Sɔɔmɔ Kpeei Kɛha April
Otsi ni Jeɔ Shishi April 1
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Asusu “Ani Obaanyɛ Okɛ Ohe Aha Koni Oyasɔmɔ yɛ Kooyigbɛ?” he. Tsii nyɛ Kaimɔ lɛ yeli he amaniɛbɔi fɛɛ ni sa kadimɔ jogbaŋŋ lɛ tã otsɔɔ.
20 min: “Feemɔ ‘Ekãa yɛ Nitsumɔi Kpakpai Ahe’ yɛ April Mli!” Emli kukuji 1-10 lɛ sanebimɔ-kɛ-hetoo ni sɔɔmɔ nɔkwɛlɔ baatsu he nii. Tsɔɔmɔ (1) nɔ ni nyɛ asafo lɛ eto he gbɛjianɔ kɛha shiɛmɔ nitsumɔ babaoo yɛ April, (2) bɔ ni abaanyɛ afee aye abua mɔ fɛɛ mɔ ni ekɛ ehe awo mli, kɛ (3) bɔ ni abaanyɛ afee ni akɛ mɛi heei kɛ gbekɛbii bibii afata he.
15 min: “Taomɔ Mɛi ni Hiɛ Jwɛŋmɔ Kpakpa Lɛ.” Atĩ shiɛmɔ wiemɔi ni akɛha lɛ mli, koni no sɛɛ lɛ afee nɔkwɛmɔ nii enyɔ ni tsɔɔ bɔ ni abaanyɛ afee ni akɛtsu nii. Kɛ be yɛ lɛ, gbaa ŋaawoi kɛha woji tɛtrɛbii kɛhamɔ ni anaa yɛ September 1995 Wɔ Maŋtsɛyeli Sɔɔmɔ, baafa 5 lɛ mli lɛ ekomɛi ahe sane otsɔɔ.
Lala 20 kɛ naagbee sɔlemɔ.
Otsi ni Jeɔ Shishi April 8
15 min: Asafoŋ adafitswai. Shika akɔntaabuu; tsĩi shika ni akɛke ni Asafo lɛ ekpɛlɛ nɔ lɛ ta otsɔɔ. Atsɔɔ gbɛi kpakpai ni wɔbaanyɛ wɔtsɔ nɔ wɔye wɔbua mɛi heei ni ba Kaimɔ lɛ koni amɛya amɛhiɛ lolo yɛ mumɔŋ. Atĩ (April 1, 1991) Vol. 112, No. 7 GA Buu-Mɔɔ, baafai 9-12 lɛ mli.
15 min: “Okɛ Sɔɔmɔ Krɔŋkrɔŋ Aha Shwane kɛ Nyɔɔŋ.” Sanebimɔi kɛ hetooi. Kanemɔ kukuji 5 kɛ 6.
15 min: “Feemɔ ‘Ekãa yɛ Nitsumɔi Kpakpai Ahe’ yɛ April Mli!” Emli kukuji 11-15 lɛ sanebimɔ-kɛ-hetoo. Wo mɔ fɛɛ mɔ hewalɛ koni amɛpɛi amɛ shihilɛi amli ni amɛtao gbɛi ni amɛaatsɔ nɔ amɛha shiɛmɔ nitsumɔ lɛ sɛɛ ni amɛfiɔ lɛ aya hiɛ.
Lala 113 kɛ naagbee sɔlemɔ.
Otsi ni Jeɔ Shishi April 15
10 min:Asafoŋ adafitswai. Kaimɔ toibolɔi yɛ maŋshiɛmɔ krɛdɛɛ ni abaaha yɛ April 21, ni yitso ji “Ní Aaahi Shi akɛ Mɔ ni He Bɛ Shwamɔ ko Yɛ Yinɔ Kɔɔdɔŋ Mli” lɛ he. Wo hewalɛ koni abɔ mɔdɛŋ babaoo ni aye abua mɔ fɛɛ mɔ ni eya.
