Sɔɔmɔ Kpeei Kɛhi October
Otsi ni Jeɔ shishi October 5
15 min: Asafoŋ adafitswai kɛ Adafitswai ni sa ni jɛ Wɔ Maŋtsɛyeli Sɔɔmɔ lɛ mli. Asusu sane ni ji “Ani Abaanyɛ Atsiɛ Miishɛɛ lɛ Hiɛ Ekoŋŋ?” he, ni afee bɔ ni abaanyɛ afee nakai saramɔ lɛ aha lɛ he nɔkwɛmɔ nɔ kuku.
15 min: “Jiemɔ Adebɔɔ Nyɔŋmɔ lɛ Yi.” Akɛ sanebimɔ-kɛ-hetoo baasusu he. Atsɔ hiɛ ato gbɛjianɔ ni obalaŋtai ni feɔ nɔkwɛmɔ nɔ kpakpa agba niiashikpamɔi ni jɛ woji ni atsɔɔ yɛ kuku ji lɛ mli lɛ, ni shiɛlɔ kroko hu baanyɛ agba niiashikpamɔ ni atsi ta yɛ kuku 5 lɛ. Ama bɔ ni ehe hiaa ni akɛ sɛɛyoomɔ atsu nii yɛ nɛkɛ wolo fɛfɛo nɛɛ kɛhamɔ mli lɛ nɔ mi.
15 min: “Shiɛmɔ Wiemɔi ni Teeɔ Miishɛɛ Shi.” Akɛ toibolɔi lɛ asusu bɔ ni aaafee ni akɛ ŋaawoi ni akɛha lɛ atsu nii yɛ nyɛ shikpɔŋkuku lɛ mli lɛ he. Ato gbɛjianɔ ni afee nɔkwɛmɔ nii enyɔ loo etɛ, ni asaa he yɛ mli jogbaŋŋ, ni abaanyɛ akɛtsu nii.
Lala 96 kɛ naagbee sɔlemɔ.
Otsi ni Jeɔ Shiɛlɔi October 12
10 min: Asafoŋ adafitswai. Akɛ shika he amaniɛbɔɔ kɛ nɔ ni akɛmaje ni nine eshɛ nɔ lɛ he saji afata he. Ajie asafo lɛ yi yɛ bɔ ni amɛfiɔ nyɛhiamɔ nii kɛ Asafo lɛ jeŋ muu fɛɛ nitsumɔ lɛ sɛɛ lɛ he. Kɛji be yɛ lɛ, abi niiashikpamɔi ni asaa he yɛ mli ni kɔɔ Creation wolo lɛ kɛhamɔ he.
20 min: “Obii lɛ Ahebuu Kɛmiijɛ La kɛ Nitsumɔ yɛ Gbɛ Fɔŋ nɔ He.” Onukpa ko kɛ kukuji 1-11 baaha wiemɔ. Aha yiŋtoo ni yɔɔ sanenaamuu ni tsɔɔ akɛ esaaa akɛ anuɔ kpɛlɛmɔ ni fɔlɔi aaakpɛlɛ ni datrɛfonyo ko akwɛ amɛbi yɛ shihilɛi ni atsɔɔ yɛ kukuji 5-7 lɛ shishi lɛ akɛ etsɔɔ sane-heŋmɛɛmɔ ni akɛsaa lɛ sɛɛ lɛ aje kpo faŋŋ.
15 min: “Kaimɔ ni Oku Osɛɛ Oya Jɛmɛ Ekoŋŋ.” Sanebimɔ kɛ hetoo. Afee nɔkwɛmɔ nɔ ni asaa he jogbaŋŋ yɛ mli ni akɛtsu sane ni asusu he yɛ kuku 6 lɛ he nii. Ama bɔ ni ehe hiaa ni aya mɛi ni yɔɔ wiemɔ lɛ he miishɛɛ ni akɛkpe yɛ nyɔŋ lɛ shishijee mli lɛ aŋɔɔ ekoŋŋ lɛ nɔ mi. Lala 10 kɛ naagbee sɔlemɔ.
Otsi ni Jeɔ Shishi October 19
5 min: Asafoŋ adafitswai Agba shiɛmɔ mli niiashikpamɔ kuku ko ni jɛ nyɛ asafo lɛ mli, aloo atsɔɔ shiɛmɔ wiemɔi ni abaanyɛ akɛtsu nii yɛ shiɛmɔ mli otsii nɛɛ.
15 min: “Obii lɛ Ahebuu Kɛmiijɛ La kɛ Nitsumɔ yɛ Gbɛ Fɔŋ nɔ He.” Sanebimɔ-kɛ-hetoo ni akɛaatsu kukuji 12-28 he nii. Agbala jwɛŋmɔ kɛya sanebimɔi ni yɔɔ kukuji 12 kɛ 20 mli lɛ ahetoo nɔ. Ama nɔ mi akɛ, bei pii lɛ, ni fɔlɔi aaatsɔ hiɛ mra ni amɛto tsofafeemɔ he gbɛjianɔ amɛha amɛbii lɛ ji nɔ titri ni haa amɛyeɔ omanye yɛ amɛhe ni amɛtsiɔ kɛjɛɔ la hamɔ mli lɛ he.
