Sɔɔmɔ Kpee Kɛha December
Otsi ni Jeɔ Shiɛlɔi November 30
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Agbɛnɛ akɛ miishɛɛ atsɔ sanebimɔi kɛ hetooi anɔ atsu sane, “Feemɔ Gbɛgbalɔi Awalɔ yɛ December kɛ January Mli” lɛ he nii. Yɛ kpokpai wuji anɔ kpeei ni afee yɛ nyɛsɛɛ afi lɛ mli lɛ fɛɛ sɛɛ lɛ, mɛi pii fee gbɛgbalɔi awalɔi yɛ omanyeyeli mli. Aawo mɛi pii ahewalɛ ni amɛfee nakai yɛ December kɛ January mli. Atswa gbɛjianɔ ni asafo lɛ eto kɛha shiɛmɔyaa kɛ gbɛjianɔ krɛdɛɛi ni ato kɛha kui wuji amli nitsumɔ yɛ December kɛ January mli lɛ hu he adafi.
15 min: “Hewalɛ ni Nyɔŋmɔ Wiemɔ lɛ Yɔɔ.” Sanebimɔi kɛ hetooi. Awo hewalɛ ni mɔ fɛɛ mɔ akane dɛhiɛmɔ wolo, Nɔ Hewɔ ni Obaanyɛ Okɛ Ohe Afɔ Biblia Lɛ Nɔ lɛ, koni akadi susumɔi kɛ naataomɔi ni mli ka shi faŋŋ ni hewalɛ yɔɔ mli ni abaanyɛ akɛtsu nii yɛ sɔɔmɔ nitsumɔ lɛ mli.
15 min: “Too Gbɛjianɔ yɛ Oklɛŋklɛŋ Saramɔ lɛ Mli.” Nyɛmi nuu ni tsuɔ enɛ he nii lɛ baakpa nɔkwɛmɔ nii sɔrɔtoi ejwɛ ni tsɔɔ hiɛkpamɔi enyɔ ni atsi ta yɛ kukuji 2 kɛ 3 lɛ mli ekome hiɛ,ni afee saji otii ni yɔɔ kukuji 4, 5 kɛ 6 lɛ eko fɛɛ eko he nɔkwɛmɔ nɔ. Naagbee nɔkwɛmɔ nɔ lɛ atsɔɔ bɔ ni akɛ Biblia lɛ kɛ God’s Word wolo lɛ fɛɛ baanyɛ aha yɛ klɛŋklɛŋ saramɔ lɛ mli.
Lala 52 kɛ naagbee sɔlemɔ.
Otsi ni Jeɔ Shishi December 7
10 min: Asafoŋ adafitswai kɛ Teokrase lɛ He Saji. Agbala jwɛŋmɔ kɛya sane ni yɔɔ akrabatsa lɛ mli ni kɔɔ nitsumɔ he nine adrɛs sɔrɔtoi ahe lɛ anɔ. Ajie shiɛlɔi lɛ ayi yɛ gbɛfaŋnɔ ni amɛnaa yɛ Maŋtsɛyeli-shiɛmɔ nitsumɔ lɛ mli lɛ he. Atsɔɔ saji otii ni yɔɔ woji tɛtrɛbii heei lɛ amli ni abaanyɛ akɛtsu nii yɛ asafo lɛ shikpɔŋkuku lɛ mli.
15 min: “Ani Onyiɛɔ Gbɛtsɔɔmɔi Asɛɛ?” Onukpai asɛinɔtalɔ lɛ baaha wiemɔ ni damɔ October 1, 1990, Buu-Mɔɔ lɛ baafai 30-1 nɔ. Akɛto asafo lɛ mli hiamɔ nii pɔtɛɛi ahe: shiɛmɔ nitsumɔ akɔntaabuu, Maŋtsɛyeli Asa lɛ mli saamɔ, kpeei kɛha shiɛmɔyaa ni abaa yɛ ebe naa pɛpɛɛpɛ, gbekɛbii ni aaakwɛ amɛnɔ yɛ Maŋtsɛyeli Asa lɛ nɔ kɛ ekrokomɛi. Ajie yi yɛ he ni sa, ni aye abua ni mɔ fɛɛ mɔ ayoo bɔ ni ehe baa sɛɛnamɔ kɛhaa asafo muu lɛ fɛɛ, ni ehaa sɔɔlɔi ni ahala amɛ lɛ anitsumɔ feɔ mlɛo kɛ mɔ fɛɛ mɔ nyiɛ gbɛtsɔɔmɔi asɛɛ.
20 min: “Ani Obuɔ Wɔ Woji lɛ akɛ Sɛɛnamɔ Yɛ He Waa?” Abaatsɔ sanebimɔi kɛ hetooi anɔ atsu enɛ he nii.
Lala 27 kɛ naagbee sɔlemɔ.
