Ohiɛ Ahi Onitsɔɔmɔ lɛ Nɔ Daa

¹ Teokrase Sɔɔmɔ Skul gbɛjianɔtoo hee lɛ baaje shishi yɛ January 1995. Mɛni yɔɔ ehee yɛ gbɛjianɔtoo lɛ mli? Yehowa ŋmɛnɛŋmɛnɛ beaŋ gbɛjianɔtoo lɛ yinɔsane ni yɔɔ miishɛɛ lɛ baafee saneyitso ni abaawie he yɛ tsɔsemɔ wiemɔi lɛ babaoo mli. Yɛ afi lɛ mli fɛɛ lɛ, abaasusu Jehovah’s Witnesses​—⁠Proclaimers of God’s Kingdom wolo lɛ baafai 178 mli saji ahe. Akɛni abiŋ saji ni akɛbaatĩ wiemɔ lɛ mli yɛ tsɔsemɔ wiemɔ ni ahaa kɛjɛɔ Proclaimers wolo lɛ mli lɛ sɛɛ hewɔ lɛ, mɛni wɔbaanyɛ wɔfee ni wɔhiɛ ahi wɔ nitsɔɔmɔ lɛ nɔ, koni wɔha emli sɛɛnamɔi lɛ afa jogbaŋŋ kɛmɔ shi?​—⁠1 Tim. 4:⁠16.

² Eyɛ mli akɛ mɛi pii ekane Proclaimers wolo lɛ momo moŋ, shi emli saji lɛ ahesusumɔ yɛ skul gbɛjianɔtoo lɛ mli baaye abua mɛi fɛɛ ni amɛna hiɛsɔɔ babaoo amɛha amɛ teokrase gboshinii ni amɛna lɛ.​—⁠Lala 71:​17, 18.

³ Tsɔsemɔ Wiemɔi ni Ekaa kɛ Miishɛɛ Yɔɔ Mli: Esa akɛ tsɔsemɔ wiemɔi ni ahaa kɛjɛɔ Proclaimers wolo lɛ mli lɛ afee nɔ ni ekaa kɛ miishɛɛ yɔɔ mli. Esa akɛ emamɔ bɔ ni emli saji lɛ ahe yɔɔ sɛɛnamɔ diɛŋtsɛ lɛ nɔ mi, ni akɛtsu nii ni akɛha bulɛ ni ayɔɔ kɛha Yehowa gbɛjianɔtoo lɛ kɛ hiɛsɔɔ ni wɔyɔɔ kɛha hegbɛi ni wɔna akɛ Nyɔŋmɔ tsuji lɛ mli akwɔ waa. Kɛ weku fɛɛ weku ni baa Skul lɛ hiɛɔ Proclaimers wolo lɛ eko kɛbaa kpee lɛ, no lɛ weku lɛ mlibii lɛ baanyɛ anyiɛ tsɔsemɔ wiemɔ lɛ sɛɛ jogbaŋŋ ni amɛna mfonirii ni yɔɔ wolo lɛ mli lɛ hu ahe sɛɛ.

⁴ Biblia Kanemɔi ni Kanyaaws-1, Niiahesusumɔ: Nikanemɔ jogbaŋŋ, kɛ emli otii lɛ anɔmimaa kɛ henumɔ kpakpa, ji nitsɔɔmɔ ni mɔɔ shi jogbaŋŋ lɛ fã ko ni he hiaa. Esa akɛ Wiemɔ 2 lɛ hiɛkpamɔ wiemɔ lɛ akanya mɔ, ni enaamuu wiemɔ lɛ hu afee nɔ ni yiŋtoo yɔɔ sɛɛ.

⁵ Abaanyɛ ana saji krokomɛi ni tsɔɔ skul lɛ gbɛjianɔtoo kɛ bɔ ni esa akɛ atsu emli nifeemɔi ahe nii aha lɛ yɛ “Theocratic Ministry School Schedule for 1995” lɛ mli. Saamɔ ohe jogbaŋŋ kɛha Teokrase Sɔɔmɔ Skul lɛ.