Ye Obua Mɛi Krokomɛi ni Amɛkase Anɔkwale Lɛ
1 Yesu ba shikpɔŋ nɔ koni ebaye anɔkwale lɛ he odase. Bɔni afee ni ashiɛ anɔkwale lɛ atsɔɔ mɛi krokomɛi lɛ, etsɔse ekaselɔi lɛ koni amɛfee tsɔɔlɔi. Ena nɔmimaa waa yɛ omanye ni amɛaaye yɛ mɛi krokomɛi anitsɔɔmɔ lɛ mli aahu akɛ etsɛ amɛ akɛ ‘maŋ tsɔɔlɔi.’ (Mat. 13:52, NW) Ekɛ amɛteŋ mɔ fɛɛ mɔ to woloŋlelɔ ko ni yɔɔ anɔkwa jwetiri nitoohe ni ejieɔ nii kɛjɛɔ mli lɛ he. Yesu kaselɔi lɛ kɛ woji tsuɔ nii ŋmɛnɛ koni amɛha Maŋtsɛyeli shiɛmɔ nitsumɔ lɛ aya oya. Akɛ nɔkwɛmɔ nɔ lɛ, wɔyɛ woji bibii sɔrɔtoi pii ni wɔkɛaatsu nii koni wɔkɛye wɔbua mɛi krokomɛi ni amɛtsɔmɔ kaselɔi. Te wɔɔfee tɛŋŋ ni wɔkɛ dɛŋdadei ni sɛɛnamɔ yɔɔ he waa nɛɛ aaatsu nii?
2 Bɔni afee ni oje sanegbaa shishi koni okɛ “A Secure Future—How You Can Find It” wolo bibioo lɛ aha lɛ, obaanyɛ obi akɛ:
◼ “Ani osusu nɔ hewɔ ni yɛ mɔdɛŋ fɛɛ ni gbɔmɔ bɔɔ lɛ sɛɛ lɛ, etamɔ nɔ ni nibii kpakpai tsɔ ko jɛɛɛ gbɛkpamɔi kɛha wɔsɛɛ shweshweeshwe shihilɛ mli kɛbaaa lɛ? [Ŋmɛɛ gbɛ ni ewie.] Biblia lɛ tsɔɔ nɔ hewɔ ni mɔdɛŋ babaoo ni abɔ lɛ fɛɛ yeee omanye lɛ mli.” Kanemɔ Lala 146:3, 4. Beni okɛ shiatsɛ lɛ esusu sane ni yɔɔ kuku 6 lɛ he sɛɛ lɛ, obaanyɛ obi akɛ: “Namɔ diɛŋtsɛ baanyɛ ekɛ shweshweeshwe shihilɛ ni hiɔ shi daa lɛ abaha wɔ?” Obaanyɛ okpɛ oyiŋ kɛ okɛ lɛ aaasusu otii ni yɔɔ kuku 7 lɛ mli lɛ he loo ni oto gbɛjianɔ koni ofee nakai be kroko, yɛ bɔ ni shiatsɛ lɛ baaha hetoo eha lɛ naa.
3 Naa gbɛ kome ni obaanyɛ otsɔ nɔ okɛ “Is There a God Who Cares?” wolo bibioo lɛ atsu nii:
◼ “Mɛi babaoo ebi sane ni jeɔ kpo yɛ niŋmaa ni yɔɔ mfonirii enyɔ nɛɛ ashishigbɛ lɛ. [Kanemɔ sanebimɔ ni yɔɔ baafai 6 kɛ 7 shishigbɛ lɛ, ni oŋmɛ gbɛ ni ewie.] Akɛni Nyɔŋmɔ ni yɔɔ suɔmɔ lɛ kɛ ekpakpa kɛ efɔŋ tsuŋ nii yɛ be kome too lɛ nɔŋŋ mli hewɔ lɛ, mɛni osusuɔ yɛ eshiwoo ni aŋma yɛ biɛ yɛ Yesaia 65:21-24 lɛ he?” Kɛ ewie nɔ ko ni tsɔɔ akɛ eyɛ he miishɛɛ lɛ, gbelemɔ kɛya kuku 37, ni otsɔɔ nɔ ni Nyɔŋmɔ Maŋtsɛyeli lɛ baatsu lɛ mli oha lɛ.
4 Kɛji okɛ “There Is Much More to Life!” wolo bibioo lɛ miiha lɛ, obaanyɛ okɛɛ akɛ:
◼ “Bɔ ni shihilɛ mli yɔɔ ha lɛ etsɔ nitsumɔ keketee ni haa mɛi pii yeɔ ŋkɔmɔ kɛ nɔ ni jeɔ amɛ tsine. Mɛni osusuɔ akɛ ehe miihia koni eha shihilɛ afee nɔ ni shishinumɔ babaoo yɔɔ mli? [Ha shiatsɛ lɛ atsɔɔ ejwɛŋmɔ.] Biblia lɛ tsɔɔ akɛ Nyɔŋmɔ yɛ nibii kpakpai ni ekɛbaaha wɔ. Kwɛmɔ nɔ ni ekɛɛ yɛ biɛ yɛ Kpojiemɔ 21:4, 5.” Kɛ ebaahi lɛ, okɛ otii ni jɛ wolo bibioo lɛ kuku 42 lɛ mli atsa sanegbaa lɛ nɔ.
5 Kɛ akɛ “Na Wala Mli Ŋɔɔmɔ yɛ Shikpɔŋ nɔ Kɛya Naanɔ!” wolo bibioo miitsu nii lɛ, shiɛlɔ obalaŋta ko baanyɛ abi akɛ:
◼ “Ani obaasumɔ ni ohi paradeiso shikpɔŋ ni tamɔ nɛkɛ nɔ? [Okɛ esɛɛ wolo lɛ atsɔɔ, ni oŋmɛ gbɛ ni ewie.] Mi kɛ miweku lɛ miikpa gbɛ akɛ wɔbaahi mli yɛ nɔ ni Biblia lɛ kɛɔ yɛ biɛ yɛ Yohane 17:3 lɛ hewɔ.” Kɛ okane ŋmalɛ lɛ ogbe naa lɛ, okɛ wolo bibioo lɛ aha mɔ lɛ ni ekane.
6 Kɛ nyɛkɛ woji bibii loo brochure krokomɛi miitsu nii nyɔŋ nɛɛ nɔ yɛ nyɛ sɔɔmɔ nitsumɔ lɛ mli lɛ, obaanyɛ okwɛ ŋaawoi ni atsɔɔ kɛtsɔ hiɛ lɛ anɔ koni okɛfee ohiɛkpamɔ wiemɔi kɛ shiɛmɔ wiemɔi. Kaimɔ ni owiemɔ lɛ afee kuku ni etswa mɔ ema shi koni etee shiatsɛmɛi lɛ amiishɛɛ shi.
7 Yehowa kɛ anɔkwale lɛ eha wɔ. Esa akɛ wɔkɛ hegbɛi ni akɛmamɔ wɔhiɛ lɛ atsu nii koni wɔkɛ mɛi krokomɛi aja, kɛtsɔ woji anɔ loo yɛ saji ni wɔkɛ mɛi ni wɔkɛkpeɔ lɛ gbaa lɛ nɔ. Wɔtsɔɔ nɛkɛ gbɛ nɔ wɔtsɔɔ akɛ maŋ tsɔɔlɔi kɛha mɛi krokomɛi anaanɔ sɛɛnamɔ ji wɔ.—Mat. 28:19, 20.