Kpeei Ni Baawa Wɔ Kɛha Kaselɔi Afeemɔ
KLƐŊKLƐŊ OTSI
10 min: Asafoŋ adafitswai kɛ Adafitswai ni ahala kɛjɛ enɛ mli. Ama wolo ni akɛbaatsu nii yɛ February mli lɛ nɔ mi. Atsɔɔ woji memeji ni asafo lɛ yɔɔ eko lɛ agbɛi. Asusu hiɛkpamɔ wiemɔi ni abaanyɛ akɛtsu Saneyitso kɛha Sanegbaa lɛ he nii lɛ ahe. Kɛ woji memeji ni atsɔɔ lɛ eko bɛ lɛ, ama “Kingdom Come” wolo lɛ kɛ nitsumɔ nɔ mi.
10 min: “Nyɛkahaa Wɔnijiaŋ Miije Wui.” Abaasusu sane lɛ mli saji otii ahe. Aha toibolɔi atsɔɔ amɛjwɛŋmɔ kɛ aasusu kuku 3 he. Ha shiɛlɔ ni he esa afee wolo lɛ kɛhamɔ he nɔkwɛmɔ nɔ, ni akɛ ŋaawoo ni akɛha yɛ kuku 5 lɛ atsu nii. Awo asafo lɛ hewalɛ ni amɛfee babaoo yɛ sɔɔmɔ lɛ mli ni ekatɔ wɔ aloo ni wɔnijiaŋ miije wui yɛ shikpilikpiifeemɔ loo shitee-kɛ-woo ni wɔkɛaakpe hewɔ.
20 min: Te Wɔɔfee Tɛŋŋ Wɔfee Mɛi ni He Wa? Abibii saji ni akɛma bɔ ni ehe hiaa akɛ aaaha he awa ni ekatɔ wɔ lɛ nɔ mi. (1) Abi mɛi enyɔ loo etɛ ni amɛkɛ afii pii esɔmɔ ni amɛfeɔ nɔkwɛmɔ nɔ kpakpa lɛ saji. Mɛɛ nɔnyɛɛ koni amɛkpa shiɛmɔ amɛkɛkpe ni amɛye nɔ kunim? Mɛni ye bua amɛ koni amɛya nɔ ni ekatɔ amɛ? (Abaanyɛ atsi sɔlemɔ, kpeei ni ayaa daa, teemɔŋ nikasemɔ, hewalɛwoo ni mɛi krokomɛi kɛhaa, kɛ nibii krokomɛi ata.) Mɛni amɛfee koni amɛkɛtsi sɔɔmɔ lɛ shi ni amɛaaba loo ni amɛkpa lɛ naa? (Abaanyɛ atsi nyɛmimɛi ni akɛ amɛ aaabɔ daa yɛ kpeei ashishi, nɔyaa yɛ teemɔŋ nikasemɔ mli, hiɛsɔɔ kɛha mɔ kɛ Yehowa teŋ wekukpaa, kɛ nibii krokomɛi ata.) Te fee tɛŋŋ ni amɛtee nɔ amɛhiɛ pɛpɛɛpɛ ni amɛŋmɛɔ yɛ mumɔŋ lɛ mli? (Abaanyɛ atsi onukpai loo mɛi krokomɛi ayelikɛbuamɔ, mumɔŋ nibii ni akɛye klɛŋklɛŋ gbɛhe yɛ shihilɛ mli, sɔlemɔ kɛha Yehowa, kɛ nibii krokomɛi ata.) (2) Abibii gbekɛbii komɛi ni ji shiɛlɔi ni yaa shiɛmɔ daa ni amɛfeɔ nɔkwɛmɔ nɔ kpakpa lɛ saji. Mɛni eye ebua amɛ ni amɛfee mɛi ni yaa shiɛmɔ daa lɛ? Fɔlɔi eye ebua amɛ yɛ mɛɛ gbɛ nɔ? Ani shiɛlɔi komɛi woɔ amɛ hewalɛ ni amɛyeɔ amɛbuaa amɛ yɛ sɔɔmɔ nitsumɔ lɛ mli? Mɛni ji otii ni mamɔ amɛhiɛ yɛ Yehowa sɔɔmɔ mli? Aba naagbee kɛ saji ni abibii lɛ amlitii kuku.
