Sɔɔmɔ Kpeei Kɛha January
KADIMƆ: Wɔ Maŋtsɛyeli Sɔɔmɔ lɛ baato Sɔɔmɔ Kpee he gbɛjianɔ kɛha otsi fɛɛ otsi yɛ January. Esa akɛ asafoi ni baafee amɛ kpokpaa wulu nɔ kpee yɛ January lɛ ato gbɛjianɔ koni amɛkɛ minitii 30 akwɛ wiemɔi ni ato he gbɛjianɔ lɛ mli yɛ Sɔɔmɔ Kpeei lɛ ateŋ ekome mli. Kwɛmɔ December Wɔ Maŋtsɛyeli Sɔɔmɔ lɛ baafa 2 kɛha emlitsɔɔmɔ fitsofitso.
Otsi ni Jeɔ Shishi January 3
Lala 101
5 min: Asafoŋ adafitswai. Maa saji otii pɔtɛɛ ni yɔɔ woji tɛtrɛbii heei lɛ amli lɛ ni mɛi ni yɔɔ nyɛ shikpɔŋkuku mli lɛ baanya he lɛ anɔ mi kuku.
20 min: “Kpeeyaa—Eji Gbɛnaa Nii ni Hiɛdɔɔ Yɔɔ Mli.” Sanebimɔ-kɛ-hetoo ni akɛaasusu he. Bi shiɛlɔi ni eye gbɛtsii nii anɔ kunim bɔni afee ni amɛya kpeei sɔrɔtoi lɛ daa lɛ saji yɛ be mli ni akɛ kuku 2 lɛ tsuɔ enɛ he nii.
20 min: “Ni Wɔɔye Wɔbua Mɛi Krokomɛi ni Amɛhiɛ Asɔ Sɛɛnamɔ ni Yɔɔ Wɔwoji lɛ Ahe.” Nyɛkɛ asafo lɛ asusua nikasemɔ lɛ he. Afee kukuji 3 kɛ 4 lɛ he nɔkwɛmɔ nɔ kuku. Tswaa woji ni hiɛ baafai 192 ni asafo lɛ yɔɔ lɛ he adafi otsɔɔ shiɛlɔi. Kɛ asafo lɛ bɛ woji memeji lɛ, feemɔ Nyɔŋmɔ Sɛɛ Gbɛ ni Adesai Taoɔ wolo lɛ kɛhamɔ he nɔkwɛmɔ nɔ beni asusu kuku 5 lɛ he lɛ sɛɛ.
Lala 116 kɛ naagbee sɔlemɔ.
Otsi ni Jeɔ Shishi January 10
Lala 147
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: Ani Osaa Ohe Oto ni Okɛ Tsofafeemɔ Mli Shihilɛ ni Kaa Ohemɔkɛyeli lɛ Aaakpe? Wiemɔ ni kanyaa mɔ, ni onukpa ni he esa kɛbaaha ni ekɛye ebua nyɛmimɛi ni amɛhiɛ asɔ bɔ ni Advance Medical Directive/Release card lɛ ji hebuu nɔ ha lɛ, yɛ be mli ni ekɛ otii ni jɛ January 1991 Wɔ Maŋtsɛyeli Sɔɔmɔ (Volume 34, No. 1) lɛ feɔ enɛ. Wolo ni hɔ mli lɛ. Ha aja woji heei aha shiɛlɔi ni abaptisi amɛ lɛ pɛ, koni no sɛɛ lɛ asusu November 2, 1991 wolo ni Asafo lɛ ŋma eyaha asafoi fɛɛ ni kɛ gbɛtsɔɔmɔ haa yɛ bɔ ni aaafee aŋmala nii ni abiɔ yɛ woji lɛ anɔ lɛ he lɛ. Wo nyɛmimɛi lɛ ŋaa koni AMƐKAŊMALA nii ni abiɔ yɛ woji lɛ anɔ lɛ yɛ kpee lɛ shishi shi amɛkɛya shia, ni amɛkɛ sɔlemɔ asusu bɔ ni enɛɛmɛi ahe hiaa ha lɛ he, no sɛɛ dani amɛŋmala nii ni abiɔ lɛ. Shi kɛlɛ NYƐKƐ WAONAA GBƐI AKAWOA SHISHI dã. Okɛ wolo ni oŋmala enɔ lɛ aya Asafo