛ kpee maji lɛ ekome ji Tarkwa lɛ, afo mli. Agbɛnɛ ajie Tamale kpee lɛ kɛtee Bolgatanga
4 Wɔmiisumɔ ni wɔma nɔ mi akɛ ehe miihia ni asafoi lɛ atsu gbɛjianɔtoo ni yɔɔ yiteŋgbɛ nɛɛ he nii ni amɛya kpee ni ato akɛ amɛya lɛ. Yɛ fɛɛ mli lɛ, he ni esa akɛ nyɛya lɛ bɛŋkɛ nyɛ asafo lɛ. Shitaramɔ, woji, niyenii he gbɛjianɔtoo kɛ ekrokomɛi lɛ ji nibii ni ato he gbɛjianɔ kɛ yiŋtoo akɛ mɛi ni fa ji mɛi ni baaya he ni atsɔɔ akɛ amɛya kpee lɛ yɛ lɛ. Enɛ he miihia titri yɛ asafoi ni yɔɔ maŋtiasei lɛ amli lɛ ahe. He ni ato kpeei enyɔ loo nɔ ni fa fe nakai ahe gbɛjianɔ yɛ wiemɔ kome mli yɛ nakai maŋtiase lɛ nɔŋŋ mli yɛ otsii ni tsara nɔ lɛ anaagbee lɛ, mɛi komɛi baasumɔ ni amɛya kpeei nɛɛ eko fɛɛ eko. Shi enɛ baafite yiŋtoo akɛ yifalɛ lɛ aŋmɛ pɛpɛɛpɛ ni nitsumɔ ni tsɔɔ kpee lɛ hiɛ lɛ akafa tsɔ lɛ. Kɛfata he lɛ, ekɛ naagbai baaba yɛ nibii ni wɔtsɔ hiɛ wɔtsi ta yɛ yiteŋgbɛ nɛɛ amli. Yɛ yiŋtoi nɛɛ ahewɔ lɛ, akɛ mlihilɛ miibi ni aŋkroaŋkroi ni yɔɔ maŋtiasei lɛ amli lɛ aya kpee ni ato akɛ amɛya yɛ maŋtiase lɛ mli lɛ pɛ. Shi amɛbaanyɛ amɛya kpee kroko ni ji enyɔ yɛ maŋ kroko nɔ kɛ amɛmiisumɔ. Mɛi ni baaya kpeei ni tamɔ nɛkɛ lɛ ji mɛi ni tsu kpee lɛ shishi nitsumɔi komɛi ni he hiaa ni no hewɔ lɛ amɛnuuu kpee lɛ shishi wiemɔi lɛ jogbaŋŋ lɛ. Amɛbaanyɛ amɛya kpee kroko yɛ maŋtiase lɛ mli. Agbɛnɛ hu gbɛ yɛ akɛ mɔ fɛɛ mɔ baanyɛ aya kpee kroko yɛ maŋtiase lɛ mli ni jeee nɔ ni ato aha esafo lɛ akɛ eya lɛ kɛji akɛ ebaanu kpee kroko ni ebaaya nɛɛ wiemɔ lɛ shishi jogbaŋŋ fe nɔ ni ato aha esafo lɛ.
