Sɔɔmɔ Kpee Kɛha December
KADIMƆ. Wɔ Maŋtsɛyeli Sɔɔmɔ lɛ baato Sɔɔmɔ Kpee he gbɛjianɔ kɛha otsi fɛɛ otsi yɛ December. Asafoi lɛ baanyɛ afee tsakemɔi ni he baahia bɔni afee ni no aha amɛnyɛ amɛya “Ŋwɛi Nitsɔɔmɔ” Kpokpaa Wulu nɔ kpee lɛ, no sɛɛ lɛ akɛ minitii 30 akwɛ wiemɔi ni ato he gbɛjianɔ ni ama nɔ mi lɛ mli yɛ Sɔɔmɔ Kpee ni abaafee yɛ otsi ni nyiɛ sɛɛ lɛ mli. Esa akɛ atsɔ hiɛ akɛ kpokpaa wulu nɔ kpee lɛ he gbi-fɛɛ-gbi wiemɔ he gbɛjianɔ ni ato lɛ he susumɔ awo nyɛmimɛi hii enyɔ loo etɛ ni he esa ni baanyɛ agbala jwɛŋmɔ kɛya emli otii wuji anɔ lɛ adɛŋ. Nɛkɛ nii ahe susumɔ ni ato he gbɛjianɔ jogbaŋŋ nɛɛ baaye abua asafo lɛ ni amɛkai otii wuji ni amɛkɛ baatsu nii lɛ ni agbɛnɛ amɛkɛtsu nii yɛ shiɛmɔ mli. Wiemɔi ni toibolɔi kɛbaaha kɛ niiashikpamɔi ni kɔɔ enɛɛmɛi ahe lɛ afee kuku ni ekɔ oti lɛ he.
Otsi ni Jeɔ Shishi December 6
Lala 206
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
20 min: “Ye Obua Mɛi Krokomɛi ni Amɛkase Nyɔŋmɔ Bi. Yesu Kristo He Nii.” Sanebimɔ-kɛ-hetoo ni akɛaasusu he. (Shiɛlɔ ni he esa) afee shiɛmɔ wiemɔi ni yɔɔ kuku 2 lɛ he nɔkwɛmɔ nɔ, ni agbɛnɛ (shiɛlɔ obalaŋta) afee kuku 4 lɛ he nɔkwɛmɔ nɔ. Wo mɛi fɛɛ hewalɛ ni amɛkɛ Gbɔmɔ ni Fe Mɔ Fɛɛ Mɔ wolo lɛ aha yɛ shia kɛ shia kɛ trukaa odaseyeli hu mli.
15 min: “Too Be Oma Shi Kɛha Woji Tɛtrɛbii Kɛhamɔ.” Toibolɔi kɛ sanegbaa. Kɛ aasusu kuku etɛ lɛ he lɛ, feemɔ bɔ ni akɛ saji sɔrɔtoi ni yɔɔ woji tɛtrɛbii heei lɛ amli lɛ aaatsɔɔ mɛi sɔrɔtoi ni wɔkɛkpeɔ yɛ wɔ shikpɔŋkuku lɛ mli lɛ he nɔkwɛmɔ nɔ.
Lala 169 kɛ naagbee sɔlemɔ.
Otsi ni Jeɔ Shishi December 13
10 min: Asafoŋ adafitswai, shika he akɔntaabuu, kɛ shika ni akɛmaje ni akpɛlɛ nɔ lɛ he saji. Ajie asafo lɛ yi yɛ bɔ ni amɛkɛ shika fiɔ nyɛ asafo lɛ kɛ Asafo Maŋtsɛyeli Asa Tsumaa Shika lɛ kɛ Asafo lɛ jeŋ muu fɛɛ nitsumɔ lɛ sɛɛ lɛ he. Tsɔɔmɔ wiemɔ oti kome loo enyɔ ni abaanyɛ akɛtsu nii yɛ shiɛmɔyaa hiɛkpamɔ wiemɔi amli yɛ otsi nɛɛ naagbee.—Kwɛmɔ Reasoning baafa 10-14.
20 min: “Biblia Mli Nikasemɔ Shishijee yɛ December.” Toibolɔi kɛ sanegbaa. Kɛ aasusu kuku ni lɛ he lɛ, afee bɔ ni aaafee aje Biblia mli nikasemɔ shishi yɛ sɛɛsaramɔ mli lɛ he nɔkwɛmɔ nɔ. Wo mɔ fɛɛ mɔ hewalɛ ni efee shia Biblia mli nikasemɔ yɛ nyɔŋ fɛɛ nyɔŋ nɔ, kɛ eeehi.