Woloŋ Nikasemɔ ni baa lɛ shishi koni onukpai lɛ aye abua ni amɛkwɛ akɛ akɛ waonaa gbɛi ewo woji lɛ ashishi, akɛ aye he odase, ni date yɛ nɔ lo. Asafo Woloŋ Nikasemɔ nɔkwɛlɔ lɛ kɛ gbɛi ni aŋmala lɛ ehee yɛ wolo nɔ lɛ baatsu nii koni ekwɛ akɛ atsu ekuu lɛ mlibii lɛ fɛɛ he nii lo. (Abaanyɛ aye abua fɔlɔi koni amɛŋmala nii ni abiɔ yɛ Identity Cards lɛ anɔ lɛ kɛha amɛbii.) Asafo woloŋ nikasemɔ nɔkwɛlɔi/onukpai ni baaba Sɔɔmɔ Kpee ni baanyiɛ sɛɛ lɛ baanyɛ aye abua mɔ fɛɛ mɔ ni baaa nakai Woloŋ Nikasemɔ lɛ shishi lɛ kɛyashi be mli ni aaaŋmala shiɛlɔi fɛɛ ni abaptisi amɛ lɛ awoji lɛ anɔ nii jogbaŋŋ ni akɛ waonaa gbɛi awo shishi.
20 min: “Osɛɛ ni Oooku ni Oyatswa Hiɛsɔɔ Oma Shi.” Toibolɔi kɛ sanegbaa. Kɛ shiɛlɔi kɛ woji memeji miitsu nii lɛ, no lɛ feemɔ bɔ ni aaafee sɛɛsaramɔ yɛ mɔ ni he woji nɛɛ ateŋ ekome lɛ nɔ. Kɛ jeee nakai lɛ, feemɔ mɔ ni he Nyɔŋmɔ Sɛɛ Gbɛ ni Adesai Taoɔ wolo lɛ ni aaafee sɛɛsaramɔ yɛ enɔ lɛ he nɔkwɛmɔ nɔ ni akɛ ŋaawoi ni yɔɔ kuku 5 lɛ miifee enɛ.
Lala 154 kɛ naagbee sɔlemɔ.
Otsi ni Jeɔ Shishi January 17
Lala 167
10 min: Asafoŋ adafitswai kɛ shika he akɔntaabuu. Akɛ shika ni akɛmaje ni akpɛlɛ nɔ lɛ he saji afata he. Ajie shiɛlɔi ayi yɛ shika ni amɛkɛfiɔ Asafo lɛ nitsumɔi asɛɛ kɛ nyɛ asafo lɛ hu. Kaimɔ mɛi fɛɛ ni amɛgbeko amɛ Advance Directive/Release card lɛ nɔ niŋmalamɔ ni abiɔ ni afee lɛ naa lolo lɛ ni amɛfee nakai gbɛkɛ nɛɛ kɛtsɔ amɛ Asafo Woloŋ Nikasemɔ nɔkwɛlɔ lɛ loo onukpai krokomɛi lɛ ateŋ mɔ kome ŋɔɔ ni amɛaaya lɛ nɔ.
20 min: “Shikpɔŋkuku ni Atsuɔ Emli Nii Kpitiokpitio lɛ Mli Nitsumɔ.” Sanebimɔ-kɛ-hetoo ni sɔɔmɔ nɔkwɛlɔ lɛ baatsu he nii. Yɛ asafoi ni atsuɔ eshikpɔŋkuku mli nii shii abɔ lɛ gbɛfaŋ lɛ, afee Reasoning wolo lɛ hiɛkpamɔ wiemɔi ni atsɛ sɛɛ yɛ kukuji 4 kɛ 5 lɛ he nɔkwɛmɔ nɔ kɛ hiɛkpamɔ wiemɔ kroko ni sa ni jɛ kukuji 6 kɛ 7 lɛ mli loo eko ni akɛsaa he titri kɛha nyɛ shikpɔŋkuku lɛ he nɔkwɛmɔ nɔ. Yɛ asafoi ni nyɛɛɛ atsu amɛ shikpɔŋkuku lɛ mli nii kpitiokpitio lɛ gbɛfaŋ lɛ, akɛ hiɛkpamɔ wiemɔi krokomɛi ni sa ni jɛ Reasoning wolo lɛ mli atsu nii yɛ nɔkwɛmɔ nii lɛ amli. Esa akɛ akase nɔkwɛmɔ nii sɔrɔtoi lɛ jogbaŋŋ.
