Sɔɔmɔ Kpeei Kɛha November
Otsi ni Jeɔ Shishi November 2
10 min: Asafoŋ adafitswai, adafitswai ni ahala kɛjɛ Wɔ Maŋtsɛyeli Sɔɔmɔ lɛ mli, kɛ Teokrase lɛ He Saji otii. Ati saji otii ni jɛ woji tɛtrɛbii heei lɛ amli lɛ mli: afee nɔkwɛmɔ nɔ kome loo enyɔ ni tsɔɔ gbɛ ni abaatsɔ nɔ akɛha beni akɛ mɔ lɛ esusu Ŋmalɛ mii sane ko he lɛ sɛɛ. Awo mɔ fɛɛ mɔ hewalɛ ni akɛ he awo gbɛgbalɔi awamɔ sɔɔmɔ mli yɛ November loo December koni amɛkɛlɛɛ amɛ diɛŋtsɛ amɛsɔɔmɔ nitsumɔ lɛ mli.
15 min: “Okɛ Woji Tɛtrɛbii Atsu Nii Jogbaŋŋ.” Sanebimɔi kɛ hetooi. Ama bɔ ni ehe hiaa akɛ aaabɔ mɔdɛŋ diɛŋtsɛ ni akɛ eshɛɛ lɛ atsɔɔ lɛ nɔ mi. Kɛ aasusu kuku 6 he lɛ, akɛ ŋaawoo ni tsɔɔ bɔ ni aaafee ana mɛi ni heɔ woji tɛtrɛbii lɛ daa aha: Atsɔ gbɛ kuku ni yaa tɛɛ nɔ; ena shia kɛ shia kadimɔ wolo kpakpa akanya miishɛɛ yɛ ekrokomɛi ni baaba yɛ sɛɛ mli lɛ ahe kɛtsɔ saji ni baa lɛ ata ni eeetsi Iɛ nɔ; etee sanebimɔi ni nɔ ni baa lɛ haa hetoo lɛ ashi; bɔɔ mɔdɛŋ ni okɛ ehee ayaha lɛ daa.—11/84 kmGA bf. 8
20 min: Asafo Woloŋ Nikasemɔ lɛ Nɔkwɛmɔ yɛ Gbɔmɔ Ni Fe Fɛɛ wolo lɛ mli. Asafo Woloŋ Nikasemɔ nɔkwɛlɔ lɛ kɛ shiɛlɔi akuu ko ni feɔ mɛi ejwɛ loo enumɔ miifee nɔkwɛmɔ nɔ atsɔɔ asafo lɛ yɛ gbɛ ni abaatsɔ nɔ afee nikasemɔ lɛ. Esa akɛ ati nɔkwɛmɔ nɔ nɛɛ mli afee lɛ shii abɔ ni akɛsaa he koni afee lɛ taakɛ atsɔɔ yɛ Wɔ Maŋtsɛyeli Sɔɔmɔ kɛha October lɛ mli lɛ. Akɛ Gbɔmɔ Ni Fe Fɛɛ wolo lɛ yitso 11 afee enɛ. Afee bɔ ni abaajara ŋmalɛi ni kɛlɛ lɛ amli koni mɛi fe mɔ kome akane oloo ni ama emli saji otii lɛ anɔ mi kɛ be bɛ ni aaakane fɛɛ lɛ he nɔkwɛmɔ nɔ. Nikasemɔ nɔkwɛlɔ lɛ kɛ emlitsɔɔmɔi kukuji baaha toibolɔi lɛ koni akɛtsɔɔ gbɛ ni atsɔɔ nɔ afeɔ lɛ lɛ mli. Esa akɛ toibolɔi lɛ fɛɛ anyiɛ sɛɛ yɛ amɛ diɛŋtsɛ amɛwoji amli.
Lala 63 kɛ naagbee sɔlemɔ.
Otsi ni Jeɔ Shishi November 9
10 min: Asafoŋ adafitswai. Akane daa nyɔŋ nɔ shika akɔntaabuu; adamɔ 2 Korintobii 9:6,7 nɔ ajie aaato lɛ yi. Afɔ nine atsɛ shiɛlɔi ni amɛtsɔ hiɛ amɛsaa amɛhe ni amɛgba woji tɛtrɛbii kɛhamɔ kɛ amɛshɛɛ he niiashikpamɔi ni amɛna yɛ November mli.
15 min: “Taomɔ Hiɛkpamɔ Wiemɔ ni Kanyaa Mɔ.” Aha wiemɔ ni tsɔɔ bɔ ni akɛ October woji tɛtrɛbii lɛ amli saji otii lɛ saa he koni akɛna shiɛmɔ wiemɔ. Ato gbɛjianɔ koni nyɛmimɛi enyɔ loo etɛ ni he esa afee shiɛmɔ wiemɔ ni awo ŋaa yɛ he lɛ he nɔkwɛmɔ nɔ; akɛ ekome ni jɛ shiɛlɔ ni ji gbekɛ ŋɔɔ afata he.
