Shiɛmɔ Nyɔŋmɔ Gbɛ Ni Yaa Toiŋjɔlɛ Kɛ Shweshweeshwe Shihilɛ Mli Lɛ
1 Gbɔmɛi kɛ toiŋjɔlɛ kɛ shweshweeshwe shihilɛ he yiŋsusumɔi babaoo eba, shi enɛɛmɛi ateŋ eko kwraa be ni haa gbɔmɛi ni yɔɔ jeŋ fɛɛ lɛ anine sheɔ amɛhiamɔ nii diɛŋtsɛ nɔ. Eyɛ mli akɛ etamɔ nɔ ni Nyɔŋmɔ jamɔ, hewolonɔ sui amli jiemɔ, maŋ ni mɔ ko jɛ mli lɛ he hetsɛ, kɛ maŋkwramɔŋ hiɛnyam taomɔ kɛ hiɛjoomɔ efee tamɔ gbɛtsii nii titrii kɛha jeŋ shweshweeshwe shihilɛ kɛ toiŋjɔlɛ moŋ, shi anɔkwa Kristofoi le akɛ gbɛtsii nii lɛ diɛŋtsɛ ji Satan Abonsam kɛ bɔ ni gbɔmɔ kpooɔ akɛ eeeba ehe shi eha Yehowa Nyɔŋmɔ lɛ—Lala 127:1; Yer. 8:9; 1 Yoh. 5:19.
2 Yɛ February mli lɛ, wɔbaabɔ mɔdɛŋ ni wɔye wɔbua wɔ akutseiaŋ bii lɛ ni amɛna akɛ Nyɔŋmɔ gbɛ ni kɛ mɔ yaa toiŋjɔlɛ kɛ shweshweeshwe shihilɛ mli lɛ ji gbɛ kome pɛ ni yɔɔ, ni akɛ Yehowa ji mɔ ni yɔɔ tsabaa kome pɛ kɛha adesai anaagbai fɛɛ.
3 Okɛ Dɛhiɛmɔ Woji Heei lɛ Atsu Nii: Wɔbaanyɛ wɔkɛ shɛɛ sane ni tswaa mɔ maa shi nɛɛ aha kɛtsɔ dɛhiɛmɔ woji heei ni ajie lɛ kpo yɛ “La Hiɛlɔi” Kpokpaa Wulu nɔ kpeei lɛ ashishi lɛ kɛ nitsumɔ nɔ. Nɔkwɛmɔ nɔ kuku ko tsɔɔ bɔ ni akɛ Dɛhiɛmɔ Wolo (Tract No. 19) , Ani je nɛɛ baaya nɔ ahi shi? lɛ baatsu nii aha, koni akɛje sanegbaa ni kɛ mɔ yaa Biblia kasemɔ mli lɛ shishi. Esa akɛ bɔ ni Yesu gbalɛ ni kɔɔ je nɛɛ naagbee he lɛ eba mli eha lɛ ahɛle mɔ fɛɛ mɔ shi.
4 Gbɔmɛi akpekpei abɔ ehao waa ŋmɛnɛ, ni amɛmiishwɛ tsamɔ kɛ anɔkwa toiŋjɔlɛ, shweshweeshwe shihilɛ kɛ hejɔlɛ. Miishɛjemɔ Kɛha Mɛi ni Ehao Lɛ? (Tract No. 20) baanyɛ afee hewalɛwoo jɛɛhe diɛŋtsɛ aha amɛ.
5 Tract No. 21. Na Weku Shihilɛ Mli Ŋɔɔmɔ, kɛ ŋaawoo ni anyɛɔ atsuɔ he nii haa, yɛ bɔ ni aaafee ni aha weku shihilɛ aya hiɛ bianɛ po yɛ be mli ni wɔmɛɔ wɔsɛɛ be ni yɔɔ naakpɛɛ yɛ Nyɔŋmɔ jeŋ hee lɛ mli lɛ he.
6 Tract No. 22 kɛ hetoo ni yɔɔ tee haa sanebimɔ, Namɔ Diɛŋtsɛ Yeɔ Je lɛ Nɔ? lɛ. Etsɔɔ nɔ hewɔ ni adesai kɛ yiwalɛ gbɛi atsu nii ni amɛkɛfee amɛhe niseniianii ni amɛkɛgbe amɛhe yɛ bɔ ni mɛi ni fa ji mɛi ni sumɔɔ toiŋjɔlɛ kɛ shihilɛ ni yɔɔ shweshweeshwe lɛ fɛɛ sɛɛ lɛ mli. Mumɔi fɔji ni yi wa yɛ ŋwɛiniiaŋ, ni Satan shishiumɔ kɛ ŋaatsɔɔ gbɛ ni fe fɛɛ ji ni elaka mɛi pii ni amɛhe amɛye akɛ lɛ kɛ edaimonioi lɛ be shihilɛ mli kwraa po.
7 Jee Biblia Mli Nikasemɔi Ashishi: Abaanya aje Biblia kasemɔ shishi yɛ dɛhiɛmɔ wolo bibioo, brochure, wolo tɛtrɛɛ loo wolo wulu mli. Kɛji ona ole akɛ shiatsɛ ko yɛ wɔwoji lɛ eko momo lɛ, okɛ ŋaa akɛɛ lɛ akɛ obaasumɔ ni ofee bɔ ni akɛkaseɔ Biblia lɛ ahaa lɛ he nɔkwɛmɔ nɔ otsɔɔ lɛ. Dɛhiɛmɔ woji lɛ: kɛ brochure hee, Ani Nyɔŋmɔ Susuɔ Wɔhe Lɛlɛŋ? lɛ ji dɛŋdadei ni nɔ be ni wɔkɛbaatsu nii ni wɔkɛje Biblia mli nikasemɔi ashishi. Kɛfata he lɛ, abaanyɛ akɛ woji fɛɛ ni Asafo lɛ fee yɛ 1983 loo dani be nɛɛ shɛ lɛ atsu nii yɛ shiɛmɔ mli. Kɛ nyɛ asafo lɛ yɛ Family Life, “Kingdom Come,” Anɔkwale wolo lɛ loo Youth woji lɛ eko lɛ, nyɛtoa gbɛjianɔ jogbaŋŋ ni nyɛkatsua nii yɛ sɔɔmɔ lɛ mli.
8 Shweshweeshwe shihilɛ diɛŋtsɛ lɛ baanyɛ aba kɛjɛ Bɔlɔ, ni ji Yehowa Nyɔŋmɔ pɛ ŋɔɔ. Wɔmiisumɔ ni wɔye wɔbua gbɔmɛi babaoo diɛŋtsɛ ni wɔɔnyɛ koni amɛgbele amɛtsuii kɛ amɛjwɛŋmɔi amli amɛba Nyɔŋmɔ Wiemɔ lɛ mli anɔkwale lɛ koni amɛmɔ hiɛnɔkamɔ ni ekɛhaa wɔ Iɛ mli. Eba akɛ wɔkɛ woji ni yeɔ buaa nitsɔɔmɔ ni wɔyɔɔ lɛ aaatsu nii jogbaŋŋ koni wɔkɛshiɛ Nyɔŋmɔ gbɛ ni kɛ mɔ yaa toiŋjɔlɛ kɛ shweshweeshwe shihilɛ mli Iɛ.—Yes. 2:3. 4.