Sɔɔmɔ Kpeei Kɛha August
Otsi ni Jeɔ Shishi August 7
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Atsɔɔ woji tɛtrɛbii heei lɛ amli saji ni abaanyɛ akɛtsu nii yɛ shiɛmɔ wiemɔi amli.
15 min: “Mɛɛ Gbɔmɛi Sa akɛ Nyɛtsɔmɔ?” Sanebimɔi kɛ hetooi.
20 min: “Nyɛfea Nyɔŋmɔ Wiemɔ lɛ Tsɔɔlɔi—Kɛtsɔ Woji Bibii kɛ Nitsumɔ Nɔ.” Nyɛmi nuu ni akɛ nifeemɔ nɛɛ baaha lɛ lɛ kɛ shiɛlɔi enyɔ loo etɛ baasusu woji bibii lɛ amli saji sɔrɔtoi lɛ ahe. No sɛɛ lɛ amɛkɛ amɛhe baaka amɛshiɛmɔ wiemɔi lɛ amɛkwɛ.
Lala 137 kɛ naagbee sɔlemɔ.
Otsi ni Jeɔ Shishi August 14
15 min: Asafoŋ adafitswai. Shika he akɔntaabuu. Sanebimɔ He.
15 min: Okɛ Skul Atsu Nii Jogbaŋŋ Kɛmɔ Shi. Onukpa baafee bɔ ni fɔlɔ ko kɛ ebi nuu loo ebi yoo ni yeko afii nyɔŋmai enyɔ gbaa bɔ ni ehe hiaa ni ehala nibii ni ebaakase yɛ skul lɛ he nɔkwɛmɔ nɔ. Awie bɔ ni ehe hiaa ni ahala nikasemɔi ni baaye abua ni anyɛ akɛ sɔɔmɔ nitsumɔ lɛ afee shihilɛ mli nitsumɔ lɛ ahe.—Kwɛmɔ November 1, 1992, Buu-Mɔɔ, baafai 16-18, kukuji 3-11.
15 min: “Fɔlɔi ni Amɛmli Filiɔ Amɛ!” Wiemɔ ni onukpa baaha. Akɛ otii ni jɛ November 1, 1987, Buu-Mɔɔ, baafai 23-25, kukuji 14-23 afata he.
Lala 157 kɛ naagbee sɔlemɔ.
Otsi ni Jeɔ Shishi August 21
10 min: Asafoŋ adafitswai. Asusu “Wɔ Akɔntaabui” he.
15 min: “Sɛɛsaramɔi ni Yeɔ Omanye Biɔ Nitsɔɔmɔ ni Mɔɔ Shi.” Ati otii lɛ amli ni afee nɔkwɛmɔ nɔ kuku kome loo enyɔ.
20 min: “Suɔmɔ Mli ni Wɔɔjɛ Wɔkɛ Wɔhe Aha Nitsumɔ Kpakpa Fɛɛ Nitsumɔ Kpakpa.” Sanebimɔi kɛ hetooi ni onukpa ko baatsu he nii. Atsɔɔ asafo lɛ hiamɔ nii kɛ gbɛi ni mɔ fɛɛ mɔ baanyɛ atsɔ nɔ aye abua.
Lala 156 kɛ naagbee sɔlemɔ.
Otsi ni Jeɔ Shishi August 28
Lala 173
10 min: Asafoŋ adafitswai. Atswa shiɛmɔyaa he gbɛjianɔtoo kɛha otsi lɛ he adafi.
15 min: “Kristofoi Ajeŋba yɛ Skul.” Sanebimɔi kɛ hetooi. Awo fɔlɔi hewalɛ ni amɛkɛ amɛbii lɛ atĩ July 15, 1991, Buu-Mɔɔ, (Vol. 112, No. 14) baafai 23-6 mli, titri lɛ hei ni kɔɔ saji ni ekolɛ gbekɛbii lɛ kɛbaakpe lɛ ahe lɛ.
20 min: Okɛ Obaanyɛ Ohi Shi wolo lɛ aha yɛ September mli. Tsɔɔmɔ bɔ ni wolo nɛɛ tsuɔ gbɛfaŋnɔ ni he hiaa yɛ Yehowa kojomɔ shɛɛ sane lɛ kɛhamɔ mli. (Kwɛmɔ June 1, 1988, Buu-Mɔɔ, baafai 23-4, kukuji 17-18.) Gbaa niiashikpamɔ ni yɔɔ kukuji 3-4 yɛ April 1, 1992, Buu-Mɔɔ baafa 15 lɛ. Gbalamɔ jwɛŋmɔ kɛya mfonirii fɛfɛji ni jeɔ kpo yɛ wolo lɛ baafai 3, 11-13, kɛ 156-8 lɛ anɔ. Asusu gbɛi ni abaatsɔ nɔ akɛ mfonirii nɛɛ atsu nii kɛje sanegbaa shishi lɛ ahe. Aha shiɛlɔ ni he esa kɛ Ŋmalɛi ni akɛtsu nii yɛ baafai 156-8 lɛ ekome atsu nii kɛfee nɔkwɛmɔ nɔ kuku. Ama oti ni ji mɔdɛŋ ni aaabɔ ni akɛje Biblia mli nikasemɔ shishi lɛ nɔ mi. Akai mɔ fɛɛ mɔ ni ehe eko kɛha otsi nɛɛ naagbee nitsumɔ.
Lala 178 kɛ naagbee sɔlemɔ.