Sɔɔmɔ Kpeel kɛha November
Otsi ni Jeɔ Shishi November 1
10 min: Asafoŋ adafitswai kɛ Adafitswai ni ahala kɛje Wɔ Maŋtsɛyeli Sɔɔmɔ lɛ mli. Ajie shiɛlɔi ayi yɛ gbɛfaŋnɔ ni amɛnaa yɛ Maŋtsɛyeli shiɛmɔ lɛ mli lɛ he.
10 min: ‘Lamɔi’, Reasoning wolo lɛ,baafai 104-6. Atsu he nii akɛ Biblia kaselɔ kɛ sanegbaa Nikaselɔ lɛ bi nilee ni yɔɔ wɔ lamɔi ni aaakudɔ wɔ lɛ mli. Asusu oshara ni yɔɔ enɛ mli, bɔ ni eeeha wɔnyɛ wɔkɔ je lɛ susumɔ gbɛi ni daimonioi anine ashɛ wɔnɔ lɛ he. Atsɔɔ bɔ ni ehe hiaa ni Nyɔŋmɔ Wiemɔ lɛ mli Shishitoo mlai akudɔ wɔ.
10 min: Asafoŋ hiamɔ nii aloo “Sanegbaa—Efe Wiemɔ Folo Kɛkɛ.” Wiemɔ ni damɔ saji ni yɔɔ August 1, 1993 Buu-Mɔɔ baafai 3-8 lɛ nɔ.
15 min: “Sɛɛnamɔ ni Yɔɔ Biblia lɛ he yɛ Ŋmɛnɛ Je Nɛɛ Mli.” Sanegbaa ni sɔɔmɔ nɔkwɛlɔ lɛ kɛ shiɛlɔ ko ni miitao ni eya hiɛ yɛ shia-kɛ-shia nitsumɔ lɛ mli lɛ baaná. Kɛ asusu kuku 3 he agbe naa lɛ, sɔɔmɔ nɔkwɛlɔ lɛ baabi shiɛlɔ Iɛ ni eka shiɛmɔ wiemɔ ni atsɔɔ lɛ ekwɛ, ni sɔɔmɔ nɔkwɛlɔ lɛ afee eshiatsɛ. Kɛ asusu kuku 4 he agbe naa lɛ, sɔɔmɔ nɔkwɛlɔ lɛ baafee shiɛmɔ wiemɔ lɛ etsɔɔ shiɛlɔ lɛ. Awo asafo lɛ hewalɛ ni amɛye amɛbua mɛi ni yɔɔ he miishɛɛ lɛ ko Biblia kaselɔi ni amɛna sɛɛnamɔ ni yɔɔ New World Translation lɛ he.
Lala 52 kɛ naagbee sɔlemɔ.
Otsi ni Jeɔ Shishi November 8
10 min: Asafoŋ adafitswai. Atee woji tɛtrɛbii heei lɛ kɛhamɔ he nɔkwɛmɔ nɔ, ni akɛ emli sane ni abaanyɛ akɛtsu nii yɛ shiɛmɔ mli otsi nɛɛ naagbee lɛ atsu nii. Agbala jwɛŋmɔ kɛya “Shiɛmɔyaa Nyɔji Krɛdɛɛ” nɔ, ni afɔ mɛi fɛɛ nine ni amɛkɛ hiɛdɔɔ asusu hegbɛ ni amɛyɔɔ akɛ amɛaaha amɛshiɛmɔ nitsumɔ lɛ aya hiɛ yɛ December kɛ January mli akɛ gbɛgbalɔi awalɔi aloo kɛtsɔ gbɛgbalɔi lɛ kɛ nitsumɔ nɔ lɛ he.
