Sɔɔmɔ Kpeei Kɛha July
Otsi ni Jeɔ Shiɛlɔi July 5
Lala 162
10 min: Asafoŋ adafitswai. Awo trukaa odaseyeli he hewalɛ. Afee bɔ ni sɛɛnamɔ yɔɔ woji tɛtrɛbii ni aaahiɛ kɛha trukaa odaseyeli lɛ he lɛ he nɔkwɛmɔ nɔ.
15 min: “Ye Obua Mɛi Krokomɛi ni Amɛle Gbɔmɔ ni Fe Fɛɛ lɛ He Nii.” Sanebimɔ-kɛ-hetoo ni akɛaatsu he nii. Kɛ be yɛ lɛ, afɔ́ toibolɔi anine ni amɛtsɔɔ bɔ ni amɛna wolo lɛ kasemɔ yɛ Asafo Woloŋ Nikasemɔ shishi lɛ he miishɛɛ amɛha.
20 min: “Okɛ Dɛhiɛmɔ Woji Atsu Nii ni Okɛwie Gbɔmɔ ni Fe Fɛɛ Wolo lɛ He.” Toibolɔi kɛ sanegbaa. Afee nɔkwɛmɔ nii enyɔ. Esa akɛ klɛŋklɛŋ nɔ lɛ kɛ shiɛmɔ wiemɔ ni atsɔɔ yɛ kuku 2 lɛ atsu nii. Okɛ hiɛkpamɔ wiemɔ ni sa ni mɔɔ shi jogbaŋŋ atsu nii, fe ni oookɛɛ akɛ “Mi ji Yehowa Odasefoi ateŋ mɔ kome,” ni ji hiɛkpamɔ wiemɔ ni ale waa lɛ. Esa akɛ nɔkwɛmɔ nɔ ni ji enyɔ lɛ kɛ shiɛmɔ wiemɔ ni atsɔɔ yɛ kuku 4 lɛ atsu nii. Akɛ hiɛkpamɔ wiemɔ kroko ni sa ni mɔɔ shi jogbaŋŋ atsu nii, koni no sɛɛ lɛ atsa sanegbaa lɛ nɔ taakɛ atsɔɔ lɛ.
Lala 205 kɛ naagbee sɔlemɔ.
Otsi ni Jeɔ Shishi July 12
Lala 196
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Atsɔɔ wiemɔi ni sa kɛha sanegbaa yɛ woji tɛtrɛbii heei lɛ amli kɛha ekɛ nitsumɔ yɛ shiɛmɔ mli otsi nɛɛ.
15 min: Sanebimɔ He. Wiemɔ ni onukpa ko baaha. Atsɔɔ gbɛnaa nii ni ka wɔnɔ akɛ wɔba wɔjeŋ jogbaŋŋ beni wɔyaa baptisimɔi ashishi lɛ. Akɛ otii ni kɔɔ sane lɛ he ni jɛ January 1992 Wɔ Maŋtsɛyeli Sɔɔmɔ lɛ Sanebimɔ He Iɛ afata he.
20 min: “Nɔ Hewɔ ni Dɛhiɛmɔ Woji Ahe Hiaa Waa yɛ Wɔ Sɔɔmɔ Nitsumɔ lɛ Mli Ŋmɛnɛ.” Sanebimɔ-kɛ-hetoo ni akɛaatsu he nii. Yɛ naagbee kuku lɛ sɛɛ lɛ, afee nɔkwɛmɔ nɔ kuku ni miitsɔɔ bɔ ni dɛhiɛmɔ wolo kɛ nitsumɔ yɔɔ mlɛo ha yɛ trukaa odaseyeli mli.
Lala 126 kɛ naagbee sɔlemɔ.
Otsi ni Jeɔ Shishi July 19
Lala 79
10 min: Asafoŋ adafitswai. Atsi April Sɔɔmɔ Akɔntaabuu lɛ mli otii komɛi ata. Agbɛnɛ atsɔɔ gbɛfaŋnɔ ni nyɛ asafo lɛ na yɛ shiɛmɔ he akɔntaabuu lɛ mli kɛba nakai nyɔŋ lɛ. Akɛ shika he akɔntaabuu afata he, ni akane shika ni akɛmaje kɛke ni aŋma he wolo lɛ atsɔɔ. Ajie hiɛsɔɔ kpo yɛ shika gbɛfaŋ sɛɛfimɔ ni nyɛ asafo lɛ kɛ Asafo lɛ diɛŋtsɛ jeŋ muu fɛɛ nitsumɔ lɛ hu naa lɛ he.
