La Hiɛlɔi yɛ Akutso Iɛ Mli

¹ Amrɔ nɛɛ ni wɔtee “La Hiɛlɔi” Kpokpaa Wulu nɔ kpee lɛ wɔba nɛɛ, agbɛnɛ wɔbale bɔ ni ehe hiaa ni wɔfee la hiɛlɔi wɔha wɔkuuŋbii lɛ waa diɛŋtsɛ. (Mat. 5:14) Beni wɔsusuɔ wiemɔi fɛɛ ni aha yɛ gbɛjianɔtoo lɛ mli lɛ he ni wɔbɔɔ mɔdɛŋ ni wɔkɛtsu nii yɛ wɔ daa gbi shihilɛ mli lɛ, eyeɔ ebuaa wɔ ni wɔbɛŋkɛ Yehowa yɛ anɔkwa jamɔ mli, koni wɔye wɔbua mɛi krokomɛi hu ni amɛle Yehowa shiwooi ahe nii.

² Hegbɛi ni wɔyɔɔ akɛ la hiɛlɔi lɛ bafa babaoo beni ajie dɛhiɛmɔ wolo hee ni yitso ji Ani Je Nɛɛ Baaya nɔ Ahi Shi? lɛ kpo yɛ Sohaa leebi kpee lɛ naagbee Iɛ. Nɔkwɛmɔ nii ni afee Hɔɔ leebi lɛ ye ebua waa ni etsɔɔ bɔ ni aaafee akɛ dɛhiɛmɔ wolo nɛɛ atsu nii. Ajie dɛhiɛmɔ woji krokomɛi etɛ hu kpo. Nomɛi ji Miishɛjemɔ Kɛha Mɛi ni Ehao Lɛ, Na Weku Shihilɛ Mli Ŋɔɔmɔ, kɛ Namɔ Diɛŋtsɛ Yeɔ Je Iɛ Nɔ? Awo wɔ hewalɛ akɛ wɔhiɛ nɛkɛ dɛŋdadei ni kɛ nitsumɔ waaa nɛɛ be fɛɛ be, ni kɛ hegbɛ ba lɛ wɔkɛtsu nii.

³ Beni aha wiemɔi ni yitso ji “Kpɔmɔ yɛ Yesu Kristo Kpojiemɔ Belɛ Mli” lɛ agbɛ naa Hɔɔ shwane Iɛ, ajie wolo bibioo hee fɛfɛo ko kpo, ni eyitso ji Ani Nyɔŋmɔ Susuɔ Wɔhe Lɛlɛŋ? Nɛkɛ wolo bibioo kɛ emli mfonirii fɛfɛji ni hiɛ sui sɔrɔtoi nɛɛ baaha saji ni mɛi pii biɔ lɛ ahetoo, tamɔ akɛ: Mɛni hewɔ ni Nyɔŋmɔ eŋmɛ amanehulu gbɛ lɛ? Ani amanehulu baaba naagbee gbi ko kɛ? Te wɔfeɔ tɛŋŋ wɔleɔ akɛ wɔyɛ naagbee gbii amli lɛ? Mɛɛ gbɛ nɔ aaatsɔ atsake shikpɔŋ lɛ ni afee lɛ paradeiso? Mɛɛ gbɛ nɔ wɔɔtsɔ wɔna n aanɔ wala yɛ Nyɔŋmɔ jeŋ hee lɛ mli? Nɛkɛ wolo bibioo nɛɛ baafee dɛŋdade ni hi jogbaŋŋ kɛha nikasemɔi heei ashishijee

⁴ Kwɛ bɔ ni wɔdaa shi wɔhaa yɛ mumɔŋ niyenii babaoo ni wɔnine shɛ nɔ yɛ “La Hiɛlɔi” Kpokpaa Wulu nɔ kpee lɛ shishi lɛ he! Akɛ Nyɔŋmɔ mumɔŋ la lɛ hiɛlɔi lɛ, eba akɛ wɔɔtswa wɔfai shi akɛ wɔɔjie wɔtsuiŋ hiɛsɔɔ ni wɔna lɛ kpo faŋŋ wɔtsɔɔ kɛtsɔ henilee kpakpa mli ni wɔɔjɛ wɔkɛ nɔ ni wɔkase lɛ atsu nii, ni wɔkɛ nɛkɛ woji heei fɛfɛji ni ajie amɛ kpo nɛɛ atsu nii ni wɔkɛye wɔbua gbɔmɛi ni yɔɔ he fɛɛ he ni amɛle ji Yehowa ni amɛsɔmɔ lɛlɛ nɔ.