Kpeei Ni Baawa Wɔ Kɛha Kaselɔi Afeemɔ
OTSI NI JEƆ SHISHI FEBRUARY 5
10 min: Asafoŋ adafitswai. Agbɛnɛ ama wolo ni akɛbaatsu nii yɛ February mli lɛ nɔ mi taakɛ atsɔ hiɛ atsɔɔ yɛ Adafitswai lɛ amli lɛ. Atsi woji memeji ni yɔɔ lɛ ekomɛi agbɛi ata. Asusu hiɛkpamɔ wiemɔ ni abaanyɛ akɛtsu nii kɛ Saneyitso Kɛha Sanegbaa hee lɛ he kuku.
20 min: “Ha Ohiɛ Ahi Ohe nɔ ni Okɛ Biblia Kasemɔ he Woji Aha.” Sanebimɔ-kɛ-hetoo ni akɛaatsu enɛ he nii. Afee nɔkwɛmɔ nɔ kome ni miitsɔɔ shiɛlɔ ni kɛ mɔdɛŋbɔɔ miitsu nii ni ekɛye odase yɛ shikpɔŋkuku lɛ mli. Agbɛnɛ hu, abi shiɛlɔ ko ni eye omanye yɛ naatsii be nɛɛ mli lɛ saji fioo.
15 min: ‘Nɔ ni Kristofonyo ni Mɔ ko Ji lɛ Tsɔɔ.’ Wiemɔ ni damɔ sane ni yɔɔ Insight, Vol. 1, baafai 440-1 nɔ. Ama bɔ ni ehe hiaa akɛ aaanyiɛ Yesu nɔkwɛmɔ nɔ yɛ suɔmɔ kɛ hekɛ-afɔleshaa lɛ sɛɛ lɛ nɔ mi.
Lala 24 kɛ naagbee sɔlemɔ.
OTSI Nl JEƆ SHISHI FEBRUARY 12
15 min: Asafoŋ adafitswai kɛ Adafitswai ni sa ni jɛ Wo Maŋtsɛyeli Sɔɔmɔ lɛ mli. Atswa shiɛmɔyaa he gbɛjianɔtoo kɛha otsi lɛ naagbee he adafi.
20 min: Medical Document kɛ Identity Card. Woloŋmalɔ lɛ aha aja nɛkɛ woji nɛɛ ni eha asusu January 1, 1990 wolo ni kɔɔ Medical Document kɛha shiɛlɔi ni abaptisi amɛ kɛ Identity Card kɛha fɔlɔi ni ji Odasefoi abii bibii ni abaptisiko amɛ lɛ he. Akɛ toibolɔi lɛ asusu nɔ hewɔ ni esa akɛ adi gbɛtsɔɔmɔ lɛ sɛɛ jogbaŋŋ bɔni afee ni anyɛ akɛ nɛkɛ woji nɛɛ atsu nii kɛmɔ shi ni ebu wɔhe lɛ he.
17 min: ‘Nɔ ni Tsɔɔ Anunyam Hiɛ ji Heshibaa.’ Wiemɔ ni damɔ June 15, 1989 blɔfo Buu-Mɔɔ lɛ nɔ yɛ baafai 25-7. Okɛ Biblia mli gbɔmɛi ni atsi amɛ ta ni yɔɔ mli lɛ awo asafo lɛ hewalɛ. Bɔ ni aba wɔ shi ŋmɛnɛ lɛ ehiŋ shi kɛyaŋ naanɔ.
Lala 63 kɛ naagbee sɔlemɔ.
OTSI Nl JEƆ SHISHI FEBRUARY 19
10 min: Asafoŋ adafitswai. Shika he amaniɛbɔɔ. Akɛ Asafo lɛ woji ni akɛkpɛlɛ tooyeli loo oniatsumɔ nɔ taakɛ eyɔɔ January Statement lɛ mli lɛ afata he. Ajie asafo lɛ yi yɛ yelikɛbuamɔ ni akɛfiɔ Maŋtsɛyeli nitsumɔ lɛ sɛɛ yɛ asafo lɛ mli kɛ jeŋ muu lɛ fɛɛ lɛ hewɔ.
20 min: “Sanekpakpa lɛ Kɛhamɔ—Kɛtsɔ Dɛhiɛmɔ Woji Bibii ni Akɛaatsu Nii ni Emɔ Shi lɛ Nɔ.” Sanebimɔi kɛ hetoi. Kɛ aasusu kukuji 5 kɛ 6 he lɛ, akɛ nɔkwɛmɔ nii enyɔ aha ni tsɔɔ bɔ ni abaanyɛ akɛ (1) Shihilɛ yɛ Toiŋjɔlɛ Jeŋ Hee ko Mli kɛ (2) No Hewɔ ni Wɔbaanyɛ Wɔhe Biblia lɛ Wɔye lɛ hu atsu nii afata he akɛ hiɛkpamɔ wiemɔ lɛ fa. Ehe ehiaaa ni akɛ wiemɔ lɛ fɛɛ aha, shi moŋ afee gbɛ ni aaatsɔ nɔ ni akɛ dɛhiɛmɔ woji lɛ atsa Saneyitso Kɛha Sanegbaa lɛ nɔ lɛ he nɔkwɛmɔ nɔ kɛkɛ. Ama sɛɛnamɔ ni yɔɔ hegbɛ ni aaatao ni akɛ dɛhiɛmɔ woji bibii nɛɛ atsu nii yɛ hegbɛ fɛɛ hegbɛ mli lɛ nɔ mi. Atswa asafo lɛ sɔɔmɔ nitsumɔ he gbɛjianɔtoo he adafi, ni abi ni mɔ fɛɛ mɔ kɛ ehe awo mli.