5 Yɛ asafoi ni yɔɔ akrowai amli lɛ, ekomɛi yɛ ni ebaahi kɛha asafoi lɛ akɛ amɛaaya kpee kroko ni fe nɔ ni ato akɛ amɛya lɛ. Akɛ nɔkwɛmɔ nɔ lɛ, asafoi fioo ko yɛ kpokpaa 9 ni baana akɛ ehi moŋ kɛha amɛ akɛ amɛaaya kpee lɛ yɛ Koforidua fe ni amɛbaaya Kumasi. Kɛ amɛmiisumɔ lɛ, amɛyɛ hegbɛ ni amɛfeɔ nakai. Yɛ nakai gbɛ nɔ nɔŋŋ lɛ, asafoi tamɔ Kasoa kɛ Nyanyanu baasumɔ ni amɛba Twi kpee lɛ yɛ Accra moŋ fe ni amɛaaya Akim Oda aloo Sekondi. Kɛji nakai lɛ, amɛbaanyɛ amɛya kpee ni ato aha December 22 kɛyashi 24 yɛ Accra lɛ. Yɛ wiemɔ hewɔ lɛ, wɔmiikpa gbɛ akɛ mɛi komɛi baanyɛ ajɛ kpokpaa 3A aba Ga kpee lɛ yɛ Accra. Mɛi krokomɛi hu, kɛha gbɛfaa hewɔ lɛ, amɛbaasumɔ ni amɛya Koforidua kpee lɛ. Yɛ enɛ mli hu lɛ amɛyɛ hɛgbe akɛ amɛhalaa nɔ ni amɛsumɔɔ.
6 TSU BIMƆ:Akɛ Room Request woji lɛ yifalɛ, ko miijaje asafo fɛɛ asafo. Kɛ ootao wɔɔhe kɛmiitsɔ kpee gbɛjianɔtoo lɛ nɔ lɛ, no lɛ ŋmalamɔ nɔ ni atoaɔ yɛ Room Request wolo lɛ nɔ lɛ ni okɛmaje kɛya kpee ni obaaya lɛ shishi. Okɛ Room Request woji lɛ AKAMAJE kɛmiiya Accra nitsumɔ he nine lɛ.
7 BOLGATANGA KPEE:Afi nɛɛ, Asafo lɛ etoŋ bɔs gbɛfaa krɛdɛɛ he gbɛjianɔ koni akɛ mɛi ni baajɛ wuoyigbɛ nɛɛ aya Bolgatanga kpee lɛ aya. Shi hiamɔ lɛ yɛ lolo akɛ nyɛmimɛi ni jɛ wuoyigbɛ nɛɛ aaaye abua Bolgatanga kpee lɛ ni amɛkɛtswa anɔkwale lɛ he adafi yɛ kooyigbɛ. No hewɔ lɛ wɔmiiwo mɛi fɛɛ ni baanyɛ lɛ hewalɛ ni amɛ diɛŋtsɛ amɛto bɔs he gbɛjianɔ amɛha amɛ diɛŋtsɛ amɛhe ni amɛya Bolgatanga kpee lɛ.
8 Asafoŋ onukpai ni amɛto gbɛjianɔ diɛŋtsɛ akɛ amɛbaaya Bolgatanga kpee lɛ ni amɛbaasumɔ ni akɛ wiemɔ ko yɛ kpoku lɛ nɔ awo amɛdɛŋ kɛ ehe ehia lɛ kɛ amɛgbɛi aha amɛ asafoŋ sɔɔmɔ ajinafoi lɛ. Asafoŋ sɔɔmɔ ajinafoi lɛ kɛ gbɛi ni tamɔ nɛkɛ amaje Asafo lɛ koni Convention Desk lɛ atsu he nii dani September 15, 1989 ashɛ.
9 NITSUMƆ Nl TSƆƆ KPEE HIƐ:Wɔyɛ hiɛnɔkamɔ akɛ, taakɛ eji yɛ tsutsu lɛ, nyɛbaaje nyɛtsui muu fɛɛ mli nyɛfi nitsumɔ ni tsɔɔ kpee hiɛ lɛ sɛɛ. Taakɛ wɔfɔɔ feemɔ lɛ, abaama agba, atao tsu kɛ nibii krokomɛi. Wɔmiiwo nyɛ fɛɛ hewalɛ ni nyɛto gbɛjianɔ bianɛ ni nyɛkɛ nyɛhe awo nitsumɔ ni he hiaa nɛɛ mli, jeee yɛ otsii lɛ anaagbee pɛ, shi moŋ yɛ otsi lɛ mli gbii lɛ ekomɛi amli hu. Kɛfata he lɛ, aawo bo hewalɛ ni oto gbɛjianɔ ni okɛ ohe awo volunteer sɔɔmɔ lɛ mli yɛ kpee ni obaaya lɛ shishi.
