Sanebimɔ He

◼ Te sɔɔmɔ nɔkwɛlɔ lɛ aaafee tɛŋŋ akwɛ asafoŋ sɔɔlɔi ni tsuɔ woji wuji kɛ woji tɛtrɛbii ahe nii lɛ anitsumɔ nɔ hu?

Nitsumɔ ni sɔɔmɔ nɔkwɛlɔ lɛ yɔɔ he miishɛɛ lɛ jeee nikasemɔ kui asaramɔ yɛ daa nyɔŋ nɔ kɛ daa kpeei kɛha shiɛmɔyaa kɛkɛ. Onukpa ni yɔɔ ekaa nɛɛ yɛ nɔ fɛɛ nɔ ni aaasa shiɛmɔ nitsumɔ ni yaa nɔ yɛ asafo lɛ shikpɔŋkuku lɛ mli lɛ nɔyaa he lɛ hu he miishɛɛ waa.

Ebaakwɛ koni ana woji wuji kɛ woji tɛtrɛbii ni akɛtsuɔ nii yɛ tafaa mli lɛ saŋŋ yɛ daa nyɔŋ nɔ, ni akɛ akɛ fɛɛ eto Jogbaŋŋ lo. Yɛ enɛ hewɔ lɛ ekwɛɔ asafoŋ sɔɔlɔi ni kwɛɔ woji wuji kɛ woji tɛtrɛbii anɔ lɛ anitsumɔi babaoo nɔ.

Sɔɔmɔ nɔkwɛlɔ lɛ boɔ adafitswai ni kɔɔ woji atafaai ni baa ni jeɔ kpo yɛ Wɔ Maŋtsɛyeli Sɔɔmɔ lɛ mli lɛ toi jogbaŋŋ. Lɛ kɛ nyɛmi ni kwɛɔ woji anɔ lɛ tsuɔ nii yɛ ekomefeemɔ mli koni amɛkwɛ ni ana woji ni fa kɛha nitsumɔ, shi esa akɛ amɛkwɛ jogbaŋŋ koni amɛkashɛ babaoo tsɔ. Kɛ akɛ wolo ko baatsu nii klɛŋklɛŋ kwraa yɛ shiɛmɔ mli loo etsɛŋ ni abaakase yɛ asafo lɛ mli lɛ, esa akɛ asusu enɛɛmɛi ahe beni ashɛɔ woji kɛjɛɔ Asafo lɛ yitso lɛ. Kɛ akɛ wolo lɛ etsu nii dã lɛ. asafo lɛ sɔɔmɔ nitsumɔ yɛ tafaa be ni eho lɛ mli lɛ baatsɔɔ kɛ woji ni yɔɔ lolo lɛ fa da. Shi esa akɛ asusu saji tamɔ shiɛlɔi ayibɔ ni baafee gbɛgbalɔi awalɔi yɛ nakai nyɔŋ lɛ nɔ lɛ kɛ agbɛnɛ shiɛlɔi lɛ kɛ daa gbɛgbalɔi lɛ ayifalɛ kɛjɛ be mli ni akɛ nakai wolo lɛ tsu nii lɛ he. Esa akɛ woji ahi shi dani asafoŋ kpeei aje shishi kɛ esɛɛ fɛɛ. Esa akɛ akwɛ ni akɛ woji ni yɔɔ woji adekai amli lɛ ato jogbaŋŋ yɛ he ni tse, ni jɛmɛ egbi, ni ato amamɔ shi bɔ ni efiteŋ.

Sɔɔmɔ nɔkwɛlɔ lɛ kɛ nyɛmi nuu ni kwɛɔ woji tɛtrɛbii anɔ lɛ hu baatsu nii yɛ ekomefeemɔ mli. Esa akɛ sɔɔmɔ nɔkwɛlɔ lɛ kɛ nyɛmi nuu ni kwɛɔ woji tɛtrɛbii anɔ lɛ akpe yɛ be kɛ bei amli koni amɛbu woji tɛtrɛbii ni nine shɛɔ nɔ kɛjɛɔ Asafo lɛ yitso daa nyɔŋ nɔ kɛ woji tɛtrɛbii ni akɛhaa yɛ maŋ yɛ sɔɔmɔ lɛ mli lɛ he akɔntaa. Ekolɛ ebaabi ni shiɛlɔi komɛi atse woji tɛtrɛbii ni amɛnine shɛɔ nɔ daa lɛ nɔ koni amɛkatia amɛshwie shi yɛ amɛshiai amli. Esaaa akɛ atiaa woji tɛtrɛbii nɛɛ ashwieɔ shi yaka

Beni shishitoo mla nɛɛ yɔɔ sɔɔmɔ nɔkwɛlɔ lɛ jwɛŋmɔ mli lɛ, esa akɛ lɛ diɛŋtsɛ ekwɛ tafaa he woji ni asafo lɛ shɛɔ yɛ Literature Request wolo (S-14) lɛ nɔ lɛ. Kɛkɛ lɛ ekɛ woji ni ashɛɔ nɛɛ baaha asafo lɛ woloŋmalɔ lɛ, ni lɛ hu ebaakwɛ nɔ ni aŋmala lɛ fɛɛ mli ekoŋŋ, titri lɛ woji ni ashɛɛɛ ashwieee shi lɛ ayifalɛ kɛ eko yɛ nɔ.

Eka shi faŋŋ akɛ ebaabi woji anɔ ŋmalamɔ he nitsumɔ ko koni anyɛ akwɛ woji wuji lɛ kɛ woji tɛtrɛbii lɛ anitsumɔ nɔ jogbaŋŋ. Kɛ nyɛmimɛi ni akɛ nitsumɔ ewo amɛdɛŋ nɛɛ yɛ sanebimɔi komɛi yɛ woji ni amɛŋmalaa nibii amɛwoɔ mli lɛ kɛ nitsumɔ he lɛ, woloŋmalɔ lɛ baana he miishɛɛ akɛ eeeye ebua yɛ amɛnitsumɔ nɛɛ mli.