Nɔyeli Eba Kɛ̃!

Ghana nɔyeli lɛ tswa adafi yɛ Soo, October 31, 1991, akɛ ajie naatsii ni akɛba wɔnitsumɔ nɔ lɛ kɛjɛ jɛmɛ. Adafitswaa lɛ tsi ta kɛfata he hu akɛ “aŋmɛ wɔ gbɛ ni wɔŋma gbɛbimɔ wolo kɛha wɔgbɛi ni akɛaawo woji amli yɛ mla ni yɔɔ Iɛ shishi.” Wɔkɛ miishɛɛ miiha nyɛle akɛ wɔkɛ gbɛbimɔ wolo kɛha wɔgbɛi ŋmaa lɛ eyaha, ni aha wɔ wolo ni wɔkɛbaatsu nii yɛ be kukuoo mli. Enɛ haa wɔ hegbɛ ni wɔkɛaatsu nii akɛ jamɔ gbɛjianɔtoo. Wɔhiɛ ka nɔ akɛ, yɛ naagbee lɛ abaakpɛlɛ wɔ gbɛbimɔ wolo lɛ nɔ kwraa ‘yɛ mla ni yɔɔ lɛ shishi.’ Wɔkɛ hiɛsɔɔ babaoo ekadi bɔ ni nyɛmimɛi lɛ kɛ ekaa je shiɛmɔ nitsumɔ lɛ shishi ekoŋŋ yɛ November mli Iɛ waa diɛŋtsɛ. Eyɛ mli akɛ shiɛlɔi 33,882 ni bu akɔntaa Iɛ jeee yibɔ hee ni fa fe fɛɛ moŋ, shi eji oha mlijaa 6 nɔyaa ni tekeɔ nyɛsɛɛ afi Iɛ mlijaa lɛ. Nɔ ni sa kadimɔ jogbaŋŋ hu ji Biblia mli nikasemɔi ni alee yɛ November mli lɛ​—50,639. Enɛ haa shiɛlɔ fɛɛ shiɛlɔ naa Biblia mli nikasemɔ 1.5 yɛ maŋ nɛɛ mli. Eji nitsumɔ ni sa yijiemɔ lɛlɛŋ! Wɔmiida Yehowa shi yɛ shweremɔ babaoo ni ebɔi baa momo nɛɛ hewɔ. Ebaaŋɔɔ nyɛnaa akɛ nyɛaale mɛi abɔ ni tee ‘Mɛi ni Sumɔɔ Nyɔŋmɔ Heyeli’ Kpokpaa Wulu nɔ kpeei 9 ni afee yɛ maŋ nɛɛ mli lɛ fɛɛ ayibɔ.

Yibɔ ni Fa fe Fɛɛ: 100,171

Mɛi ni Abaptisi: 842

Togo:

kpeei Abɔ ni Afee: Ekome.

Yibɔ ni Fa lɛ Fɛɛ: 26,467

Mɛi ni Abaptisi: 556