Feemɔ Oshiɛmɔ Wiemɔ Klalo Kɛha March
1 Yɛ March mli lɛ, wɔkɛ woji ni hiɛ baafai 192 ni akala yɛ 1983 loo dani afi lɛ shɛ lɛ loo Worldwide Security wolo lɛ baaha. Wɔbaanyɛ wɔkɛ woji kpakpai nɛɛ ateŋ eko fɛɛ eko atsu nii ni wɔkɛ sanekpakpa lɛ aha yɛ gbɛi sɔrɔtoi anɔ. Ŋwanejee ko bɛ he akɛ obaana shiɛmɔ wiemɔi ni nyiɛ sɛɛ nɛɛ ateŋ ekome loo fɛɛ po kasemɔ kɛ ekɛ nitsumɔ he miishɛɛ.
2 Shikpɔŋ Lɛ—Adesai Anaanɔ Shia: Kɛji ootao okɛ mɛi ni susuɔ shikpɔŋ lɛ kɛ enɔ nibii ahe lɛ aje sanegbaa shishi lɛ, kaa saneyitso ni ji “Shikpɔŋ lɛ Baahi Shi Kɛya Naanɔ Akɛ Adesai Ashia” lɛ okwɛ. Nɛkɛ saneyitso nɛɛ yɛ tswaa bɔ ni eeenyɛ emɔ gbɔmɛi ni susuɔ weku shihilɛ he, kɛ mɛi ni sumɔɔ adebɔɔ kɛ shikpɔŋ lɛ hewɔ nibii lɛ ajwɛŋmɔ. Ŋmalɛ ni okɛbaatsu nii ji Jajelɔ 1:4. Agbala nɛkɛ saneyitso kɛ ŋmalɛ nɛɛ mli yɛ Worldwide Security wolo lɛ baafai 98-9, kukuji 2 kɛ 3.
3 Beni otsɔɔ mɔ ni oji sɛɛ lɛ, obaanyɛ okɛɛ akɛ:
“Miba oŋɔɔ hiŋmɛitswaa fioo ko ni wɔkɛgba sane ko ni wɔteŋ mɛi pii susuɔ he waa lɛ he sane. Shikpɔŋ lɛ ji wɔshia, ni ŋwanejee ko bɛ he akɛ bo hu osusuɔ bɔ ni afiteɔ lɛ ahaa lɛ he. Jeŋ nilelɔi kɛ shikpɔŋ lɛ hewɔ nibii ahe nilelɔi yaa nɔ amɛbɔɔ kɔkɔ akɛ kɛji mujiwoo lɛ baaya nɔ nɛkɛ lɛ, shikpɔŋ la baatsɔ he ni anyɛŋ ahi nɔ dɔŋŋ. Ani osusuɔ akɛ naagba nɛɛ he tsabaa ko yɛ? [Mɛɛ fioo ni shiatsɛ lɛ awie kɛji eesumɔ.] Masumɔ ni matsɔɔ bo nɔ ni Biblia lɛ tsɔɔ kuku kɛkɛ yɛ shikpɔŋ lɛ wɔsɛɛ he, yɛ Jajelɔ 1:4.” Kanemɔ ŋmalɛ lɛ, ni okɛ mligbalamɔ ni akɛha yɛ Worldwide Security wolo lɛ baafai 98-9, kukuji 2 kɛ 3 lɛ atsɔɔ lɛ.
4 Abaajie Yiwalɛ Kɛya Kwraa: Kɛji ootao ni mɛi ni susuɔ awuiyeli basabasafeemɔ, kɛ ta he lɛ ana owiemɔ lɛ he miishɛɛ lɛ, no lɛ obaasumɔ ni okɛ amɛ agba saneyitso ni ji “Abaajie Yiwalɛ Kɛya Kwraa Bɔni Afee ni Mɛi ni Sumɔɔ Nyɔŋmɔ lɛ Ana Wala kɛ Toiŋjɔlɛ Mli Ŋɔɔmɔ” lɛ he sane. Lala 37:9-11 wieɔ oti nɛɛ he, ni agbala mli yɛ Worldwide Security wolo lɛ mli, baafai 118-20, kukuji 13-15.
