Sanebimɔ He

◼ Mɛni esa akɛ woloŋmalɔ lɛ afee kɛ́ daa gbɛgbalɔ ko jɛ asafo kroko mli kɛba lɛ?

Esa akɛ woloŋmalɔ lɛ kɛ gbɛhe ko ni ashi yɛ Congregation Report (S-1) lɛ sɛɛ lɛ atsu nii koni ekɛha Asafo lɛ ale. Esa akɛ eŋma gbɛgbalɔ lɛ tsutsu asafo lɛ mli woloŋmalɔ lɛ oya nɔŋŋ koni ebi Congregation’s Publisher Record woji (S-21) ni yɔɔ woji amli (woji fɛɛ ni yɔɔ kɛyashi afii kpaanyɔ) lɛ kɛ wolo ko ni jɛ Congregation Service Committee lɛ ŋɔɔ ni baawie ehe lɛ hu. Akɛ enɛ baatsu nii nakai nɔŋŋ kɛ́ shiɛlɔ ko shi asafo lɛ mli kɛtee.

Kɛ gbɛgbalɔ ko shi kɛtee ni no kɛ tsakemɔ wulu ko ba eshihilɛ mli lɛ, bei pii lɛ ewaa kɛhaa lɛ akɛ eeeyahi shi kwraa ni eto gbɛjianɔ kpakpa kɛha sɔɔmɔ. Gbɛgbalɔ lɛ hiɛ sɔɔ jogbaŋŋ kɛ onukpai kɛ yelikɛbuamɔ ni suɔmɔ yɔɔ mli ha lɛ koni efãa kɛmiiya asafo hee lɛ mli lɛ afee nɔ ni naagbai tsɔ bɛ mli.

Be mli ni emɛɔ woji ni baajɛ tsutsu asafo lɛ mli aba lɛ, akɛ gbɛgbalɔ daa nyɔŋ nɔ amaniɛbɔi lɛ baaha woloŋmalɔ ni yɔɔ asafo hee lɛ mli lɛ koni ekɛto kɛyashi be mli ni nine baashɛ woji lɛ anɔ.​—⁠Kwɛmɔ Sanebimɔ He ni yɔɔ Wɔ Maŋtsɛyeli Sɔɔmɔ kɛha March 1991 (Volume 34, No. 3) lɛ.

Kaimɔ: Woloŋmalɔ lɛ kɛ Pioneer Ser­vice Identification woji (S-202) lɛ eko haa kɛtoɔ najiaŋ kɛhaa gbɛgbalɔi pɛ ni fãa kɛbaa asafo lɛ mli yɛ Ghana. Esa akɛ gbɛgbalɔi ni laajeɔ amɛ wolo lɛ, ni tsakeɔ amɛ gbɛi yɛ gbalashihilɛ, gbala mlitsemɔ, kɛ ekrokomɛi ahewɔ, loo amɛjɛɔ hei ni nitsumɔ he nine kroko sɔmɔɔ amɛ lɛ, ahe amɛwolo hee lɛ kɛjɛ Asafo lɛ ŋɔɔ, shi jeee yɛ woloŋmalɔ lɛ dɛŋ. Esa akɛ woloŋmalɔ lɛ aŋma Asafo lɛ, koni etsɔɔ shihilɛ lɛ mli, ni ebi ni aha lɛ wolo hee.