10 min: “Wolo ni kɛ Anɔkwa Gbɛtsɔɔmɔ Haa.” Sanebimɔ-kɛ-hetoo ni akɛaasusu sane lɛ he. Afee sɛɛsaramɔ ni atsɔɔ yɛ kuku 3 lɛ he nɔkwɛmɔ nɔ. Awo mɛi fɛɛ hewalɛ ni amɛkɛ ekaa awie sɛɛnamɔ diɛŋtsɛ ni yɔɔ Biblia lɛ he lɛ he kɛ amɛkɛ mɛi miiwie yɛ shia-kɛ-shia nitsumɔ lɛ mli kɛ be ni amɛfeɔ sɛɛsaramɔi
20 min: “Na 1993 Ŋwɛi Nitsɔɔmɔ Kpokpaa Wulu nɔ kpee lɛ He Sɛɛ Kɛmɔ Shi.”—Fa 1. Akɛ toibolɔi asusu kukuji 1-16 he. Esa akɛ shiɛlɔi kɛ amɛ Biblia kaselɔi ni baaya kpee lɛ eko lɛ asusu otii ni sa lɛ ahe.
Lala 134 kɛ naagbee sɔlemɔ.
Otsi ni Jeɔ Shishi November 15
10 min: Asafoŋ adafitswai, kɛ shika he akɔntaabuu kɛ shika ni akɛmaje ni akpɛlɛ nɔ lɛ he saji. Ajie asafo lɛ yi yɛ bɔ ni amɛkɛ shika fiɔ nyɛ asafo lɛ kɛ Asafo Maŋtsɛyeli Asa Tsumaa Shika lɛ kɛ Asafo lɛ jeŋ muu fɛɛ nitsumɔ lɛ sɛɛ lɛ he. Atsɔɔ shiɛmɔyaa he gbɛjianɔtoo kɛha je lɛŋ hejɔɔmɔ gbii ni baa lɛ.
10 min: “Kanemɔ Maŋ Nɛɛŋ Wiemɔ Awake! Iɛ.” Sanebimɔ-kɛ-hetoo ni akɛaasusu he. Kɛ ashɛ kuku 8 lɛ, afee nɔkwɛmɔ nɔ ni miitsɔɔ shiɛlɔ ni kɛ Ewe loo Twi Awake! lɛ miitsɔɔ shiatsɛ ko yɛ shia Biblia mli nikasemɔ mli. Shiɛlɔ lɛ gbala ejwɛŋmɔ kɛtee emli saji ni ato naa lɛ fɛɛ nɔ. Shiatsɛ lɛ naa kpɛ ehe akɛ ewieɔ nibii babaoo he. Shiɛlɔ lɛ wo lɛ hewalɛ ni eshɛ, ni ekpɛlɛ nɔ amrɔ nɔŋŋ. (Asafoi ni ewieee Ewe loo Twi lɛ baanyɛ atsu kpokpaa nɔkwɛlɔ lɛ naagbee saramɔ lɛ mli saji ahe nii yɛ fa nɛɛ mli aloo amɛkɛ sane lɛ mli otii ni kɔɔ amɛhe lɛ atsu nii.)
20 min: “Na 1993 ‘Ŋwɛi Nitsɔɔmɔ’ Kpokpaa Wulu nɔ kpee lɛ He Sɛɛ Kɛmɔ Shi.”—Fa 2. Akɛ toibolɔi asusu kuku 17-19 he, ni ati “Kpokpaa Wulu nɔ kpee Shishi Kaimɔi” lɛ amli jogbaŋŋ. Akɛ kaimɔi ni sa ni damɔ June 15, 1989 Watchtower lɛ baafai 10-20 mli saji anɔ lɛ afata he, aloo awo wekui ahewalɛ ni amɛti otii ni yɔɔ nɛkɛ saji nɛɛ amli lɛ amli dani amɛya kpee lɛ.
Lala 54 kɛ naagbee sɔlemɔ.
Otsi ni Jeɔ Shishi November 22
10 min: Asafoŋ adafitswai Awo mɛi ni baanyɛ lɛ hewalɛ ni amɛfee gbɛgbalɔi awalɔi yɛ December mli.
15 min: “Ye Obua Biblia Kaselɔi ni Amɛtsaa Amɛhe Kɛha Amɛ Nikasemɔ Lɛ.” Sanebimɔi kɛ hetooi. Akane kukuji lɛ amli kɛji be baaŋmɛ gbɛ.