15 min: “Yearbook lɛ—Hewalɛwoo Nitoohe.” Miishɛɛ wiemɔ ni akɛbaama ŋmalɛi ni atsɛ sɛɛ ni akɛbaatsu nii lɛ nɔ mi. Too gbɛjianɔ ni oha shiɛlɔi ni esaa amɛhe jogbaŋŋ kɛ henumɔ agba niiashikpamɔi kɛ saji ni anaa yɛ January 1, 1990, January 1, 1987, and January 1, 1986, Buu-Mɔɔ lɛ baafa 32 lɛ amli saji lɛ.
Lala 165 kɛ naagbee sɔlemɔ.
Otsi ni Jeɔ Shishi December 20
Lala 189
5 min: Asafoŋ adafitswai. Tsɔɔmɔ gbɛjianɔ ni nyɛ asafo lɛ eto kɛha shiɛmɔyaa krɛdɛɛ yɛ December 25, kɛ nyɛ asafo lɛ eyaŋ kpokpaa wulu nɔ kpee lɛ yɛ nakai be lɛ mli.
20 min: “Ha Onine Ashɛ O-Bliblia Kaselɔ lɛ Tsui Nɔ.” Sanebimɔi kɛ hetooi kɛ nɔkwɛmɔ nɔ. Maa oti ni tsɔɔ bɔ ni esa akɛ mɔ fɛɛ mɔ ni yɔɔ asafo lɛ mli lɛ abɔ mɔdɛŋ ni ehe asa yɛ nitsɔɔmɔ mli lɛ nɔ mi. Beni asusu kuku etɛ lɛ he sɛɛ lɛ, shiɛlɔ ko afee bɔ ni akɛ Biblia kaselɔ lɛ baasusu saji ahe kɛtsɔ sanebimɔi kɛ ŋmalɛi ni jɛ Obaanyɛ Ohi Shi wolo lɛ yitso 1 lɛ mli kukuji ni 13 kɛ 14 lɛ kɛ nitsumɔ nɔ.
20 min: “Obalaŋtaiaŋ—Nyɛhaa Yehowa Tsui Anyɔa Emli.” Onukpai enyɔ asusu emli kukuji 1-18 lɛ he. Maa sɛɛnamɔi ni obalaŋtai naa kɛtsɔɔ amɛ nɔkwɛmɔ nɔ kpakpa ni amɛfeɔ nɔ lɛ nɔ mi. Nyɛsusua ŋmalɛi ahe kɛ deka yɛ.
Lala 80 kɛ naagbee sɔlemɔ.
Otsi ni Jeɔ Shishi December 27
10 min: Asafoŋ adafitswai. Teokrase Lɛ He Saji. Tswaa gbɛjianɔ ni ato kɛha shiɛmɔyaa krɛdɛɛ kɛha January 1 lɛ he adafi. Feemɔ bɔ ni akɛ woji ni akɛbaaha yɛ January mli yɛ wɔmaŋ nɛɛ mli lɛ baatsu nii aha lɛ he nɔkwɛmɔ nɔ.
20 min: “Obalaŋtai—Nyɛhaa Yehowa Tsui Anyɔa Emli.” Sanebimɔ-kɛ-hetoo ni akɛaasusu nɔ ni hɔ mli lɛ kukuji 19-33 lɛ ahe. Bi shiɛlɔ obalaŋta kome loo mɛi enyɔ saji. Bi saji yɛ bɔni asafo lɛ he eba sɛɛnamɔ yɛ amɛmumɔŋ nɔyaa he lɛ he.
15 min: Sanebimɔ He. Sanebimɔ-kɛ-hetoo ni akɛ toibolɔi baagba he sane. Ha afee nɔkwɛmɔ nɔ ni tsɔɔ bɔ ni shiɛlɔ obalaŋta ko miisusu kuu ni ekɛ enanemɛi ni yɔɔ asafo lɛ mli lɛ aaatse lɛ he. Etee onukpa ko ŋɔɔ ni ekɛ lɛ ayasusu gbɛjianɔ ni etoɔ yɛ he lɛ he ni akɛ Ŋmalɛ mli ŋaawoo ni sa lɛ ha lɛ.
Lala 90 kɛ naagbee sɔlemɔ.