Jiemɔ Mɛi Ni Yɔɔ Wiemɔ Lɛ He Miishɛɛ Lɛ Ahe Susumɔ Kpo
1 Yehowa efee mɔ ni susuɔ mɛi krokomɛi ahe babaoo lɛ mɛi fɛɛ. Jeee akɛ ekɛ heloo naa nibii babaoo eha kɛkɛ, shi ekɛ mumɔŋ nibii ni he hiaa ni wɔnaa mli ŋɔɔmɔ lɛ hu eha wɔ. Esusuɔ wɔhe aahu akɛ eshɛɔ be ni epɛiɔ nɔ ni yɔɔ wɔtsuii amli po mli.—Lala 139:23.
2 Beni Yesu yɔɔ shikpɔŋ nɔ lɛ, enyiɛ e-Tsɛ lɛ nɔkwɛmɔ nɔ yɛ mɛi krokomɛi ahesusumɔ mli lɛ sɛɛ yɛ emuuyeli mli. Kaimɔ nuu ni kɛɛ Yesu akɛ, “Nuŋtsɔ, kɛji oosumɔ lɛ, ooonyɛ oha mihe atse!” lɛ. Yesu here nɔ akɛ, “Miisumɔ, ohe atse.” (Mat. 8:1-3) Beni Yesu na yoo okulafo ko ni miiye awerɛho lɛ, mɛni efee? Ewa koni eye ebua lɛ. (Luka 7:11-15) Ani ooonyɛ oha ohiɛ ahi ohe nɔ koni osusu mɛi ni yɔɔ wiemɔ lɛ he miishɛɛ lɛ ahe babaoo?
3 Ye wɔ-Tsɛ, Yehowa. kɛ e-Bi, Kristo Yesu kasemɔ mli lɛ, esa akɛ wɔ hu wɔtsɔɔ akɛ wɔyɛ mɛi krokomɛi ahe miishɛɛ. Wɔfeɔ enɛ kɛtsɔɔ shia kɛ shia kadimɔ wolo kpakpa ni wɔhiɛɔ lɛ nɔ. Nɔ ni kɔɔ enɛ he ji shiatsɛ lɛ gbɛi kɛ edrɛs kɛ sane ni awie he beni atee mɔ lɛ ŋɔɔ klɛŋklɛŋ kwraa lɛ ni aaaŋmala fɛɛ pɛpɛɛpɛ yɛ nɔ. Agbɛnɛ saamɔ ohe ojogbaŋŋ dani oku osɛɛ oyasara lɛ. Kɛ wɔshi woji tɛtrɛbii lɛ ekomɛi wɔha lɛ lɛ, ekolɛ wɔ sɛɛsaramɔ lɛ baanyɛ akɔ sane ko ni jeɔ kpo yɛ emli saji lɛ ekome mli lɛ he. Kadimɔ bɔ ni aaanyɛ afee enɛ aha.
4 Kɛ oshi October 1, 1992, Buu-Mɔɔ lɛ, ni ogbala jwɛŋmɔ kɛtee “Ani Mesia ko He Miihia Adesai Lɛlɛŋ?” lɛ nɔ lɛ, belɛ obaanyɛ osaa ohe koni otsɔɔ Kpojiemɔ 21:4 kɛ Yohane 17:3 mli yɛ osɛɛsaramɔ lɛ mli.