Lala 10 kɛ naagbee sɔlemɔ.
OTSI NI JI ENYƆ
10 min: Asafoŋ adafitswai. Shika he amaniɛbɔɔ kɛ nɔ ni akɛha ni nine eshɛ nɔ. Ajie asafo lɛ yi yɛ jeŋ muu fɛɛ nitsumɔ kɛ Asafo Maŋtsɛyeli Asa Onia lɛ sɛɛfimɔ hewɔ. Agbala jwɛŋmɔ kɛya saji ni yɔɔ “Saamɔ Ohe kɛha Buu-Mɔɔ Shɛɛ he Tafaa” lɛ nɔ ni awo shiɛlɔi ahewalɛ ni amɛto gbɛjianɔ bianɛ ni amɛna mli gbɛfaŋnɔ ni mɔɔ shi. Shiɛlɔi ni baanyɛ lɛ kɛ amɛ Watch Tower Publications Index 1930-85 lɛ aba Sɔɔmɔ kpee ni nyiɛ sɛɛ baa lɛ shishi.
20 min: Medical Document kɛ Identity Card. Woloŋmalɔ lɛ aha aja woji nɛɛ koni etsu Asafo lɛ wolo ni ji May 15, 1990 ni kɔɔ sane nɛɛ he lɛ he nii. Akɛ toibolɔi lɛ asusu nɔ hewɔ ni esa akɛ anyiɛ famɔi lɛ asɛɛ jogbaŋŋ koni woji lɛ abu wɔhe jogbaŋŋ lɛ he. Yɛ kpee lɛ sɛɛ lɛ, onukpai lɛ baakwɛ koni atsu enɛ he nii taakɛ amɛfee yɛ nyɛsɛɛ afi lɛ mli lɛ. Akashashao shi yɛ woji nɛɛ aŋmalamɔ kɛ waonaa gbɛi ni akɛaawo shishi jogbaŋŋ lɛ mli.
10 min: “Ni Wɔɔkpe Daa Akɛni Gbi lɛ Bɛŋkɛɔ Nɛɛ.” Akɛ sanebimɔi kɛ hetooi baatsu enɛ he nii. Aye abua ni mɔ fɛɛ mɔ ayoo egbɛfaŋ nɔ yɛ kpeei ni aaaha aya hiɛ yɛ kuu lɛ mli ni amɛkɛwowoo amɛ diɛŋtsɛ kɛ mɛi krokomɛi ahewalɛ lɛ mli.
Lala 108 kɛ naagbee sɔlemɔ.
OTSI NI JI ETƐ
10 min: Asafoŋ adafitswai. Teokrase lɛ He Saji. Akɛ otsi lɛ naagbee shiɛmɔ he gbɛjianɔtoo afata he. Akɛ ŋaawoo ni tsɔɔ woji tɛtrɛbii heei lɛ amli saji ni baabi aha shikpɔŋkuku ko mlibii pɔtɛɛ lɛ aha. Esa akɛ mɔ fɛɛ mɔ kɛ dɛhiɛmɔ wolo Shihilɛ yɛ Toiŋjɔlɛ Jeŋ Hee ko Mli lɛ aba Sɔɔmɔ kpee ni nyiɛ sɛɛ baa lɛ.
15 min: “Wɔ Maŋtsɛyeli Sɔɔmɔ lɛ he Nitsumɔ kɛ lndex lɛ Yelikɛbuamɔ.” Wiemɔ ni onukpa ko baaha ni egbala toibolɔi ewo mli. Afee bɔ ni onukpa kɛ asafoŋ sɔɔlɔ ko baanyɛ ni amɛkɛ Index lɛ atsu nii ni amɛkɛsaa amɛhe amɛha saramɔ lɛ he nɔkwɛmɔ nɔ. Asusu bɔ ni aaatsɔɔ shiɛlɔi lɛ ni amɛkɛ bafeɔ lɛ atsu nii ni eha daa otsi Biblia kanemɔ lɛ aya hiɛ lɛ he.
