Kpeei Ni Baawa Wɔ Kɛha Kaselɔi Afeemɔ
KLƐŊKLƐŊ OTSI
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Awie otii pɔtɛɛ ni jɛ woji tɛtrɛbii lɛ amli ni abaanyɛ akɛtsu nii yɛ otsi nɛɛ naagbee lɛ ahe.
10 min: “Sanekpakpa lɛ Kɛhamɔ—Yɛ Hejɔɔmɔ Gbii Anɔ.” Sanebimɔi kɛ hetoi.
15 min: Wiemɔ ni kanyaa mɔ ni damɔ yitso ni ji “Yehowa ji Wɔbobaahe” nɔ. Agba niiashikpamɔi ni jɛ 1984 Yearbook lɛ mli ni nyiɛ sɛɛ nɛɛ: Baafɔ 32, kuku 2, maa bɔ ni ehe hiaa ni skul gbekɛbii afa sanekpakpa lɛ he yɛ skul koni Yehowa ajɔɔ amɛmɔdɛŋbɔɔ nɔ lɛ nɔ mi. Baafai 88 kɛyashi 91 ni yɔɔ yitso bibioo ni ji ‘Yɛ Ŋwɛibɔfoi Afiji Ashishi’ lɛ maa nɔ mi haa wɔ akɛ Yehowa yɛ wɔhilɛ he miishɛɛ waa diɛŋtsɛ ni ebaajɔɔ wɔfaishitswaa akɛ wɔɔdamɔ shi shiŋŋ yɛ naatsii ni akɛba wɔnitsumɔ lɛ nɔ lɛ nɔ.
Lala 42 kɛ naagbee sɔlemɔ.
OTSI Nl JI ENYƆ
10 min: Asafoŋ adafitswai. Akane shika he akɔntaabuu kɛ shika ni akɛke lɛ he woji hu fɛɛ. Ajie nyɛmimɛi lɛ ayi yɛ bɔ ni amɛkɛ “kutumpɔo mamona” lɛ tsuɔ nii jogbaŋŋ lɛ he. (Luka 16:9; it-2, bf. 806)
20 min: “Ni Wɔɔfee Weku Biblia Mli Nikasemɔ ni Mɔɔ Shi.” Sanebimɔi kɛ hetoi. Kɛ be baaŋmɛ gbɛ lɛ aha fɔlɔ kome loo mɛi enyɔ agba nɔ ni amɛfee ni no eha amɛweku nikasemɔ lɛ efee nɔ ni kɛ gbɛtsɔɔmɔ haa ni miishɛɛ yɔɔ mli hu lɛ atsɔɔ.
20 min: Aba wiemɔ ni damɔ saneyitso ni ji “Yehowa Woɔ Etsuji Anɔkwafoi Anyɔmɔ” lɛ nɔ. (1 Kor. 4:2) Akɛ niiashikpamɔi ni jɛ 1984 Yearbook lɛ mli ni nyiɛ sɛɛ nɛɛ afata he: Baafa 94, kukuji 1 kɛ 2, feɔ lɛ faŋŋ akɛ Yehowa shii wɔ yɛ wɔhaomɔi lɛ amli eyɛ mli akɛ aaka wɔ babaoo. (2 Kor. 4:7-9) Baafa 205, kukuji 2 kɛ 3, maa bɔ ni ehe hiaa ni wɔkɛ wɔhe afɔ Yehowa nɔ ni wɔtsu nii waa ni wɔsa ehiɛ—yɛ gbɔmɔtsoŋ fatɔɔi kɛ wɔhemɔkɛyeli he kaai lɛ fɛɛ sɛɛ lɛ nɔ mi.
Lala 221 kɛ naagbee sɔlemɔ.
OTSI Nl Jl ETƐ
10 min: Asafoŋ adafitswai. Sanebimɔ He. Asusu nibii ni yɔɔ Teokrase lɛ He Saji lɛ amli lɛ he yɛ be falɛ lɛ naa.
15 min: “Shiɛmɔ Nitsumɔ Lɛ —Wɔhegbɛ ni Sɛɛnamɔ Babaoo Yɔɔ He.” Aha wiemɔ, ni awo mɛi fɛɛ hewalɛ ni amɛto gbɛjianɔ jogbaŋŋ ni amɛkɛ amɛhe awo shiɛmɔ nitsumɔ lɛ mli babaoo. Ati shiɛmɔ he gbɛjianɔtoo kɛha kuu lɛ mli.
20 min: “Ani Ofee Klalo Akɛ Obaadamɔ Tsofafeemɔ Mli Shihilɛ ko ni Kaa Mɔ Hemɔkɛyeli lɛ Naa?” Wiemɔ ni damɔ nɔ ni aŋma ahɔ mli lɛ nɔ. Kɛ okɛ tsofafeemɔŋ saji kpe lɛ, ehe miihia ni ofa ohe, jeee yɛ Ŋmalɛ naa nɔkpɛlɛmɔ naa pɛ kɛkɛ, shi moŋ yɛ gbɛi ni ja yɛ tsofafeemɔŋ kɛ mla naa hu fɛɛ nɔ. Aye abua toibolɔi lɛ ni amɛna bɔ ni ehe hiaa ni amɛkɛ sɛɛyoomɔ atsu nii yɛ be mli ni amɛhaa saji ni tsofafeelɔi biɔ, ni amɛbɔɔ mɔdɛŋ ni amɛkɛtsɔ amɛ tsɔne lɛ ahetoo lɛ. Afee nɔkwɛmɔ nii kukuji enyɔ ni damɔ saji ni afɔɔ bimɔ ni atsi ta kɛjɛ kukuji 30 kɛyashi 37 yɛ nɔ ni aŋma ahɔ mli lɛ mli lɛ nɔ.
Lala 93 kɛ naagbee sɔlemɔ.
OTSI Nl Jl EJWƐ
10 min: Asafoŋ adafitswai. Atsɔɔ woji tɛtrɛbii (ememeji kɛ ehee fɛɛ) ni nyɛyɔɔ lɛ mli saji ni abaanyɛ akɛtsu nii.
15 min: “Yehowa Miitsɔɔ Wɔ Nii.” Skul nɔkwɛlɔ lɛ kɛ toibolɔi asusu he. Abibii nikaselɔ ni feɔ nɔkwɛmɔ nɔ kpakpa lɛ saji, ni amamɔ sɛɛnamɔi ni enaa kɛjɛɔ hesaamɔ ni tsɔɔ hiɛ kɛ wiemɔ he ŋaawoo lɛ mli otii ni etsuɔ he nii lɛ amli baa lɛ nɔ mi.
20 min: Akɛ miishɛɛ ati “Wiemɔ Krɔŋŋ” Kpokpai Wuji Anɔ kpeei lɛ amli saji otii lɛ amli. Akɛni mɛi pii nyɛɛɛ aya kpeei lɛ hewɔ lɛ, abɔ mɔdɛŋ waa koni fa nɛɛ afee nɔ ni yɔɔ miishɛɛ ni etswaa mɔ emaa shi hu. Aha mɛi sɔrɔtoi ni tee lɛ atsɔ hiɛ asaa amɛhe, ni amɛwie otii lɛ ahe. Kɛji nyɛti kpokpaa wulu nɔ kpee lɛ mli otii lɛ amli momo lɛ, no lɛ nyɛbaanyɛ nyɛha wiemɔ ni ji “Nyɛsɔlea Nyɛhaa Nyɛhe” ni damɔ sane ni yɔɔ November 15, 1990 Buu-Mɔɔ lɛ mli lɛ nɔ.
Lala 55 kɛ naagbee sɔlemɔ.