Adafitswai
◼ Woji ni akɛbaaha yɛ January: Woji ni hiɛ baafai 192 ni akala yɛ wolo ni hiɛ tsuɔ nɔ, aloo wolo fɛɛ wolo ni afee dani 1980 shɛ. Akɛ wolo kome aha kɛ jara lɛ fa ni ji ₵350.00 kɛha shiɛlɔi kɛ gbɛgbalɔi awalɔi fɛɛ. Akɛ wolo nɛɛ baaha be-fɛɛ sɔɔlɔi lɛ kɛ jara ni ji ₵180.00 ekome fɛɛ ekome. KADIMƆ: Weku Shihilɛ wolo lɛ pɛ ji nɔ ni fataaa woji ni atsi ta yɛ yiteŋgbɛ lɛ ahe. Eyɛ mli akɛ afee dani 1980 shɛ moŋ, shi akɛbaaha yɛ jara muu lɛ naa taakɛ eji amrɔ nɛɛ kɛha eko fɛɛ eko yɛ wiemɔi sɔrɔtoi lɛ amli. Esa akɛ sɔɔlɔ ni kwɛɔ shika nɔ lɛ kɛ Remittance and Credit Request form (S-20) lɛ kroko atsu nii koni ekɛbi jara lɛ nɔtsemɔ kɛha ekomekomei fɛɛ ni gbɛgbalɔi heɔ lɛ kɛ wolo kroko hu kɛha ekomekomei ni shiɛlɔi kɛ gbɛgbalɔi awalɔi fɛɛ heɔ lɛ. Asafoi ni bɛ woji nɛɛ eko lɛ baanyɛ amɛkɛ Nyɔŋmɔ Sɛɛ Gbɛ ni Adesai Taoɔ wolo lɛ aha. February: Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ. March: Kpojiemɔ—Enaagbee Kwraa lɛ Ebɛŋkɛ! April kɛ May: Buu-Mɔɔ kɛ Awake! woji tɛtrɛbii lɛ, kɛ woji bibii fɛɛ (Skul wolo bibioo lɛ fataaa he).
◼ Esa akɛ asafoi lɛ ato gbɛjianɔ ni sa kɛha Yesu Gbele lɛ Kaimɔ ni abaafee afi nɛɛ yɛ Hɔɔ, March 26, beni hulu enyɔ shi sɛɛ lɛ. Esaaa akɛ Gbele lɛ Kaimɔ lɛ kpeɔ sɛɛ tsɔ dani ajeɔ shishi ni eeeba akɛ yɛ no hewɔ lɛ mɛi heei ni yɔɔ he miishɛɛ lɛ nyɛɛɛ aba. Agbɛnɛ hu, esaaa ni be ni ka jɛmɛ shɛɛ kɛ kpee lɛ shishijee lɛ kɛ be ni ka kpee lɛ naagbee kɛ jɛmɛ shimɔ lɛ teŋ lɛ feɔ nɔ ni faaa kwraa ni eeeba akɛ yɛ no hewɔ lɛ be ko kwraa bɛ ni tsɔɔ kpee lɛ hiɛ kɛ kpee lɛ sɛɛ hu ni akɛaaŋa gbɔi ni ba lɛ, ni be bɛ ni akɛaato gbɛjianɔ ni akɛaaya nɔ aye abua mɛi komɛi yɛ mumɔŋ, loo ni be bɛ ni akɛaawowoo mɔ fɛɛ mɔ ni eba lɛ hewalɛ..
◼ Maŋshiɛmɔ hee ni kpokpaa nɔkwɛlɔi kɛbaaha kɛjɛ March kɛyaa ji ‘Ŋkɔmɔ ni Adesa Bɔɔnii lɛ Yeɔ—Mɛɛ Be Ebaaba Naagbee?’
◼ Abaaha maŋshiɛmɔ krɛdɛɛ kɛha 1994 Gbele lɛ Kaimɔ be lɛ yɛ je lɛŋ fɛɛ yɛ Hɔgbaa, April 10. Maŋshiɛmɔ lɛ saneyitso ji ‘Ani Jamɔ Eha Adesai Aweku lɛ Nine Enyɛ Shi?’ Akɛ wiemɔ ni ato he gbɛjianɔ yɛ wolo nɔ lɛ baaha. Asafoi ni kpokpaa nɔkwɛlɔ lɛ baasara amɛ loo ni amɛbaafee kpokpaa nɔ kpee nakai otsi lɛ naagbee lɛ baaha maŋshiɛmɔ krɛdɛɛ lɛ yɛ otsi ni baanyiɛ sɛɛ lɛ mli. Esaaa akɛ asafo ko haa amɛ maŋshiɛmɔ krɛdɛɛ lɛ dani April 10 shɛɔ.
◼ Nyɛfainɛ nyɛkadia akɛ eyɛ mli akɛ esa akɛ aŋmala nii fɛɛ ni abiɔ yɛ Advance Medical Directive/Release card lɛ nɔ lɛ fitsofitso yɛ shia moŋ, shi esa akɛ akɛba Asafo Woloŋ Nikasemɔ lɛ koni akɛ waonaa gbɛi awo shishi, ni aye he odase ni aŋma date yɛ nɔ.