Yɛ Obua Biblia Kaselɔi Ni Amɛsaa Amɛhe Kɛha Amɛ Nikasemɔ
1 Biblia kaselɔi ni saa amɛhe kɛhaa amɛ nikasemɔ daa otsi lɛ jieɔ anɔkwa miishɛɛ kpo yɛ nikasemɔ lɛ he, ni bei pii lɛ amɛyaa amɛhiɛ yɛ mumɔŋ oyayaayai fe mɛi ni esaaa amɛhe lɛ. Bei komɛi lɛ, ekolɛ nikaselɔ lɛ esaaa ehe ejaakɛ eleee bɔ ni asaa he ahaa. Ekolɛ ehe baahia ni atsɔɔ lɛ bɔ ni akaseɔ nii kɛ bɔ ni asaa he ahaa. Te aaafee enɛ aha tɛŋŋ?
2 Kɛjɛ shishijee kwraa lɛ, ŋɔɔ be fioo ko ni okɛkwɛ ni nikaselɔ lɛ ale bɔ ni asaa he ahaa. Hesaamɔ biɔ nikasemɔ, ni eyɛ mli akɛ mɛi pii nyɛɔ nii amɛkaneɔ moŋ, shi atsɔko amɛ bɔ ni akaseɔ nii ahaa. Nikasemɔi 7 kɛ 8 ni yɔɔ Theocratic Ministry School Guidebook lɛ mli lɛ kɛ ŋaawoi babaoo ni yeɔ ebuaa haa, ni obaanyɛ okɛtsɔɔ nikaselɔ lɛ kɛji ehe miihia lɛ.
3 Tsɔɔmɔ nikaselɔ Iɛ Sɛɛnamɔ ni Yɔɔ Nikasemɔ lɛ He: Obaanyɛ okɛ Onikasemɔ wolo ni Okadi loo ofolɔ wiemɔ otii loo wiemɔi kukuji komɛi ashishi yɛ mli lɛ atsɔɔ nikaselɔ lɛ. Ha ni ena bɔ ni kwɛmɔ ni eeekwɛ hei ni ekadi lɛ baanyɛ akai lɛ susumɔi ni ebaanyɛ egbala mli yɛ lɛ diɛŋtsɛ ewiemɔ mli. Yɛ nakai gbɛ nɔ lɛ, ehaŋ ekane hei komɛi tɛɛ kɛjɛ wolo lɛ mli kɛji eeha saji ahetoo. Tsɔsemɔ kpakpa yɛ nɛkɛ beaŋ baaye ebua lɛ ni eha saji ahetoo ni shishinumɔ yɔɔ mli, yɛ sɛɛ mli yɛ asafoŋ kpeei ashishi. Esaji ahetoohamɔ baajie hiɛsɔɔ ni eyɔɔ kɛha nɔ ni akaseɔ lɛ kpo, ni ebaatsɔɔ he ni eniiashishinumɔ hu eshɛ.
4 Tsɔɔmɔ Lɛ bɔ ni Akɛ Biblia Iɛ Tsuɔ Nii Ahaa: Ehe miihia ni nikaselɔ lɛ akase bɔ ni agbeleɔ ŋmalɛi ni atsɛ yɛ nikasemɔ lɛ mli lɛ ahaa. Kɛji enyɛɔ efeɔ enɛ jogbaŋŋ kɛmɔɔ shi lɛ, no lɛ ebaana he miishɛɛ jogbaŋŋ diɛŋtsɛ akɛ eji Biblia kaselɔ lɛlɛŋ. Eyɛ mli akɛ kɛjɛ shishijee lɛ ekolɛ ehe baahia ni ekɛ Biblia lɛ shishijee gbɛ, he ni abo Biblia lɛ mli woji anaa yɛ lɛ atsu nii moŋ, shi esa akɛ awo nikaselɔ lɛ hewalɛ ni ele bɔ ni ato Biblia lɛ mli woji 66 lɛ anaa aha lɛ jogbaŋŋ. Kɛ egbele ŋmalɛ ko ni atsɛ ni ekane lɛ, ye obua lɛ ni ena emli wiemɔ ni fiɔ oti ni ataoɔ ama nɔ mi yɛ kuku ni nyɛsusuɔ helɛ mli lɛ sɛɛ, ni ekaha efai komɛi ni kɔɔɔ nii ni nyɛkaseɔ yɛ nakai beaŋ lɛ he tɛɛ lɛ miigbala ejwɛŋmɔ
5 Beni nikaselɔ lɛ yaa hiɛ lɛ, wo lɛ hewalɛ ni ekane Biblia lɛ kɛjɛ shishijee kɛyashi naagbee. Maa nɔ mi oha lɛ akɛ Biblia muu lɛ fɛɛ ji Nyɔŋmɔ Wiemɔ ni jɛ mumɔŋ, ni no hewɔ lɛ esa akɛ ewo anɔkwa Kristofoi hewalɛ yɛ mumɔŋ —Mat. 4:4; 2 Tim. 3:16, 17.
6 Okɛ Teokrase Woji Krokomɛi Afata He: Kɛji nikaselɔ lɛ etee ehiɛ saŋŋ bɔ ni sa lɛ, ebaanyɛ ekɛ teokrase woji krokomɛi abɔi nitsumɔ. Okɛ sɛɛyoomɔ atsu nii ni okɛwo lɛ hewalɛ ni etao saji krokomɛi yɛ Asafo lɛ woji ni ebaale jogbaŋŋ yɛ be mli ni eyaa asafoŋ kpeei ashishi lɛ amli Tsɔɔmɔ lɛ bɔ ni eeefee ekɛ New World Translation lɛ he kadimɔ nii krɛdɛɛi, tamɔ “Bible Words Indexed” lɛ atsu nii aha. Beni enaa lɛ diɛŋtsɛ eteokrase woji atoohe lɛ, tsɔɔmɔ lɛ bɔ ni akɛ Comprehensive Concordance, Reasoning From the Scriptures Index, kɛ Insight woji lɛ tsuɔ nii ahaa.
7 Kɛ wɔtsɔɔ Biblia kaselɔi lɛ bɔ ni amɛaasaa amɛhe kɛha amɛ Biblia mli nikasemɔ lɛ, wɔbaawaje amɛ ni amɛya nɔ amɛya hiɛ yɛ anɔkwale lɛ mli akɛ Biblia kaselɔi ni bɔɔ mɔdɛŋ waa, yɛ be mli ni amɛ shia Biblia mli nikasemɔ lɛ eba naagbee lɛ sɛɛ po.