20 min: “Tsuishiŋmɛɛ yɛ Anɔkwayeli Mli yɛ Naatsii lɛ Fɛɛ Sɛɛ.” Wiemɔ ni kanyaa mɔ ni damɔ 1974 kɛ 1986 Yearbook lɛ mli niiashikpamɔi ni kɔɔ saji otii nɛɛ ahe le nɔ: (i) Bɔni afee ni wɔnyɛ wɔhiɛ wɔmumɔŋ shidaamɔ lɛ mli lɛ, bɔ ni ehe hiaa akɛ wɔɔle nikanemɔ kɛ niŋmaa ni wɔna be he gbɛjianɔtoo kɛha teemɔŋ nikasemɔ lɛ nyɛŋ afee nɔ ko ni ama nɔ mi fe nine. (1986 Yearbook, baafa 225, kukuji 2, 3; baafa 157, kuku 2) (ii) Gbɔmɔ gbeyeishemɔ tsɔɔ mɔ tsɔne—kwa enɛ feemɔ! (1974 Yearbook, baafa 178, kuku 1; kwɛmɔ January 1, 1986. Buu-Mɔɔ, baafai 25, 26.) (iii) Bɔ fɛɛ bɔ ni shitee-kɛ-wolɔi aaafee mɛi ni he yɔɔ gbeyei aha lɛ, he ni akɛfɔɔ Yehowa nɔ kwraa lɛ yeɔ omanye.—1974 Yearbook, baafa 146, kuku 4 kɛyashi baafa 148 kuku 1.
Lala 203 kɛ naagbee sɔlemɔ.
OTSI NI JI EJWƐ
Lala 192
8 min: Asafoŋ adafitswai.
22 min: “Sanekpakpa lɛ Kɛhamɔ—Kɛ Dɛhiɛmɔ Woji.” Akɛ sanebimɔi kɛ hetooi baatsu enɛ he nii. Akane ŋmalɛi lɛ.
Kɛ asusu kuku 7 he agbe naa lɛ, aha gbɛgbalɔ loo shiɛlɔ ko ni he esa afee nikasemɔ shishijee yɛ sɛɛsaramɔ nɔ ni akɛ dɛhiɛmɔ wolo, Shihilɛ yɛ Toiŋjɔlɛ Jeŋ Hee Ko Mli miitsu nii he nɔkwɛmɔ nɔ. Awo shiɛlɔi hewalɛ ni amɛkɛ enɛ atsu nii yɛ sɛɛsaramɔi anɔ, titri lɛ kɛ anaaa shiatsɛmɛi yɛ klɛŋklɛŋ be mli ni atee jɛmɛ. Afɔ nine atsɛ shiɛlɔi ni amɛsaa amɛhe momo ni amɛwie omanye ni amɛye yɛ nɛkɛ gbɛ nɛɛ kɛ nitsumɔ mli lɛ he.
15 min: Ani Obaanyɛ Ofee Gbɛgbalɔi Awalɔ yɛ Kaimɔ Be nɛɛ Mli? Sane ni nyɛminuu ko ni ji daa gbɛgbalɔ loo gbɛgbalɔi awalɔ kɛ mɛi krokomɛi baagba. Abibii mɛi pii ni kɛ amɛhe ewo gbɛgbalɔi awamɔ mli pɛŋ lɛ sane. Mɛɛ tsakemɔi amɛfee koni amɛnine ashɛ oti lɛ nɔ? Ama gbɛjianɔ ni anyɛɔ atsuɔ he nii ni amɛto lɛ nɔ mi. Akɛni Kaimɔ be lɛ miibɛŋkɛ hewɔ lɛ, awo shiɛlɔi ni yɔɔ he miishɛɛ lɛ hewalɛ ni amɛkɛ onukpa ko agba gbɛjianɔ ni amɛtoɔ yɛ enɛ he lɛ he sane. Kɛ amɛkɛ jwɛŋmɔ kpakpa tsu enɛ he nii bianɛ lɛ, mɛi pii baana sɔɔmɔ nɛɛ mli ŋɔɔmɔ. Enɛ baafee gbɛ ni mɛi komɛi baatsɔ nɔ afee daa gbɛgbalɔi. (km 3/90 bf. 3) Abaanyɛ ahe gbɛbimɔ woji kɛjɛ onukpai asɛinɔtalɔ lɛ loo woloŋmalɔ lɛ dɛŋ.
Lala 151 kɛ naagbee sɔlemɔ.