20 min: “Te Mafee Tɛŋŋ Madamɔ Tipɛŋfoi Anɔnyɛɛ Naa?” Onukpa ni he esa kɛ obalaŋtai enyɔ ni feɔ nɔkwɛmɔ nɔ kpakpa baasusu enɛ he kɛjɛ Young People Ask wolo lɛ yitso 9 yɛ ŋaa mli. (Kɛ Young People Ask wolo lɛ eko bɛ lɛ, akɛ July 22, 1982 Awake! lɛ baafai 20-2 atsu nii.) Akpɛlɛ nɔ kuku akɛ ákɛ aaasumɔ ni ahe gbɛi ni tipɛŋfoi akpɛlɛ mɔ nɔ lɛ mli wa. Nɔnyɛɛ ni tamɔ nɛkɛ baanyɛ ana onukpai po nɔ hewalɛ. Ani efee mlɛo kɛha gbekɛbii loo obalaŋtai akɛ amɛaadamɔ enɛ naa? Amɛnyɛ amɛdamɔ enɛ naa yɛ omanyeyeli mli kɛyashɛ nɛgbɛ? Akɛ “Questions For Discussion” ni yɔɔ wolo lɛ baafa 80 lɛ atsu nii ni akɛgbala gbekɛbii loo obalaŋtai lɛ ni amɛwie ni atsɔɔ bɔ ni aaanyɛ ana hewalɛ ni akɛaadamɔ tipɛŋfoi anɔnyɛɛ lɛ naa. Ajie hiɛsɔɔ kpo yɛ nɔkwɛmɔ nɔ kpakpa ni obalaŋtai loo gbekɛbii ni yɔɔ asafo lɛ mli lɛ feɔ lɛ hewɔ. Yehowa hiɛ sɔɔ amɛ jeŋba kpakpa lɛ jogbaŋŋ ni enɛ woɔ ehiɛ nyam.—Abɛi 27:11.
Lala 188 kɛ naagbee sɔlemɔ.
OTSI Nl JEƆ SHISHI FEBRUARY 26
Lala 171
18 min: Asafoŋ adafitswai. Ati asafo lɛ sɔɔmɔ nitsumɔ kɛha otsi lɛ mli. Awo mɛi fɛɛ ni baanyɛ lɛ hewalɛ ni amɛto sɔɔmɔ nitsumɔ he gbɛjianɔ otsi lɛ naagbee.
17 min: “Kristofoi—Amɛyɛ Shiŋŋ ni Kɛlɛ Amɛye Tswaa.” Wiemɔ ni damɔ September 15, 1988 blɔfo Buu-Mɔɔ lɛ nɔ yɛ baafai 28-30.
20 min: “Wɔ Hesaa Akɛ Sɔɔlɔi lɛ Ní Wɔɔha Aya Hiɛ.” Sanebimɔi kɛ hetoi. Kɛ aasusu kuku 4 he lɛ, akɛ nɔkwɛmɔ nii kukuji enyɔ ni wieɔ hiɛkpamɔ wiemɔi ni yɔɔ kukuji 5 kɛ 6 yɛ September 1, 1988 Buu-Mɔɔ lɛ baafa 14 lɛ afata he. Akɛ enɛ aha yɛ anɔkwayeli mli kɛ agbɛnɛ kɛ jwɛŋmɔ kpakpa.
Lala 168 kɛ naagbee sɔlemɔ.
OTSI Nl JEƆ SHISHI MARCH 5
10 min: Asafoŋ adafitswai. Teokrase lɛ He Saji. “Maŋtsɛyeli Asai Akadimɔ.” Akɛto asafo lɛ he.
15 min: “Wɔ Onukpai lɛ Ahiamɔ Nii Ahe Nii ni Aaatsu—Eji Kristofoi Agbɛnaa Nii.” Wiemɔ ni akɛ toibolɔi lɛ baasusu he ni damɔ July 15, 1988 blɔfo Buu-Mɔɔ lɛ baafai 21-3 nɔ. Ama nɔ mi akɛ esaaa akɛ akuɔ hiɛ ashwieɔ mɛi ni edara ni yɔɔ wɔteŋ lɛ amumɔŋ kɛ gbɔmɔtsoŋ hiamɔ nii anɔ yɛ shihilɛ mli ni wɔyɔɔ ŋmɛnɛ lɛ hewɔ.
20 min: “Hiɛkpamɔ Wiemɔi ni Mɔɔ Shi.” Sanebimɔi kɛ hetoo ni akɛaasusu enɛ he. Afee hiɛkpamɔ wiemɔ ni atsɔɔ yɛ kuku 5 lɛ he nɔkwɛmɔ nɔ. Afee hiɛkpamɔ wiemɔi ni yɔɔ Reasoning wolo lɛ mli lɛ ekome he nɔkwɛmɔ nɔ (kk 9-15) ni baasa nyɛ shikpɔŋkuku lɛ. Awo hewalɛ ni mɔ fɛɛ mɔ ana sɔɔmɔ nitsumɔ lɛ mli gbɛfaŋnɔ yɛ otsi nɛɛ naagbee.
Lala 108 kɛ naagbee sɔlemɔ.