5 Kɛji otsɔɔ mɔ ni oji taakɛ afɔɔ feemɔ lɛ, obaanyɛ okɛɛ:
“Ani osusuɔ akɛ be ko baaba ni ehe ehiaŋ ni wɔkpee awuiyeli kɛ basabasafeemɔ shihilɛ naa dɔŋŋ? [Ŋmɛɛ gbɛ ni shiatsɛ lɛ aha hetoo.] Biblia lɛ tsɔɔ tsabaa ni hiɔ shi kɛyaa naanɔ yɛ biɛ yɛ Lala 37:9-11.” Kanemɔ ŋmalɛ lɛ ni ogbele Worldwide Security wolo lɛ baafai 118-20, ni ohala kukuji 13-15 lɛ fai komɛi ni nyɛkane.
6 Gbohiiashitee Hiɛnɔkamɔ Lɛ: Akɛni eshɛɔ be ko kɛ̃ ni mɔ fɛɛ mɔ laajeɔ suɔlɔ ko yɛ gbele mli hewɔ lɛ, ebaafee miishɛjemɔ akɛ okɛ saneyitso ni ji “Maŋtsɛyeli Nɔyeli lɛ kɛ Suɔlɔi ni Egboi lɛ Baaku Sɛɛ Aba Wala Mli Ekoŋŋ yɛ Paradeiso Shihilɛ Mli” lɛ aaaje sanegbaa shishi. Obaanyɛ okɛ Yohane 5:28, 29 loo Luka 23:43 atsu nii ni okɛ sane nɛɛ kɛ ŋmalɛ lɛ mligbalamɔ ni yɔɔ Worldwide Security wolo lɛ baafai 166-7, kukuji 12 kɛ 13 lɛ atsɔɔ lɛ.
7 Obaanyɛ okɛ hiɛkpamɔ wiemɔ ni ji etɛ ni yɔɔ “Reasoning” wolo lɛ baafa 14 lɛ aje osanegbaa lɛ shishi, ni okɛɛ akɛ:
“Bei pii lɛ, wɔteŋ mɛi babaoo susuɔ suɔlɔi ni wɔlaaje yɛ gbele mli lɛ ahe. Shi ani onuɔ he akɛ ekolɛ wɔbaana amɛ ekoŋŋ? [Ha shiatsɛ lɛ hegbɛ ni ewie] Mɛi pii ni wɔkɛgba sane lɛ ahiɛ fee amɛ yaa akɛ amɛaale nɔ ni Nyɔŋmɔ Wiemɔ lɛ ewo shi yɛ he, ni akɛ nɛkɛ gbɛkpamɔ nɛɛ baaba mli yɛ biɛ yɛ shikpɔŋ nɛɛ nɔ. Kadimɔ Biblia shiwoo lɛ yɛ . . . ” Obaanyɛ okɛ Yohane 5:28, 29 loo Luka 23:43 atsu nii, ni okɛ mligbalamɔ ni yɔɔ Worldwide Security wolo lɛ baafai 166-7, yɛ kukuji 12 kɛ 13, loo mfonirii ni yɔɔ baafai 164-5 lɛ atsa owiemɔ lɛ nɔ.
8 Saamɔ shiɛmɔ wiemɔi nɛɛ ni okɛ amɛteŋ ekome loo fɛɛ atsu nii yɛ nyɔŋ nɛɛ nɔ. Ewaaa kwraa akɛ ooona wiemɔi loo mfonirii ni sa yɛ woji nɛɛ ateŋ eko fɛɛ eko ni okɛaatsu nii lɛ mli. Kɛji mɔ lɛ naaa he miishɛɛ tsɔ lɛ, ha lɛ dɛhiɛmɔ wolo ni wieɔ nakai sane lɛ he.