Kpeei Ni Baawa Wɔ Kɛha Kaselɔi Afeemɔ
KLƐŊKLƐŊ OTSI
Lala 173
10 min: Asafoŋ adafitswai kɛ Adafitswai ni ahala kɛjɛ Our Bulletin lɛ mli. Ama woji tɛtrɛbii heei lɛ amli saji ni abaanyɛ akɛtsu nii yɛ woji tɛtrɛbii anitsumɔ mli lɛ anɔ mi.
20 min: “Too Otsui Shi ni Otsu Sɔɔmɔ Nitsumɔ lɛ Kɛmɔ Shi.” Sanebimɔ-kɛ-hetoo ni akɛaasusu sane lɛ he. Ama bɔ ni ehe hiaa ni ato tsui shi, titri lɛ yɛ nɛkɛ be nɛɛ mli lɛ nɔ mi. Kɛ asusu kuku 6 he agbɛ naa lɛ, aha shiɛlɔ ko afee bɔ ni akɛ Saneyitso Kɛha Sanegbaa lɛ tsuɔ nii ahaa kɛji akɛ “Naa!, Miifee Nii Fɛɛ Ehee” wolo lɛ miiha lɛ he nɔkwɛmɔ.
15 min: Onukpa ko loo asafoŋ sɔɔlɔ ni he esa baatsu fa nɛɛ he nii. Abi toibolɔi lɛ woji bibii lɛ amli otii ni abaanyɛ akɛgba sane. Ahala otii ni kɛ Saneyitso Kɛha Sanegbaa lɛ yaa ni baaha shiatsɛ lɛ gbɛkpamɔ akɛ eeekane wolo bibioo lɛ aya hiɛ. Afee nɔkwɛmɔ nɔ kuku ni atsɔɔ bɔ ni atsaa nɔ kɛyaa wolo bibioo lɛ mli kɛ oti ni sa ni abaanyɛ akɛgba sane.
Lala 156 kɛ naagbee sɔlemɔ.
OTSI NI JI ENYƆ
Lala 162
10 min: Asafoŋ adafitswai. Shika he akɔntaabuu. Teokrase lɛ He Saji. Akai asafo lɛ yɛ gbɛjianɔtoo ni yɔɔ kɛha otsi naagbee shiɛmɔyaa he.
15 min: “Okɛ Osusuma Fɛɛ Atsu Nii yɛ Shiɛmɔ Nitsumɔ lɛ Mli—Fa 1.” Sanebimɔ-kɛ-hetoo sanegbaa ni sɔɔmɔ nɔkwɛlɔ lɛ baatsu he nii. Atsɔ hiɛ akɛ ŋmalɛi otii ni abaakane lɛ awo nyɛmimɛi adɛŋ, ni akɛ emli sane lɛ ato nyɛ asafo lɛ he. Aha nyɛmimɛi lɛ ana fai enumɔ lɛ fɛɛ he miishɛɛ.
20 min: Be-Fɛɛ Sɔɔmɔ —Hegbɛ Fɛfɛo ni Anaa ni Akɛ Nyɔŋmɔ Aaanyiɛ. (Mika 6:8) Onukpa ni he esa aloo asafoŋ sɔɔlɔ. kɛ ebaahi lɛ mɔ ni yɔɔ be-tɛɛ sɔɔmɔ lɛ mli, baaha wiemɔ ni ŋɔɔ. ni woɔ mɔ hewalɛ. (Kwɛmɔ May 15, 1989, Buu-Mɔɔ lɛ baafa 21-3.) Atsɔɔ ŋaawoi ni anyɛɔ akɛtsuɔ nii ni baaye abuɔ asafoŋ shiɛlɔi lɛ yɛ bɔ ni amɛshihilɛi ji lɛ naa, ni amɛkɛ hiɛdɔɔ asusu be-fɛɛ nitsumɔ lɛ he. Akɛ gbɛgbalɔi enyɔ loo mɛi etɛ agba sane, ni atsɔɔ sɛɛnamɔi babaoo ni jɛɔ be-fɛɛ sɔɔmɔ lɛ mli baa. Sɔɔmɔ afi hee lɛ ji be kpakpa ni abaanyɛ akɛje shishi. Mɛi ni baaje shishi dani September 1, 1991 aho lɛ baanyɛ ana hegbɛ ni amɛya Gbɛgbalɔi Asɔɔmɔ Skul lɛ kɛji hegbɛ ba akɛ aaatee yɛ wɔsɛɛ afi lɛ mli.
