Obaanyɛ Ohi Shi Wolo Iɛ kɛ Nitsumɔ yɛ Sɛɛsaramɔi Amli
1 Bɔfo Paulo le bɔ ni ehe hiaa ni akɛ hiɛdɔɔ atsu mɛi ni naa anɔkwale lɛ he miishɛɛ lɛ ahe nii. Ekɛ amɛ to dumɔnii ni he waaa, ni ebi ni ashwa nɔ nu ni ahu he be fɛɛ be lɛ he. (1 Kor. 3:6-9) Nakai nɔŋŋ ŋmɛnɛ, kwɛmɔ kpakpa he miihia mɛi ni yɔɔ wiemɔ lɛ he miishɛɛ lɛ yɛ be mli ni wɔyasaraa amɛ koni wɔkwɛ koni amɛya hiɛ yɛ mumɔŋ lɛ.
2 Ehi akɛ wɔɔha ahi wɔjwɛŋmɔ mli akɛ ehe baahia ni wɔkai mɛi ni wɔyasaraa amɛ lɛ koni amɛkai saji ni wɔkɛ amɛ egba he sane kɛtsɔ hiɛ lɛ. No hewɔ lɛ, eeefee nɔ ni sɛɛnamɔ yɔɔ he akɛ kɛ otee sɛɛsaramɔ ko nɔ lɛ, oti nɔ ni nyɛsusu he lɛ mli kuku, ni omamɔ otii ni shiatsɛ lɛ nya he waa lɛ anɔ mi. Gbalamɔ shiatsɛ lɛ owo sanegbaa lɛ mli ni oyoo nibii ni enyaa he ni he hiaa lɛ lɛ.
3 Kɛ oofee sɛɛsaramɔ ni ahe “Obaanyɛ Ohi Shi” wolo lɛ loo aheee hu Iɛ, obaanyɛ okɛ gbɛ ni yɔɔ tɛɛ nɛɛ atsu nii ni okɛje nikasemɔ shishi:
◼ “Mɛi ni wɔkɛ amɛ wieɔ lɛ ateŋ mɛi pii etsɔ wolo nɛɛ nɔ amɛna Biblia mli hetooi amɛha amɛ sanebimɔi.’ Agbɛnɛ kɛ ogbele he ni ato Obaanyɛ Ohi Shi wolo lɛ mli saji lɛ anaa yɛ lɛ, obaanyɛ obi lɛ akɛ: “Saji nɛɛ amli te nɔ ni osumɔɔ jogbaŋŋ lɛ?” Gbelemɔ yitso ni enyaa he lɛ ni otsɔɔ shiatsɛ lɛ bɔ ni ato kukuji lɛ anaa aha kɛ sanebimɔi ni yɔɔ baafai lɛ ashishi ni akɛkaseɔ koni enu saji otii ni yɔɔ kukuji lɛ amli lɛ shishi lɛ. Tsu saji otii fioo he nii ni oto gbɛjianɔ jogbaŋŋ koni oku osɛɛ oyasara lɛ.
4 Gbɛ kroko hu nɛ:
◼ “Minya sane ni wɔgba nyɛsɛɛ otsi lɛ he waa. Mɛi pii biɔ nɔ hewɔ ni wɔyaa nɔ wɔbaa amɛshiai amli lɛ ahe sane. Misusuɔ akɛ obaanya nɔ ni awie yɛ Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ wolo nɛɛ baafa 29 lɛ he. [Kanemɔ kuku 11.] Yɛ nɔ ni wɔkane yɛ biɛ nɛɛ hewɔ lɛ, mɛni obaanyɛ okɛɛ akɛ ataoɔ kɛ wɔjamɔ aaafee nɔ ni sa Nyɔŋmɔ hiɛ? [Ŋmɛɛ gbɛ ni shiatsɛ lɛ aha hetoo ni ojie eyi.] Mɛi hi Yesu gbii lɛ amli ni susu akɛ amɛjamɔ lɛ saa Nyɔŋmɔ hiɛ. Kadimɔ nɔ ni awie yɛ amɛhe yɛ nɛkɛ yitso nɛɛ kuku 2. Kanemɔ ni owie saji lɛ ahe.
5 Kɛ ooya oyadi sɛɛsaramɔ ni okɛ “Obaanyɛ Ohi Shi” wolo lɛ eha sɛɛ lɛ, obaanyɛ okɛɛ akɛ:
◼ “Wɔsusu jeŋ shihilɛi ni sa tsakemɔ he beni miba biɛ nyɛsɛɛ lɛ. Ani osusu nɔ hewɔ ni Nyɔŋmɔ ŋmɛɔ efɔŋ feemɔ gbɛ lɛ he?” Ŋmɛɛ lɛ gbɛ ni ewie ni egbele baafa 99, kuku 2, ni ekadi sanebimɔi lɛ. Nyɛkanea ni nyɛsusua kuku nɛɛ he, ni nyɛkanea ŋmalɛi lɛ. Obaanyɛ ni okɛ nɔ ko afata sanegbaa lɛ he kɛtsɔ mfonirii ni yɔɔ wolo lɛ mli ni ohala lɛ anɔ, tamɔ baafai 78, 84-5, 119, 147, 149-53, kɛ 156-8.
6 He ni Ashi Dɛhiɛmɔ Wolo Yɛ: Ya bei komɛi amli lɛ ashiɔ dɛhiɛmɔ wolo beni atee jɛmɛ klɛŋklɛŋ kwraa. Kɛ oofee sɛɛsaramɔi lɛ, obaanyɛ ni okɛ mɔ lɛ asusu dɛhiɛmɔ wolo lɛ kuku kome loo enyɔ ko kɛ ŋmalɛi ni atsɛ lɛ hu he. Kɛkɛ lɛ tsɔɔmɔ bɔ ni atsɔɔ ŋmalɛ ni atsɛ yɛ dɛhiɛmɔ wolo lɛ mli lɛ mli fitsofitso yɛ Obaanyɛ Ohi shi wolo lɛ mli. Kɛ mɔ lɛ na he miishɛɛ lɛ, obaanyɛ ni okɛ Obaanyɛ Ohi Shi wolo lɛ aha lɛ ni oto gbɛjianɔ ni nyɛbatsa sanegbaa lɛ nɔ yɛ osɛɛkuu mli.
7 Yɛ be mli ni wɔkwɛɔ Kristofoi ahemɔkɛyeli lɛ amli dumɔnii ni he waaa ni yɔɔ wɔdɛŋ lɛ anɔ nushwamɔ nɔ jogbaŋŋ lɛ, Nyɔŋmɔ baaha eda kɛha lɛ diɛŋtsɛ eyijiemɔ kɛ ehiɛnyamwoo.—1 Kor. 3: 7.