15 min: “Bei Etsake.” Sanebimɔi kɛ hetooi. Maa Maŋtsɛyeli he shɛɛsane ni akɛaaha yɛ gbɛ ni saa gbɔmɛi lɛ ahiamɔ nii fe fɛɛ he lɛ nɔ mi. Tsɔɔmɔ weku mli saji, kɛ shihilɛ mli saji ni yɔɔ mɛi babaoo ajwɛŋmɔ mli lɛ, taakɛ aŋma yɛ January 1, 1994 Buu-Mɔɔ, baafai 22-3 lɛ.
20 min: “Hemɔkɛyeli Nyiɛɔ Sane ni Anu lɛ Sɛɛ Kɛbaa.” Gbaa bɔ ni abaanyɛ akɛ woji tɛtrɛbii ni akɛhaa lɛ kɛ amɛshɛɛ lɛ atsu nii ni akɛtee miishɛɛ shi koni eha anyɛ akɛ Nilee wolo lɛ afee Biblia mli nikasemɔi lɛ he sane otsɔɔ. Ha afee shiɛmɔ wiemɔi enyɔ loo etɛ he nɔkwɛmɔ nii.
Lala 204 kɛ naagbee sɔlemɔ.
Otsi ni Jeɔ Shishi April 22
15 min: Asafoŋ adafitswai. Tĩi maŋshiɛmɔ krɛdɛɛ ni aha yɛ otsi lɛ naagbee ni ho lɛ mli saji otii amli. Tsɔɔmɔ bɔ ni esa akɛ ŋaawoo nɛɛ akanya mɛi ni yɔɔ he miishɛɛ lɛ ni amɛkɔ shidaamɔ ni yɔɔ shiŋŋ amɛha anɔkwa jamɔ. Agbɛnɛ, gbalamɔ jwɛŋmɔ kɛya “Yaa nɔ Ona Anɔkwa Nilee Babaoo” lɛ nɔ, ni oma bɔ ni ehe hiaa ni aya Asafo Woloŋ Nikasemɔ daa lɛ nɔ mi.
12 min: Sanebimɔ He. Wiemɔ ni onukpa baatsu he nii. Tsɔɔmɔ nɔ hewɔ ni esa akɛ nyɛmimɛi hii ni kwɛɔ kpeei anɔ lɛ akwa nifeemɔ ni esaaa kwraa lɛ ni ji mɛi aŋkroaŋkroi ni akɛ amɛ klɛŋklɛŋ gbɛi pɛ tsɛɔ amɛ lɛ.
18 min: Nikasemɔ ni yitso ji, “Tsutsu Wekui ni Sheɔ Nyɔŋmɔ Gbeyei—Nɔkwɛmɔ Nɔ Kɛha Wɔgbii Nɛɛ” ni yɔɔ September 15, 1995 Buu-Mɔɔ ni je kpo lɛ baafai 20-3 lɛ ni onukpa kɛ asafoŋ sɔɔlɔ baagba he sane. Aha ekɛ nitsumɔ yɛ shihilɛ mli lɛ asa wekui ni yɔɔ nyɛ asafo lɛ mli lɛ ahe.
Lala 143 kɛ naagbee sɔlemɔ.
Otsi ni Jeɔ Shishi April 29
12 min: Asafoŋ adafitswai. Mɛi komɛi wieɔ Yehowa Odasefoi ahe akɛ “kuu-fã” loo “teemɔŋ jamɔ kuu,” ni amɛlakaa mɛi krokomɛi yɛ wɔ nitsumɔi kɛ wɔ yiŋtoi ahe. Okɛ Reasoning wolo lɛ baafa 202 lɛ atsu nii ni okɛtsɔɔ bɔ ni aaatsɔɔ kuku akɛ nɛkɛ naafolɔmɔ nɛɛ ejaaa.