Lala 204 kɛ naagbee sɔlemɔ.
OTSI NI JI ETƐ
10 min: Asafoŋ adafitswai. Ati otii ni yɔɔ nyɛ asafo lɛ shiɛmɔ nitsumɔ he akɔntaabuu kɛha July lɛ mli lɛ amli. Ajie shiɛlɔi lɛ ayi yɛ nibii ni amɛnyɛ amɛtsu yɛ shiɛmɔ mli lɛ he.
20 min: “Sanekpakpa lɛ Kɛhamɔ—Kɛ Sɛɛyoomɔ.” Sanebimɔ-kɛ-hetoo ni akɛaasusu he. Afee otii ni yɔɔ kuku 5 mli lɛ ahe nɔkwɛmɔ nɔ. Aha shiɛlɔ ni he esa atsɔɔ bɔ ni aaafee atsu shiatsɛ ni kɛjɛ shishijee mli lɛ ejeɔ ŋwane babaoo lɛ he nii kɛtsɔ saji ni eeebi yɛ ŋaa mli koni etsɔɔ lɛ nɔ ni Biblia lɛ kɛɔ yɛ nakai sane lɛ he lɛ nɔ. Esa akɛ ati nɔkwɛmɔ nɔ lɛ mli jogbaŋŋ ni emɔ shi.
20 min: Gbɛ ni Mitsɔ nɔ Mina Anɔkwale Lɛ. Niiashikpamɔi. Onukpa ko kɛ mɛi enyɔ loo mɛi etɛ baagba sane.Agbala jwɛŋmɔ kɛya bɔ ni Nyɔŋmɔ Wiemɔ lɛ kɛ egbɛjianɔtoo lɛ kanya amɛ kɛshɛ henɔjɔɔmɔ kɛ baptisimɔ he lɛ nɔ titri. Amamɔ sɛɛnamɔi ni amɛna yɛ anɔkwale lɛ mli ni amɛyɔɔ lɛ anɔ mi.
Lala 67 kɛ naagbee sɔlemɔ.
OTSI NI JI EJWƐ
Lala 210
20 min: Asafoŋ adafitswai kɛ Sanebimɔ He lɛ hesusumɔ. Abibii niiashikpamɔi ni ana yɛ woji bibii lɛ kɛhamɔ kɛ Biblia mli nikasemɔ shishijee mli.
15 min: “Wɔ Diɛŋtsɛ Wɔgbɛnaa Nii lɛ He Jatsu lɛ ni Wɔɔtere.” Onukpa ko kɛ weku ko baasusu emli sane lɛ he. Akai bɔ ni asafo lɛ na kpokpaa nɔ kpee ni afee sɛɛkpee nɛɛ he miishɛɛ ni amɛna he sɛɛ hu lɛ, koni aha kpokpaa nɔ kpee he gbɛjianɔtoo hee lɛ he gbɛkpamɔ aya hiɛ. Abibii wekuyitsei ni yɔɔ toibolɔi lɛ ateŋ lɛ bɔ ni naagbee nɔ ni afee lɛ he ba sɛɛnamɔ kɛha amɛweku lɛ eha. Awo mɛi fɛɛ hewalɛ ni amɛto gbɛjianɔ jogbaŋŋ ni amɛya kpee lɛ ni amɛna gbɛjianɔ ni ato aha 1992 sɔɔmɔ afi lɛ he sɛɛ kɛmɔ shi. Kɛji ale be ni akɛbaafee kpee ni nyiɛ sɛɛ lɛ, abaanyɛ atswa enɛ he adafi.
16 min: “Asafo Woloŋ Nikasemɔ he Gbɛjianɔtoo-Fa 1.” Sanegbaa ni onukpa ni yɔɔ niiashikpamɔ kɛ onukpa loo asafoŋ sɔɔlɔ kome loo mɛi enyɔ ni amɛji Asafo Woloŋ Nikasemɔ nɔkwɛlɔi baana. Aje gbɛ amamɔ saji enyɔ loo etɛ ni he miihia waa yɛ nyɛ asafo lɛ mli, tamɔ saji ahetoo ni aaaha yɛ mɔ diɛŋtsɛ wiemɔ mli kɛ nibii ni akaseɔ lɛ kɛ nitsumɔ diɛŋtsɛ lɛ anɔ mi waa.
Lala 42 kɛ naagbee sɔlemɔ.