Sɔɔmɔ Kpeei Kɛha February
Otsi ni Jeɔ Shishi February 2
Lala 166
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ akrabatsa ni kɔɔ “Drama Kasɛt Hee” lɛ he lɛ afata he. Teokrase lɛ He Saji.
15 min: “Yehowa Odasefoi—Anɔkwa Sanekpakpa Jajelɔi.” Sanebimɔi kɛ hetooi. Ati akrabatsa ni yɔɔ September 1, 1992 Buu-Mɔɔ baafa 19 lɛ mli lɛ mli.
20 min: “Fɔ̃ɔ Nine Otsɛ Mɔ Fɛɛ Mɔ ni Kumai Yeɔ Lɛ Lɛ.” Tii sane lɛ mli, ni oma bɔ ni ato wiemɔi ni akɛha ni abaanyɛ akɛtsu nii lɛ ahe gbɛjianɔ aha bɔni afee koni akɛtee toibolɔi amiishɛɛ shi, ni ekanya amɛ lɛ nɔ mi. Ha onukpa ko afee kukuji 2-3 loo 4-5 lɛ he nɔkwɛmɔnɔ, koni gbekɛ ko afee kuku 6 lɛ he nɔkwɛmɔnɔ.
Lala 208 kɛ naagbee sɔlemɔ.
Otsi ni Jeɔ Shishi February 9
10 min: Asafoŋ adafitswai. Shika he akɔntaabuu.
15 min: Asafoŋ hiamɔ nii.
20 min: “Wiemɔi Sɔrɔtoi kɛ Jamɔi Sɔrɔtoi Fɛɛ Amli Bii ni Wɔɔye Amɛ Odase.” (Kukuji 1-10) Sanebimɔi kɛ hetooi. Tsɔɔmɔ wiemɔi ni gbɔmɛi pii wieɔ yɛ nyɛ shikpɔŋkuku lɛ mli, ni otsɔɔ woji ni asafo lɛ yɔɔ kɛha nakai wiemɔi lɛ. Taakɛ atsɔɔ mli yɛ kuku 10 lɛ mli lɛ, ha ni afee bɔ ni akɛ wolo bibioo Good News for All Nations tsuɔ nii ahaa lɛ he nɔkwɛmɔnɔ.
Lala 220 kɛ naagbee sɔlemɔ.
Otsi ni Jeɔ Shishi February 16
5 min: Asafoŋ adafitswai.
12 min: Nɔ Hewɔ ni Ehe Hiaa ni Oya Asafoŋ Kpeei. Onukpa agba saji otii titri ni yɔɔ August 15, 1993 Buu-Mɔɔ lɛ baafai 8-11 lɛ mli lɛ he sane, ni ema bɔ ni ehe hiaa koni aya kpeei fɛɛ daa lɛ nɔ mi.
18 min: “Wiemɔi Sɔrɔtoi kɛ Jamɔi Sɔrɔtoi Fɛɛ Amli Bii ni Wɔɔye Amɛ Odase.” (Kukuji 11-29) Sanebimɔi kɛ hetooi. Tsɔɔmɔ jamɔi ni jeee Kristofoi ajamɔ ni yɔɔ nyɛ shikpɔŋkuku lɛ mli. Ha shiɛlɔ ni he esa afee bɔ ni afeɔ ayeɔ mɔ ni yɔɔ Afrikabii ablema saji ajamɔ mli, loo eji Buddhanyo, Hindunyo, Yudanyo, loo Muslimnyo odase klɛŋklɛŋ lɛ he nɔkwɛmɔnɔ—amɛteŋ nɔ ni yɔɔ he ni nyɛyɔɔ lɛ.
10 min: “Yehowa Ji Miyelikɛbualɔ.” Wiemɔ ni miishɛɛ kɛ ekãa yɔɔ mli ni onukpa kɛbaaha.
Lala 15 kɛ naagbee sɔlemɔ.
Otsi ni Jeɔ Shishi February 23
10 min: Asafoŋ adafitswai. Tii wolo ni akɛbaatsu nii yɛ March mli lɛ mli. Tsĩi yiŋtoo kome loo enyɔ hewɔ ni akɛ Nilee wolo lɛ haa lɛ tã, ni okɛ otii ni yɔɔ March 1996 Wɔ Maŋtsɛyeli Sɔɔmɔ lɛ baafa 4 lɛ atsu nii. Maa oti ni ji Biblia mli nikasemɔ feemɔ lɛ nɔ mi.
15 min: “Kɛ́ Ewoɔ Yibii lɛ, Okɛtsu Nii!” Sanebimɔi kɛ hetooi. Ha shiɛlɔ kome loo enyɔ ni he esa ajɛ toibolɔi lɛ ateŋ awie shiɛmɔ wiemɔi ni amɛkɛtsuɔ nii daa yɛ bɔ ni shiɛmɔ wiemɔ lɛ yɔɔ mlɛo ni ewoɔ yibii lɛ he sane atsɔɔ. No sɛɛ lɛ, ha mɛi komɛi awie ŋaawoi ni akɛha, yɛ nyɛsɛɛ nɛɛ Wɔ Maŋtsɛyeli Sɔɔmɔ lɛ mli ni mɔɔ shi lɛ he sane.
20 min: Kasemɔ Oshiɛmɔ Wiemɔ ni Okɛhaa Lɛ. Wiemɔ kuku ni damɔ School Guidebook lɛ baafai 98-9, kukuji 8-9 lɛ nɔ. Maa bɔ ni ehe hiaa akɛ wɔpɛi wɔshiɛmɔ wiemɔi ni wɔkɛtsuɔ nii lɛ mli lɛ nɔ mi, ni wɔkwɛ gbɛi anɔ ni wɔɔtsɔ koni wɔha emɔ shi. Ha nyɛmimɛi yei enyɔ afee bɔ ni amɛsusuɔ nɔ ni amɛfee yɛ shia ko mli lɛ he nɔkwɛmɔnɔ, ni amɛwie bɔ ni amɛaafee amɛya hiɛ lɛ he. Amɛfee nɔkwɛmɔnɔ kuku ko koni amɛka shiɛmɔ wiemɔ ni amɛto gbɛjianɔ akɛ amɛkɛaatsu nii be kroko lɛ amɛkwɛ, ni amɛkɛ ŋaawoi ni yeɔ buaa mɔ aha amɛhe. Nɔkwɛlɔ lɛ amu naa ni ewo mɛi fɛɛ hewalɛ koni amɛpɛi ni amɛkase amɛshiɛmɔ wiemɔi lɛ.
Lala 103 kɛ naagbee sɔlemɔ.