10 NIYENII HE GBƐJIANƆTOO:Ato niyenii he gbɛjianɔ ko ni yɔɔ kuku tamɔ nyɛsɛɛ afi lɛ nɔ lɛ aha 1989. Enɛ baa nitsumɔ lɛ falɛ shi ni eŋmɛɔ gbɛ koni akɛ he aha mumɔŋ nibii ni yaa nɔ yɛ kpee lɛ shishi lɛ, koni nitsulɔi lɛ ana hegbɛ ana wiemɔi lɛ ahe sɛɛ. (2 Mose 12:16b; 5 Mose 31:12; it kpo 1 baafa 503-4, 821; okɛto Luka 10:38-42 he.) Ato niyenii kpakpa he gbɛjianɔ aha leebi kɛ shwane. (Okɛto Mateo 14:14-20 he.) Mɔ fɛɛ mɔ yɛ hegbɛ akɛ etoɔ egbɛkɛnaashi niyenii he gbɛjianɔ, eyɛ mli akɛ niyenii komɛi baashwɛ yɛ kpee lɛ shishi.
11 Asafo lɛ hiɛ sɔɔ yelikɛbuamɔ ni nyɛ nyɛmimɛi hii kɛ nyɛmimɛi yei lɛ kɛhaa yɛ niyenii he gbɛjianɔtoo yɛ kpokpaa wuji anɔ kpeei lɛ ashishi yɛ afii ni eho lɛ amli lɛ jogbaŋŋ. Enɛ eye ebua ni anyɛ atsu shika ni afiteɔ yɛ kpee lɛ shishi lɛ he nii jogbaŋŋ. Eye ebua hu ni eha nyɛhi kpee lɛ shishi beni akpa shwane koni nyɛtara shi ekoŋŋ yɛ be ni sa mli yɛ no sɛɛ kɛha mumɔŋ gbɛjianɔtoo ni he hiaa babaoo lɛ.
12 KPEE LƐ SHISHI BADGE NI ABAATSƐ KƐ NƆ Nl AKƐBAAHƆ MLI:Akɛ wolo krɛdɛɛ ko emaje asafo fɛɛ asafo koni akɛshɛ nibii krɛdɛɛ kɛha 1990 sɔɔmɔ afi lɛ. Gbɛ yɛ nɛkɛ wolo nɛɛ nɔ kɛha nɔ ni he baahia nyɛ kɛha “Nyɔŋmɔ Jamɔ Hetuu-Kɛhamɔ” Kpokpaa Wulu nɔ kpee Zapel badge kɛ nɔ ni akɛhɔlɔɔ mli ni akɛtsɛɔ tsitsinaa lɛ. Nyɛfainɛ nyɛkwɛa koni nyɛŋmalaa nɔ ni ataoɔ yɛ wolo lɛ nɔ lɛ nyɛwoa nɔ ni nyɛkɛ ekome amajea Asafo lɛ mra bɔni afee ni anyɛ atsu nibii ni he hiaa nyɛ kɛha kpee lɛ he nii yɛ be ni sa mli. Nyɛkaia akɛ, nyɛnine shɛŋ lapel badge ni akɛtsɛɔ tsitsinaa lɛ eko nɔ yɛ kpeei lɛ ashishi.