15 min: Mɛni Ji Shikpɔŋ lɛ Wɔsɛɛ Be? Edamɔ Reasoning wolo lɛ baafai 112-7 lɛ nɔ. (5 min.) Wiemɔ ni damɔ otii ni yɔɔ yitsei bibii lɛ ashishi ni jeɔ shishi yɛ baafai 112 kɛ 113 lɛ, kɛyashi nikasemɔ ni yɔɔ baafa 114 lɛ teŋgbɛ lɛ nɔ. (7 min.) Shiɛlɔ hee kɛ shiɛlɔ ni eda yɛ mumɔŋ ni yɔɔ niiashikpamɔ ni miisusu sane ni yɔɔ baafai 114-16 lɛ he. Shiɛlɔ hee lɛ wekumɛi ni yɔɔ je lɛŋ lɛ kɛ lɛ je ŋwane akɛ Biblia lɛ tsɔɔ akɛ abaakpata shikpɔŋ lɛ hiɛ. Shiɛlɔ hee lɛ bi yelikɛbuamɔ kɛjɛ shiɛlɔ ni yɔɔ niiashikpamɔ babaoo lɛ ŋɔɔ koni enu Biblia ŋmalɛi ni kɔɔ shikpɔŋ lɛ he lɛ shishi. (3 min.) Yɛ enaagbee lɛ, nyɛsusua sane ni yɔɔ baafa 117 ni ji “What kind of people will God favor with endless life on earth?” lɛ he. Wo hewalɛ koni mɔ fɛɛ mɔ amia ehiɛ ni ehe asa kɛha hegbɛ ni jɔɔmɔ yɔɔ mli nɛɛ.
Lala 176 kɛ naagbee sɔlemɔ.
Otsi ni Jeɔ Shishi January 24
Lala 178
10 min: Asafoŋ Adafitswai. Wo mɔ fɛɛ mɔ hewalɛ ni akɛ he awo shiɛmɔ nitsumɔ lɛ mli otsi nɛɛ. Tsɔɔmɔ gbɛjianɔ ni nyɛ asafo lɛ eto kɛha shiɛmɔyaa. Feemɔ woji tɛtrɛbii heei lɛ kɛhamɔ he nɔkwɛmɔ nɔ..
10 min: Sanebimɔ He. Wiemɔ ni akɛ toibolɔi aaasusu he. Ye obua mɔ fɛɛ mɔ koni anu nɔ hewɔ ni esa akɛ atsu saji ahe nii taakɛ atsɔɔ yɛ klɛŋklɛŋ kukuji etɛ lɛ mli lɛ. Beni okɛ ohe woɔ shia-kɛ-shia nitsumɔ mli lɛ, esa akɛ onyɛ okwɛ shikpɔŋkuku wolo-kotoku lɛ mli ni okadi shiai ni akɛɛ wɔ akɛ wɔkabote mli lɛ yɛ nɔ.
10 min: “Kpokpaa nɔ Kpee he Gbɛjianɔtoo Hee.” Toibolɔi kɛ sanegbaa. Wo mɔ fɛɛ mɔ hewalɛ koni abɔ mɔdɛŋ fɛɛ ni aaanyɛ koni aya kpokpaa nɔ kpee ni baa ni ka wɔhiɛ lɛ.