15 min: “Gbɔmɔ ni Fe Mɔ Fɛɛ Mɔ ni Shi Pɛŋ Wolo lɛ Kasemɔ.” Sanebimɔi kɛ hetooi. Awo nikasemɔ ni baaje shishi yɛ wolo nɛɛ mli kɛjɛ November 30 otsi lɛ mli kɛyaa lɛ he hewalɛ.
15 min: Asafo lɛ Nitsumɔ Mlitii. Akɛ yibɔi ni yɔɔ Congregation’s Analysis Report (S-10) lɛ hiɛ gbɛ, ni akɛmaje Asafo lɛ yɛ September shishijee mli lɛ baatsu nii, ni onukpai asɛinɔtalɔ lɛ kɛ sɔɔmɔ nɔkwɛlɔ lɛ baati asafo lɛ nitsumɔ kɛha afi ni ho lɛ mli otii amli. Akɛ miishɛɛ ajie shiɛlɔi lɛ kɛ gbɛgbalɔi lɛ ayi yɛ amɛ he-kɛ-afɔleshaa ni amɛkɛbɔ mɔdɛŋ yɛ sɔɔmɔ lɛ mli kɛ amɛnɔkwayeli hu yɛ kpeeibaa mli lɛ he. Aje agbɛ atsi hei ni amɛbɔ mɔdɛŋ waa yɛ lɛ ata. Abaanyɛ akɛ afii ni eho lɛ amli akɔntaabui ato he akwɛ kɛji nyɛyɛ eko yɛ nyɛwɔji amli. Agbɛnɛ hu, atsɔɔ hei ni abaanyɛ aya hiɛ yɛ, yɛ 1993 sɔɔmɔ afi lɛ mli
Lala 43 kɛ naagbee sɔlemɔ.
Otsi ni Jeɔ Shishi October 26
10 min: Asafoŋ adafitswai. Teokrase lɛ He Saji Atswa woji tɛtrɛbii ni yɔɔ ni abaanyɛ akɛtsu nii yɛ shiɛmɔ mli lɛ he adafi, ni atsɔɔ shiɛmɔ wiemɔ kome loo enyɔ ni abaana he miishɛɛ yɛ nyɛshikpɔŋkuku lɛ mli. Akɛ Ŋmalɛ mli wiemɔ kuku ko afee bɔ ni abaanyɛ akɛ woji tɛtrɛbii heei lɛ aha he nɔkwɛmɔ nɔ, tamɔ nɔ ni atsɔɔ yɛ sane ni yɔɔ naagbee baafa lɛ ŋwɛigbɛ lɛ mli ekome. Akai nyɛmimɛi lɛ ni mɔ fɛɛ mɔ kɛ Gbɔmɔ ni Fe Fɛɛ wolo lɛ aba Sɔɔmɔ kpee wɔsɛɛ otsi.
15 min: “Nyɛhiɛa Ekomefeemɔ Mli Akɛ Kristofoi ni kɛ Amɛhe Wooo Maŋ Saji Amli.” Onukpa ko ni yɔɔ niiashikpamɔ kɛ sanebimɔ kɛ hetoo baasusu sane lɛ he. Ama bɔ ni ehe hiaa ni ahiɛ jeŋba kpakpa mli ni akɛ he awo shiɛmɔ nitsumɔ lɛ mli kwraa kɛ ekaa lɛ nɔ mi. Aye abua nyɛmimɛi lɛ ni amɛna bɔ ni ehe hiaa ni amɛha saji ni kɔɔ maŋ saji ni wɔkɛ wɔhe wooo mli lɛ he lɛ hetoo yɛ ŋaa mli.
15 min: Okɛ Woji Tɛtrɛbii Atsu Nii yɛ November Mli. Wiemɔ kuku ni maa sɛɛnamɔ ni yɔɔ Awake! kɛ Buu-Mɔɔ he lɛ nɔ mi. Esa akɛ shiɛlɔi akane ehee ni baa lɛ Oya koni amɛnyɛ amɛkɛ ekaa awie kɛji amɛmii jie yi amɛha mɛi krokomɛi. Abaanyɛ akɛ hegbɛ aha ni ashɛ beni atee jɛmɛ klɛŋklɛŋ kɛji esa. Yɛ shihilɛi komɛi amli lɛ, ebaahi akɛ aaaha mɔ lɛ ashɛ yɛ be kroko mli. Afee bɔ ni shiɛlɔ kɛ wolo tɛtrɛɛ lɛ haa, ni etoɔ gbɛjianɔ koni ekɛ nɔ ni nyiɛ sɛɛ lɛ hu aba, koni etsɔ nakai feemɔ nɔ ekɛna mɛi ni heɔ woji tɛtrɛbii lɛ daa lɛ he nɔkwɛmɔ nɔ.
Lala 48 kɛ naagbee sɔlemɔ.