10 min: “Ani Osusuɔ Nii Ahe Kɛjɛɔ Ŋmalɛi lɛ Amli?” Sanebimɔ-kɛ-hetoo ni nyɛminuu ko ni bɔɔ mɔdɛŋ waa yɛ shia-kɛ-shia kɛ sɛɛsaramɔ nitsumɔ mli kɛ asafo lɛ baasusu he. Kɛ asusu kuku 4 he agbe naa lɛ, afee bɔ ni shiɛlɔ ko baanyɛ awie ŋmalɛ ko he kuku aloo ewie he kɛjɛ ejwɛŋmɔ mli kɛji shiatsɛ lɛ bɛ deka lɛ he nɔkwɛmɔ nɔ. Yɛ nɔkwɛmɔ nɔ lɛ sɛɛ lɛ, ama bɔ ni ehe hiaa ni wɔnyiɛ ŋaawoo nɛɛ sɛɛ beni wɔbɔɔ mɔdɛŋ ni ‘wɔshiɛ wiemɔ lɛ’ yɛ shikpɔŋkuku ni emli bii lɛ pii bɛ deka be fɛɛ be aloo daa gbi shihilɛ mli saji ehe amɛbe fɛɛ lɛ nɔ mi. (2 Tim. 4:2) Kɛ asusu kuku 6 he agbe naa lɛ, aha shiɛlɔ ni kɛ Reasoning wolo lɛ tsuɔ nii waa lɛ atsɔɔ bɔ ni ekɛtsuɔ nii ehaa yɛ odaseyeli mli.
Lala 108 kɛ naagbee sɔlemɔ.
Otsi ni Jeɔ Shishi November 29
10 min: Asafoŋ adafitswai. Awo hewalɛ ni akɛ woji tɛtrɛbii heei lɛ atsu nii yɛ otsi nɛɛ naagbee.
15 min: “Biblia Lɛ—Gbɛtsɔɔmɔ Nɔ Diɛŋtsɛ Kɛha Ŋmɛnɛŋmɛnɛ Beaŋ Gbɔmɔ.” Wiemɔ ni weku yitso baaha, ni damɔ May 1, 1993 Buu-Mɔɔ lɛ mli sane nɔ. Ama nɔ mi akɛ Biblia Shishitoo mlai kɛ nitsumɔ baanyɛ aha weku shihilɛ ni toiŋjɔlɛ kɛ suɔmɔ yɔɔ mli aya hiɛ. Aha toibolɔi lɛ ateŋ mɔ kome loo mɛi enyɔ asaa amɛhe ni amɛtsɔɔ bɔ ni ŋaawoo ni jɛ Nyɔŋmɔ Wiemɔ lɛ mli lɛ eye ebua weku loo mɔ aŋkro ko.
10 min: Gbɔmɔ ni Fe Fɛɛ Wolo lɛ ni Wɔkɛaatsu Nii ni Wɔkɛye Wɔbua Gbɔmɛi ni Tamɔ Gwantɛŋi lɛ yɛ December Mli Toibolɔi kɛ sanegbaa. Bi saji tamɔ: Mɛɛ Yesu sɔɔmɔ aloo bɔ ni ekɛ mɛi krokomɛi ye ha lɛ he sane onaa he miishɛɛ fe fɛɛ?—Mɛni hewɔ onaa sane nɛɛ he miishɛɛ lɛ? Te wolo nɛɛ he eba sɛɛnamɔ eha bo tɛŋŋ? Mɛni okase yɛ Yehowa he kɛtsɔ ekasemɔ nɔ? Namɔ oha lɛ wolo nɛɛ eko? Mɛɛ oti(i) okɛtsu nii beni okɛhaa lɛ lɛ? Aha shiɛlɔ ni yɔɔ niiashikpamɔ afee wolo lɛ kɛhamɔ he nɔkwɛmɔ nɔ. Awo mɛi fɛɛ hewalɛ ni amɛkɛ amɛhe awo shiɛmɔ mli yɛ otsi nɛɛ naagbee.
Lala 94 kɛ naagbee sɔlemɔ.