20 min: “Jiemɔ Mɛi ni Yɔɔ Wiemɔ lɛ He Miishɛɛ lɛ Ahe Susumɔ Kpo.” Akɛ toibolɔi asusu he. Kɛ aasusu kuku 2 he lɛ, atsi saji otii ni ahala kɛjɛ July 1, 1981 Watchtower lɛ mli yɛ baafai 4-6, ni tsɔɔ bɔ ni wɔɔnyɛ wɔkase Yesu yɛ mɛi krokomɛi ahesusumɔ mli lɛ ta. Akɛ wiemɔi ni tsɔɔ bɔ ni aŋmalaa shia kɛ shia kadimɔ wolo lɛ nɔ ahaa kɛ bɔ ni esa akɛ akɛtsu nii ni akɛdi mɛi ni yɔɔ wiemɔ lɛ he miishɛɛ lɛ asɛɛ lɛ afata he. Afee ŋaawoi lɛ ekome he nɔkwɛmɔ nɔ kuku. Beni aha shiɛlɔ ko ni he esa efee enɛ he nɔkwɛmɔ nɔ sɛɛ lɛ, afɔ nine atsɛ toibolɔi ni amɛtsɔɔ nɔ hewɔ ni ebaanyɛ efee gbɛ ni mɔɔ shi jogbaŋŋ ni aaatsɔ nɔ aje nikasemɔi ashishi yɛ shikpɔŋkuku lɛ mli.
Lala 88 kɛ naagbee sɔlemɔ.
Otsi ni Jeɔ Shishi November 16
Lala 164
5 min: Asafoŋ adafitswai. Atsɔɔ gbɛ ni atsɔɔ nɔ aŋmalaa woji ni akɛshɛɔ woji tɛtrɛbii lɛ anɔ ahaa lɛ mli kuku, ni aha ale nyɛmi loo nyɛmimɛi ni akɛbaaha amɛ kɛ ashe eko lɛ.
20 min: “Ye Obua Gbekɛbii ni Amɛsɔmɔ Yehowa Kɛje Tsui Mli.” Akɛ toibolɔi baasusu enɛ he. Ama bɔ ni ehe hiaa ni fɔlɔi atsu amɛgbɛnaa nii akɛ amɛto okadi kpakpa ni amɛtsɔse amɛbii amɛ diɛŋtsɛ yɛ sɔɔmɔ nitsumɔ lɛ mli lɛ nɔ mi. Afɔ nine atsɛ fɔlɔ kome loo mɛi enyɔ ni amɛtsɔɔ nɔ ni amɛfee ni ha amɛye omanye. Aha fɔlɔ ko afee nɔkwɛmɔ nɔ ni tsɔɔ bɔ ni eye ebua ebi koni esaa Biblia mli shiɛmɔ wiemɔ ko ni ekɛbaatsu nii yɛ shia kɛ shia sɔɔmɔ lɛ mli. Aba naagbee kɛ gbekɛ ko ni kɛ ŋaawoi ni akɛha lɛ eko miifee nɔkwɛmɔ nɔ.
20 min: “1992 ‘La Hiɛlɔi’ Kpokpaa Wulu nɔ kpee”—Fa 1. Akɛ toibolɔi baasusu kukuji 1-14 he. Shiɛlɔi baasumɔ ni amɛkɛ amɛ Biblia kaselɔi ni baaya kpee lɛ asusu emli saji otii ni sa lɛ ahe.
Lala 221 kɛ naagbee sɔlemɔ.
Otsi ni Jeɔ Shishi November 23
10 min: Asafoŋ adafitswai. Awo hewalɛ ni mɔ fɛɛ mɔ asusu gbɛgbalɔi awamɔ ni eeenyɛ ekɛ ehe awo mli yɛ December loo January mli beni gbɛhamɔ be haa anyɛɔ anaa hejɔɔmɔ be kroko lɛ he.
10 min: Sanebimɔ He. Akɛ toibolɔi asusu he. Ama bɔ ni ehe hiaa ni gbekɛbii ana gbɛi kpakpa akɛ amɛyɛ jeŋba kpakpa kɛ bɔ ni amɛshweɔ diɛŋtsɛ akɛ amɛkɛ amɛhe aaawo sɔɔmɔ nitsumɔ lɛ mli bɔni afee ni amɛhe asa akɛ shiɛlɔi ni abaptisiko amɛ lɛ nɔ mi.
10 min: “Shiɛmɔ ni Ayaaa Daa Nyɔŋ nɔ ni Aaaye nɔ Kunim.” Akɛ sanebimɔ kɛ hetoo atsu enɛ he nii. Ama bɔ ni ehe hiaa ni ahi hewalɛnamɔ kpakpa mli kɛtsɔ daa sɔɔmɔ nɔ koni aye abua mɛi krokomɛi ni yelikɛbuamɔ he hiaa amɛ lɛ nɔ mi. Awo toibolɔi hewalɛ ni amɛtsu ŋaawoo ni akɛha lɛ he nii.
15 min: “1992 ‘La Hiɛlɔi’ Kpokpaa Wulu nɔ kpee”—Fa 2. Akɛ toibolɔi baasusu kukuji 15-22 he kɛ “Kpokpaa Wulu nɔ kpee he Kaimɔi” lɛ amlitii kuku kɛ be yɛ. Akɛ kaimɔi ni sa ni damɔ June 15,1989, Watchtower lɛ baafai 10-20 nɔ lɛ mli saji afata he. Awo hewalɛ ni wekui asusu sane nɛɛ mli saji otii ahe dani amɛya kpee lɛ.
Lala 111 kɛ naagbee sɔlemɔ.