Feemɔ Gbɛgbalɔi Awalɔ Yɛ December Kɛ January Mli
1 Wɔ fɛɛ wɔɔfee jogbaŋŋ akɛ wɔɔbi wɔhe akɛ: ‘Nɛgbɛ mafee la hiɛlɔ yɛ December kɛ January mli kɛyashɛ? Ani manyɛ mafee gbɛgbalɔi awalɔ?’—Mat. 5:14, 16.
2 Obalaŋtai ni abaptisi amɛ lɛ naa be yɛ skul gbɛhamɔ be mli. Fɔlɔi kɛ mɛi ni amɛdara lɛ ateŋ mɛi komɛi ni ji shiɛlɔi baanyɛ afata mɛnɛɛmɛi ahe ni amɛlɛɛ amɛsɔɔmɔ nitsumɔ lɛ mli yɛ nyɔŋ lɛ mli. Mɛi ni kɛ amɛbe fɛɛ tsuɔ nii lɛ hu baanyɛ ana be ko ni amɛbaajɔɔ nɔ amɛha nɛkɛ yiwalaheremɔ sɔɔmɔ nɛɛ.
3 Nɔ titri ni haa anyɛɔ asɔmɔɔ akɛ gbɛgbalɔi awalɔ ji suɔmɔ ni wɔyɔɔ akɛ wɔkɛ be kroko ni ataoɔ nɛɛ aaafata nɔ ni wɔyɔɔ momo lɛ he. (Luka 13:24) Kɛ wɔto wɔnitsumɔi ahe gbɛjianɔ jogbaŋŋ, ni weku kɛ asafoŋ saji hu fata he lɛ, wɔbaanyɛ wɔna be koni wɔna miishɛɛ ni baa beni asɔmɔɔ akɛ gbɛgbalɔi awalɔ lɛ mli niiashikpamɔ.
4 Ani obaanyɛ olɛɛ osɔɔmɔ lɛ mli yɛ December kɛ January nyɔji enyɔ lɛ mli? Nakai feemɔ baaye abua bo koni ona hekɛnɔfɔɔ diɛŋtsɛ yɛ shiai kɛ shinaai anaa ni ebaaha ona niiashikpamɔi ni tswaa mɔ maa shi. Kɛkɛ lɛ miishɛɛ babaoo baanyɛ afee onɔ̃.—Bɔf. 20:35.