Teokrase Lɛ He Saji

Liberia: Yɛ be mli ni akɛ nyɔji 15 eŋa nitsumɔhe nine ni yɔɔ Monrovia lɛ naa yɛ maŋ ta hewɔ sɛɛ lɛ, aku sɛɛ agbele naa ekoŋŋ yɛ September 1. Amɛbɔ shiɛlɔi 1,977 ni fa fe fɛɛ he amaniɛ yɛ September mli.

Mozambique: Aná shiɛlɔi ayifalɛ hee ni ji 28,005 yɛ September. Tsutsu yifalɛ ni fe fɛɛ lɛ ji 25,790 yɛ May 1975, no hewɔ lɛ enɛ ji nɔyaa ni sa kadimɔ yɛ Mozambique teokrase yinɔsane mli.

Nepal: Aná shiɛlɔi ayifalɛ hee ni ji 306 yɛ September. Aafee Biblia mli nikasemɔi ni miihe ashɛ 500 bianɛ.

St. Helena: Akɛ Maŋtsɛyeli Sanekpakpa No. 35 lɛ ha shia­tsɛmɛi fɛɛ ni yɔɔ ŋshɔkpɔ nɛɛ nɔ.

Maji babaoo kɛ shiɛlɔi ayifalɛ heei ni shɛɔ oha mlijaa 5 hiɛyaa ni fa fe nyɛsɛɛ afi lɛ nɔ ni aja mli lɛ je sɔɔmɔ afi lɛ shishi: Hong Kong, 4,230; Madagascar, 8,749 (ni daa gbɛgbalɔi 912 ayifalɛ ni fe fɛɛ fata he); Taiwan, 3,497.