Otsi ni Jeɔ Shishi December 14
Lala 179
15 min: Asafoŋ adafitswai, akɛ shika he amaniɛbɔɔ afata he, kɛ shika ni akɛke ni akpɛlɛ nɔ. Ajie asafo lɛ yi waa yɛ onia ni atsuɔ akɛyeɔ abuaa asafo lɛ kɛ Asafo lɛ Maŋtsɛyeli Asa Tsumaa he Gbɛjianɔtoo lɛ kɛ Asafo lɛ jeŋ muu fɛɛ nitsumɔ lɛ hu. Atsɔɔ sɔɔmɔ nitsumɔ he gbɛjianɔtoo krɛdɛɛ kɛha gbɛhamɔ be lɛ, kɛ esa. Fɔlɔi aje gbɛ asaa amɛbii amɛha saji ni baate shi yɛ gbɛhamɔ be mli, ni amɛkɛ School wolo bibioo lɛ baafai 17-21 atsu nii.
20 min: “Bɔ ni Ooofee Otee Miishɛɛ Shi.” Wiemɔ kɛ nɔkwɛmɔ nii, ni sɔɔmɔ nɔkwɛlɔ lɛ baatsu he nii. Afee ŋaa gbɛi ni atsɔɔ yɛ kukuji 5 kɛ 6 lɛ ahe nɔkwɛmɔ nii. Aha nɔkwɛmɔ nii lɛ amli aka shi faŋŋ ni efee mlɛo bɔ ni abaanyɛ anyiɛ sɛɛ.
20 min: “Halamɔ Saji otii ni Sa ni Abaanyɛ Akɛtsu Nii.” Sanegbaa yɛ wu kɛ ŋa teŋ ni miitsɔɔ bɔ ni amɛsaa amɛhe amɛhaa sɔɔmɔ nitsumɔ lɛ.
Lala 198 kɛ naagbee sɔlemɔ.
Otsi ni Jeɔ Shishi December 21
10 min: Asafoŋ adafitswai. Afee nɔkwɛmɔ nɔ ni tsɔɔ bɔ ni akɛ wolo tɛtrɛɛ hee lɛ mli sane titri ko baatsu nii yɛ otsi lɛ naagbee mli. Akɛ ŋaawoo ni akɛha yɛ otsi ni ho lɛ Sɔɔmɔ Kpee shishi lɛ atsu nii.
10 min: Asafo lɛ diɛŋtsɛ ato enɛ he gbɛjianɔ aloo aha wiemɔ ni damɔ “Nyɛkpalea Kɛbaa Miŋɔɔ ni Makpale Kɛba Nyɛŋɔɔ” ni yɔɔ August 1, 1992 Buu-Mɔɔ lɛ baafai 28-30 lɛ nɔ.
15 min: Nɔ Hewɔ ni Wɔyeee Fɔmɔ Gbii. Sanegbaa yɛ onukpa kɛ gbekɛ nuu ko ni bɛ tsɛ ni feɔ nɔkwɛmɔ nɔ kpakpa ni yeko afii nyɔŋma teŋ. Gbekɛ nuu lɛ eba onukpa lɛ ŋɔɔ eebi yelikɛbuamɔ koni enyɛ edamɔ etipɛŋfoi ni nyɛɛɔ enɔ ni eba fɔmɔ gbi gbijurɔyeli ko shishi lɛ naa. Enuɔ shishi akɛ ejaaa, shi ebaasumɔ ni enyɛ etsɔɔ mli faŋŋ etsɔɔ mɛi krokomɛi. Onukpa lɛ baatsɔ mlihilɛ kɛ wiemɔ ni mli ka shi faŋŋ nɔ ekɛ lɛ ati saji ni yɔɔ September 1, 1992, Buu-Mɔɔ lɛ baafai 30-1 kɛ Reasoning wolo lɛ baafai 68-70 lɛ amli.
Lala 24 kɛ naagbee sɔlemɔ.
Otsi ni Jeɔ Shishi December 28
10 min: Asafoŋ adafitswai
20 min: Gbɔmɔ Ni Fe Mɔ Fɛɛ Mɔ Wolo lɛ ni Wɔkɛaatsu Nii Koni Wɔkɛha Wɔ La Akpɛ yɛ January mli. Wiemɔ kɛ nɔkwɛmɔ nii. Awo hewalɛ ni mɔ fɛɛ mɔ kɛ saji otii ni ekɛbaatsu nii yɛ sɔɔmɔ lɛ mli asaa ehe. Atsɔɔ saji ni abaanyɛ akɛtsu nii ni damɔ yitsei ni asusu he yɛ Asafo Woloŋ Nikasemɔ shishi yɛ nyɔŋ lɛ shishijee mli lɛ nɔ.
10 min: Sane, “Jwɛŋmɔ Kpakpa kɛ Jalɛ ni Wɔkɛaahi Hi Shi” lɛ hesusumɔ. Awo nyɛmimɛi ahewalɛ ni amɛtsɔ hiɛ amɛto gbɛjianɔ amɛha gbi kome kpee krɛdɛɛ lɛ yaa yɛ 1993 sɔɔmɔ afi lɛ mli. Atsi be kɛ he ni abaafee yɛ lɛ ta kɛ ale. Awo hewalɛ hu ni akɛ he awo sɔɔmɔ nitsumɔ lɛ mli otsi lɛ naagbee.
Lala 4 kɛ naagbee sɔlemɔ.