15 min: Asafo lɛ Shiɛmɔyaa Nitsumɔ. Sɔɔmɔ nɔkwɛlɔ kɛ onukpa kroko kwɛ asafo lɛ nitsumɔ ni etee nɔ nyɔji ejwɛ ni eho lɛ mli. Sɔɔmɔ Afi lɛ mlijaa etɛ mli ekome eho momo (September-December). Te asafo lɛ yaa nɔ ehaa tɛŋŋ? Jiemɔ asafo lɛ yi yɛ anɔkwayeli mli yɛ hei ni amɛbɔɔ mɔdɛŋ yɛ lɛ. Tsii ta otsɔɔ hei ni asafo lɛ baanyɛ aya hiɛ yɛ mli lɛ hu ni okɛ ŋaawoi ni hiɔ kɛ nitsumɔ aha. Okɛ shiɛmɔyaa mli niiashikpamɔ kome loo enyɔ ni ana yɛ klɛŋklɛŋ sɔɔmɔ afi lɛ mli klɛŋklɛŋ nyɔji ejwɛ lɛ ni woɔ mɔ hewalɛ aha kuku. Okɛ sane ni yɔɔ tɛɛ, ni tswaa mɔ emaa shi lɛ atsu nii kɛba naagbee. Yesu miishɛɛ ni enaa lɛ jɛɔ esɔɔmɔ nitsumɔ ni ekɛ ehe woɔ mli lɛ mli. Wɔ hu wɔbaana miishɛɛ babaoo yɛ be mli ni wɔkɛ wɔdeka tsuɔ nii ni Yehowa kɛha wɔ lɛ.—Yoh. 4:34; 1 Kor. 15:58.
Lala 179 kɛ naagbee sɔlemɔ.
Otsi ni Jeɔ Shishi January 31
Lala 186
5 min: Asafoŋ adafitswai. Wo mɔ fɛɛ mɔ hewalɛ koni eje shiɛmɔ nitsumɔ lɛ shishi mra kɛtsɔ ehe ni ekɛaawo mli otsi nɛɛ lɛ nɔ. Abaanyɛ akɛ ŋaawoi ni yeɔ buaa aha kɛha woji tɛtrɛbii heei lɛ kɛhamɔ.
10 min: Okɛ Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ aha yɛ Shia kɛ Shia. Wolo lɛ he sɛɛnamɔ ni aka akwɛ yɛ bɔ ni akɛyeɔ abuaa mɛi koni amɛle ni amɛja Yehowa lɛ he wiemɔ kuku ni yɔɔ miishɛɛ. Feemɔ bɔ ni shiɛlɔ kɛ ŋaawoi ni atsɔɔ yɛ Wɔ Maŋtsɛyeli Sɔɔmɔ nɛɛ mli lɛ baatsu nii koni ekɛsaa ehe kɛha wolo nɛɛ kɛ nitsumɔ yɛ shiɛmɔ nitsumɔ mli.
20 min: “Mɛni Ejaaa Yɛ Tsofai Fɔji kɛ Nitsumɔ ni Akaa Akwɛɔ lɛ He? Shiɛlɔi obalaŋtai enyɔ kɛ onukpa ko susu bɔ ni tsofai fɔji kɛ nitsumɔ egbɛ eshwa yɛ skul lɛ he sane. Onukpa lɛ tsɔɔ mli akɛ eyɛ mli akɛ atsiko tsofai fɔji ni akɛtsuɔ nii nɛɛ ata diɛŋtsɛ yɛ Biblia lɛ mli moŋ, shi abaanyɛ ana gbɛtsɔɔmɔi kpakpai ni kɔɔ tsofai kɛ nitsumɔ he yɛ Reasoning wolo lɛ baafai 106-12 lɛ. Obalaŋtai lɛ kɛ ŋaawoi ha amɛ diɛŋtsɛ amɛhe yɛ bɔ ni amɛaafee ni amɛtsɔ gbɛi sɔrɔtoi anɔ ni amɛteŋ mɔ fɛɛ mɔ ate shi awo nɔnyɛɛ ni jɛɔ tipɛŋfoi aŋɔɔ kɛbaa lɛ he.
10 min: Asafoŋ hiamɔ nii. Aloo wiemɔ ni onukpa kɛbaaha ni ji “Na Jwɛŋmɔ Kpakpa yɛ Nyɔŋmɔ Mɔbɔnalɛ lɛ He,” ni damɔ October 1, 1993 Buu-Mɔɔ lɛ baafai 22-5 lɛ nɔ.
Lala 188 kɛ naagbee sɔlemɔ.