15 min: “Biblia Mli Nikasemɔ Shishijee yɛ Gbɔmɔ ni Fe Fɛɛ Wolo lɛ Mli.” Sanebimɔ-kɛ-hetoo ni akɛaasusu he. Yɛ kuku 2 sɛɛ lɛ, afee bɔ ni akɛ wolo lɛ jeɔ Biblia mli nikasemɔ shishi ahaa Iɛ he nɔkwɛmɔ nɔ. Shiɛlɔ lɛ baaje shishi kɛ klɛŋklɛŋ kukuji etɛ ni yɔɔ wolo lɛ yitso 111 lɛ kanemɔ, ni no sɛɛ lɛ ebaaya nɔ kɛ shiɛmɔ wiemɔ ni atsɔɔ yɛ sane lɛ kuku 2 lɛ.
20 min: “Gbekɛbii ni Wɔɔye Wɔbua Amɛ ni Amɛna kpeei Abe Sɛɛ.” Sanebimɔ-kɛ-hetoo ni akɛaasusu he. Kɛ agbe sane lɛ hesusumɔ naa lɛ, abibii gbekɛbii etɛ ni eye afii sɔrɔtoi sane yɛ kpoku lɛ nɔ. Gbekɛ kwraa lɛ, fɔlɔ lɛ baabi lɛ nɔ ni esusuɔ yɛ bɔ ni ehe hiaa ni ewɔ fioo dani kpeei be ashɛ lɛ he; agbɛnɛ hu, nɔ ni ebaanyɛ efee koni ekate shi shii abɔ kɛtee niiamli. Gbɛkɛ ni eda fioo lɛ, fɔlɔ lɛ baakai lɛ gbɛjianɔtoo ni yɔɔ, ni ji gba ni gbekɛ lɛ baagba nɔ ni ekase yɛ kpee lɛ shishi lɛ. Fɔlɔ lɛ baabi gbekɛ lɛ ni etsɔɔ hɔ titri ni nyɛsɛɛ maŋshiɛmɔ ni aha loo Buu-Mɔɔ Nikasemɔ lɛ kɔɔ be, aloo nɔ ni akase yɛ nyɛsɛɛ woloŋ nikasemɔ lɛ shishi. Gbekɛ ni eda fe fɛɛ lɛ gbɛfaŋ lɛ, fɔlɔi lɛ baabi lɛ bɔ ni kpeei eye ebua lɛ ni enyɛ edamɔ eteemɔŋ naagbai komɛi, loo skul shihilɛ naa, yɛ enanemɛi halamɔ mli, yɛ wiemɔ ni he tse, loo jeŋba kpakpa mli, kɛ ekrokomɛi. Akɛ miishɛɛ awo gbekɛbii fɛɛ hewalɛ ni amɛbo wiemɔi atoi jogbaŋŋ yɛ kpeei ashishi.
Lala 167 kɛ naagbee sɔlemɔ.
Otsi ni Jeɔ Shishi July 26
10 min: Asafoŋ adafitswai. Teokrase lɛ He Saji. Agbala jwɛŋmɔ kɛba woji tɛtrɛbii heei lɛ amli saji ni abaanyɛ akɛgba sane yɛ shia-kɛ-shia sɔɔmɔ aloo trukaa odaseyeli mli lɛ amli fioo ko nɔ.
20 min: “Okɛ Ohe Awo Shiɛmɔ Nitsumɔ lɛ Mli Daa.” Wiemɔ ni sɔɔmɔ nɔkwɛlɔ lɛ aloo nyɛminuu kroko ni sa baaha. Ati Organized to Accomplish Our Ministry wolo lɛ baafai 106-10 mli, bɔ ni be baaŋmɛ gbɛ. Ama bɔ ni ehe hiaa ni mɔ fɛɛ mɔ kɛ ehe awo shiɛmɔ mli daa ni ekɛ eshiɛmɔyaa akɔntaabuu aba mra hu yɛ nyɔŋ lɛ naagbee lɛ nɔ mi.
15 min: Nyɛ asafo lɛ hiamɔ nii. Abaanya ati otii ni kɔɔ nyɛ asafo lɛ hiamɔ nii. Abaanyɛ ati otii ni kɔɔ nyɛ asafo lɛ hiamɔ nii ahe, taakɛ kpokpaa nɔkwɛlɔ lɛ tsɔɔ yɛ enaagbee saramɔ lɛ mli lɛ amli. Kɛ ehe miihia ni aya hiɛ yɛ he ko lɛ, asusu gbɛi pɔtɛɛ ni abaanyɛ atsɔ nɔ afee nakai lɛ ahe.
Lala 71 kɛ naagbee sɔlemɔ.