15 min: Ní Wɔɔtsu Nii yɛ Wɔ Shikpɔŋkuku lɛ Mli Fɛɛ Pɛpɛɛpɛ. Wiemɔ ni sɔɔmɔ nɔkwɛlɔ baatsu he nii. Afɔɔɔ nitsumɔ yɛ hei ni yɔɔ shɔŋŋ loo ejekɛ lɛ. Ekolɛ mɛi komɛi baakpɛ amɛyiŋ akɛ amɛtsuŋ nii yɛ hei ni niiatsɛmɛi babaoo yɔɔ loo mɛi ni amɛtu amɛhe amɛha amɛjamɔ waa lɛ fa yɛ lɛ. Ekolɛ abaakwa shikpɔŋkukuji ni nitsumɔ hei yɔɔ jɛmɛ lɛ. Ekolɛ shiɛlɔi komɛi baabi daa koni aha amɛ shikpɔŋkukuji ni amɛ diɛŋtsɛ amɛsumɔɔ moŋ fe ni amɛaaya hei ni ehe miihia ni atsu nii yɛ mli bianɛ lɛ. Wo mɔ fɛɛ mɔ hewalɛ koni amɛfee ekome ni amɛbɔ mɔdɛŋ akɛ amɛaatsu nii yɛ shikpɔŋkukuji ni atsuuu nii yɛ mli lɛ. Bei pii lɛ hulutsoo be lɛ haa anaa hegbɛ kpakpa ni akɛaatsu nii yɛ akrowai amli; ekolɛ abaanyɛ ato gbɛjianɔ ni ata kar mli kɛya. Akwɛ ni atsu shikpɔŋkuku lɛ fɛɛ mli nii, kɛ hei ni mɛi bɛ shia lɛ, dani akɛ shikpɔŋkukuji he woji lɛ aba. Akɛ bɔ ni mɔ fɛɛ mɔ baaye abua koni nyɛtsu nyɛ shikpɔŋkuku lɛ fɛɛ mli nii jogbaŋŋ lɛ he ŋaawoi kpakpai aha.
18 min: Ha Ashɛ Buu-Mɔɔ kɛ Awake! lɛ yɛ May. Kadimɔ woji fɛɛ ni okɛha lɛ ofɔ shi, kɛ oti ni ma ohiɛ akɛ oooná mɛi ni oooha amɛ woji tɛtrɛbii daa yɛ he ni ashɛɛɛ eko yɛ lɛ. Maa woji tɛtrɛbii ni ajaa, ákɛ gbɛ̀i ni hi fe fɛɛ lɛ ateŋ ekome, ni atsɔɔ nɔ ahaa Maŋtsɛyeli shɛɛsane lɛ shɛɔ maŋbii aŋɔɔ lɛ he sɛɛnamɔ ni mɔɔ shi jogbaŋŋ lɛ nɔ mi otsɔɔ. Akwɛ koni wɔna eko beni wɔtee shiɛmɔ; akɛha yɛ hegbɛ fɛɛ hegbɛ ni aaana lɛ mli. Gbɛjianɔ ni mɔ diɛŋtsɛ baato kɛha daa otsi Woji Tɛtrɛbii Agbi lɛ ji gbɛ ni hi ni aaatsɔ nɔ akɛ babaoo aha. Woji tɛtrɛbii ni akɛaaha yɛ shwapoi anaa kɛ gbɛjegbɛ nɔ odaseyeli mli lɛ hu woɔ yibii. Feemɔ sɛɛsaramɔi ni okɛdi miishɛɛ lɛ sɛɛ, koni oto gbɛjianɔ kɛha Nilee wolo lɛ ni okɛaaje nikasemɔ shishi. Afee eheei ni eba lɛ kɛhamɔ he nɔkwɛmɔ nɔ kome loo kukuji enyɔ, ekolɛ ni akɛ shiɛmɔ wiemɔi ni yɔɔ September 1995 Wɔ Maŋtsɛyeli Sɔɔmɔ, baafa 3, kukuji 3-5 lɛ miitsu nii.
Lala 195 kɛ naagbee sɔlemɔ.