Akɛ nɔkwɛmɔ nɔ lɛ, beni okane Kpojiemɔ 21:4 agbɛnaa Iɛ obaanyɛ obi akɛ:
◼ “Te wɔɔfee tɛŋŋ wɔfee jeŋ ni tamɔ nɛkɛ lɛ fa? [Ha ni eha hetoo.] Bo nɔ ni Mesia lɛ kɛɛ akɛ ehe miihia dani ana wala yɛ Jeŋ ni tamɔ nakai mli lɛ toi.” Agbɛnɛ kanemɔ Yohane 17:3 ni oma nɔ mi akɛ abaanyɛ ana naanɔ wala yɛ toiŋjɔlɛ jeŋ hee ko mli lɛ kɛtsɔ Nyɔŋmɔ kɛ Kristo he nilee ni aaana nɔ. Kɛ eyɛ he miishɛɛ lɛ, bɔɔ mɔdɛŋ ni oje nikasemɔ shishi yɛ dɛhiɛmɔ wolo., Shihilɛ yɛ Toiŋjɔlɛ Jeŋ Hee ko Mli lɛ mli.
5 Agbɛnɛ abaanyɛ ahere sane lɛ nɔ jogbaŋŋ kɛtsɔ October 8, 1992. Awake! lɛ mli sane ni kɔɔ ‘Obaanyɛ Oye Henumɔi ni Ejaaa lɛ Anɔ Kunim’ he lɛ ni ooohala sane titri ko kɛjɛ mli lɛ nɔ. Kɛ oofee sɛɛsaramɔ lɛ, obaanyɛ ni okɛ osane lɛ adamɔ Filipibii 4:6, 7 nɔ.
Obaanyɛ obi akɛ:
◼ “Mɛni oheɔ oyeɔ akɛ no ji henumɔi ni ejaaa ni aaaye nɔ kunim lɛ naa tsabaa ŋmɛnɛ?” Kpɛlɛmɔ nɔ ni ebaakɛɛ lɛ nɔ koni oya nɔ okɛɛ akɛ: “Nɔ ni yɔɔ miishɛɛ ji akɛ, Biblia lɛ tsɔɔ shishitoo mlai ni kɛ akɛtsu nii lɛ, ekɛ jwɛŋmɔŋ kɛ tsuiŋ toiŋjɔlɛ baa. [Gbalamɔ ejwɛŋmɔ kɛya saji otii ni sa ni yɔɔ Filipibii 4:6, 7 lɛ nɔ.] Biblia Iɛ tsɔɔ be ko ni mɛi fɛɛ baahi shi yɛ Biblia shishitoo mlai anaa ni shihilɛi komɛi baŋ ni eeeha ana henumɔi ni ejaaa.” Agbɛnɛ maa wɔsɛɛ be mli jɔɔmɔi krokomɛi anɔ mi kɛtsɔ dɛhiɛmɔ wolo, Shihilɛ yɛ Toiŋjɔlɛ Jeŋ Hee ko Mli lɛ hesusumɔ nɔ, ni okɛje nikasemɔ shishi. Obaanyɛ ni okɛ September woji tɛtrɛbii lɛ atsu nii kɛ nyɛbɛ October nɔ lɛ eko.
6 Shi kɛ shiatsɛ lɛ yɛ wɔwoji lɛ eko momo lɛ, no hu? Mɛni hewɔ okɛtsuuu nii koni okɛje nikasemɔ shishi? Kɛji Obaanyɛ Ohi Shi Kɛha Naanɔ wolo lɛ, gbelemɔ he ni ato emli saji lɛ anaa yɛ lɛ ni obi shiatsɛ lɛ koni ehala sane ni ebaasumɔ ni nyɛsusu he. Kɛkɛ lɛ obaanyɛ oje nikasemɔ shishi kɛtsɔ kuku kome loo kukuji enyɔ ni nyɛaakase lɛ nɔ.
7 Kɛ wɔjie mɛi ni yɔɔ wiemɔ lɛ he miishɛɛ lɛ ahesusumɔ kpo kɛtsɔ wɔ hesaamɔ jogbaŋŋ nɔ ni wɔfee sɛɛsaramɔi ni mɔɔ shi lɛ, belɛ wɔmiitsɔɔ akɛ wɔji Nyɔŋmɔ kɛ Kristo kaselɔi, ni wɔmiisumɔ ni ahere mɛi pii ayiwala.—2 Pet. 3:9.