13 HIAMƆ Nll KRƐDƐƐ:Asafoi ni yɔɔ gbɔmɛi ni tamɔ nɛkɛ lɛ ato amɛhiamɔ nii ni ji krɛdɛɛ nɔ lɛ he gbɛjianɔ. Onukpai kɛ mɛi krokomɛi ni le shihilɛ ni gbɔmɛi ni tamɔ nɛkɛ lɛ yɔɔ mli lɛ baanyɛ ni amɛjɛ suɔmɔ mli amɛye amɛbua amɛ. Enɛ biɔ ni aŋɔ mɛi ni yɔɔ be fɛɛ sɔɔmɔ lɛ mli, mɛi ni amɛdara yɛ afii amli, mɛi ni bɛ gbɔmɔtsoŋ hewalɛ, mɛi ni nuuu nii, obubuafoi, shwilafoi kɛ mɛi krokomɛi ni nibii pɔtɛɛ komɛi ahe hiaa amɛ lɛ amɛwo amɛkuu mli. Agbɛnɛ, amɛbaanyɛ amɛye amɛbua gbɔmɛi ni tamɔ nɛkɛ lɛ yɛ gbɛi krokomɛi anɔ, tamɔ shika gbɛfaŋ yelikɛbuamɔ, kɛ aaahi, ni kɛ ehe ehia hu. (Yak. 2:15-17; 1 Yoh. 3:17, 18) Wɔyɛ hekɛnɔfɔɔ akɛ nyɛbaajie kwɛmɔ ni suɔmɔ yɔɔ mli kpo nyɛtsɔɔ mɛi ni wɔyelikɛbuamɔ he baahia amɛ lɛ fɛɛ.—2 Kor. 6:11-13; Yoh. 13:35; Gal. 6:10.
14 LALAI:Lalai ni nyiɛ sɛɛ nɛɛ ji nɔ ni ato naa akɛ abaala yɛ kpee lɛ shishi, ni ato naa taakɛ abaala lɛ: 155, 217, 100, 160, 164, 221, 69, 174, 202, 19, 42, 180, 204, 191, 177, 181, 187 kɛ 45. Aawo bo hewalɛ koni okɛ lala gbee ni onuɔ yɛ kpee lɛ shishi lɛ ala.
15 TAPE LOO VIDEO RECORDING:Taakɛ eji yɛ tsutsu lɛ, Asafo lɛ etoŋ gbɛjianɔ koni amɔmɔ drama lɛ awo kpaa nɔ. Aŋkroaŋkroi ni baafee nakai lɛ afee amɛha amɛ diɛŋtsɛ amɛhe yɛ gbɛ ni egbaŋ mɛi krokomɛi ni amɛba kpee lɛ shishi lɛ anaa. Titri lɛ, amɛkata sarawa hewalɛ kpaa lɛ kɛ kpaa ni wiemɔi tsɔɔ mli lɛ ahe. Wɔhiɛ baasɔ gbee ni nyɛkɛ wɔ aaakpa yɛ enɛ mli lɛ jogbaŋŋ.
16 NAAGBEE:Wɔ fɛɛ wɔmli fili wɔ yɛ be mli ni atsi hei ni abaafee “Nyɔŋmɔ Jamɔ Hetuu-Kɛhamɔ” Kpokpaa Wuji anɔ kpeei lɛ yɛ lɛ ata yɛ “Ŋwɛi Jalɛsaneyeli” Kpokpaa Wuji anɔ kpeei ni afee yɛ nyɛsɛɛ afi lɛ mli lɛ ashishi lɛ. Yɛ adafitswaa ni akɛfata he nɛɛ hewɔ lɛ, wɔyɛ nɔmimaa akɛ mɔ fɛɛ mɔ baanyɛ ato gbɛjianɔ jogbaŋŋ, kɛtsɔ hiɛ, ni eya kpee lɛ ekome. Gbii etɛ kpee nɛ, ni ejeɔ shishi Sohaa leebi yɛ 9:50 a.m. Esaaa akɛ ewaa tsɔ akɛ wɔɔhe be kɛjɛ wɔnitsumɔ mli kɛ wɔje wɔgbɛjianɔtoo shishi bianɛ. Bɔɔ mɔdɛŋ ni oya kpee lɛ gbii lɛ fɛɛ. Jɔɔmɔi ni mɛɔ bo lɛ haa enɛ he mɔdɛŋbɔɔ feɔ nɔ ni sa.