Wɔbaakase Weku Miishɛɛ Wolo Lɛ

Ebaafee bo miishɛɛ akɛ ooole akɛ, kɛjɛ October 6, 1997 otsi lɛ kɛyaa, wɔbaakase wolo ni ji Nɔ Diɛŋtsɛ ni Kɛ Weku Miishɛɛ Baa lɛ yɛ Asafo Woloŋ Nikasemɔ lɛ shishi. Mɔ ko mɔ ko sumɔŋ ni Ŋmalɛ mli gbɛtsɔɔmɔ ni abaanyɛ akɛtsu nii kɛha weku miishɛɛ shihilɛ yɛ akutsoŋ nikasemɔ nɛɛ aŋmɛɛ lɛ. Nikasemɔ he gbɛjianɔtoo lɛ baaha apɛi wolo lɛ mli kuku fɛɛ kuku kɛ Biblia ŋmalɛ fɛɛ Biblia ŋmalɛ mli fitsofitso.

Abaakase klɛŋklɛŋ yitso lɛ fɛɛ yɛ klɛŋklɛŋ otsi nikasemɔ lɛ mli, akɛni ŋmalɛi fioo komɛi ni aŋmalako yɔɔ mli hewɔ. Yɛ enɛ nɔŋŋ hewɔ lɛ, abaakase yitso 15 lɛ yɛ be kome mli. Shi kɛlɛ, abaaja yitsei krokomɛi lɛ eko fɛɛ eko mli awo fãi enyɔ mli, ni abaakase nɔ ni shɛɔ yitso fɛɛ yitso mlijaa fã daa otsi. No hewɔ lɛ, abaana be ni fa saŋŋ akɛkane ni agba ŋmalɛi fɛɛ ni aŋmalako amɛmli wiemɔi lɛ he sane koni agbɛnɛ asusu bɔ ni akɛ ŋmalɛi fɛɛ ni aŋmala amɛmli wiemɔi yɛ kuku fɛɛ kuku mli lɛ baatsu nii aha lɛ jogbaŋŋ kɛmɔ shi.

Nikasemɔ lɛ fã ko ni he hiaa lɛ baafee nitsɔɔmɔ akrabatsa ni yɔɔ yitso fɛɛ yitso naagbee lɛ mli sane lɛ he sanegbaa. No hewɔ lɛ, esa akɛ ato be ni fa bɔ ni sa koni akɛgba sanebimɔi kɛ ŋmalɛi ni yɔɔ akrabatsa lɛ mli lɛ mli ŋmalɛi ni aŋmalako amɛmli wiemɔi lɛ he sane.

Aawo Asafo Woloŋ Nikasemɔ nɔkwɛlɔi hewalɛ koni amɛsusu amɛhe saamɔ kɛha nikasemɔ lɛ he jogbaŋŋ diɛŋtsɛ koni amɛwo mɛi fɛɛ ni yɔɔ amɛkuu lɛ mli lɛ ni mɛi heei fata he lɛ hewalɛ koni amɛsaa amɛhe jogbaŋŋ, amɛba daa ni amɛkɛ amɛhe awo mli.—om 74-6.