Sɔɔmɔ Kpeei Kɛha March
Otsi ni Jeɔ Shishi March 2
8 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Nyɛfea Enɛ ni Nyɛŋɔkai Mi.” Wiemɔ ni onukpa kɛbaaha. Awie Our Ministry wolo lɛ baafai 80-81 lɛ he sane fioo, ni amã hiamɔ ni yɔɔ Kaimɔ lɛ shishi ni wɔɔya lɛ nɔ mi.
22 min: “Du Naanɔ Wala He Hiɛnɔkamɔ lɛ Owo Mɛi Krokomɛi Amli.” Sane ni akɛ toibolɔi baasusu he. Tsɔɔmɔ gbɛ nɔ ni abaanyɛ atsɔ akɛ sanebimɔi atsu nii kɛmɔ shi ni akɛtsa sanegbaa nɔ. Okɛ sanebimɔi ni yeɔ ebuaa kɛ sanebimɔi ni akɛtsɔɔ jwɛŋmɔ he nɔkwɛmɔnii ni abaanyɛ akɛtsu nii yɛ shiɛmɔ wiemɔ mli lɛ aha. (Kwɛmɔ School Guidebook lɛ baafai 51-52, kukuji 10-12.) Ha shiɛlɔ ni he esa afee shiɛmɔ wiemɔi ni atsɔɔ lɛ ateŋ ekome he nɔkwɛmɔnɔ, kɛ sɛɛsaramɔ ni miitsɔɔ Biblia nikasemɔ shishijee.
Lala 88 kɛ naagbee sɔlemɔ.
Otsi ni Jeɔ Shishi March 9
8 min: Asafoŋ adafitswai. Shika he akɔntaabuu.
15 min: Sanebimɔ He. Sanebimɔi kɛ hetooi. Onukpa lɛ ati Our Ministry wolo lɛ mli sane ni yɔɔ baafa 131, kukuji 1 kɛ 2 lɛ mli.
22 min: “Ani Wɔbaafee Ekoŋŋ?” (Kukuji 1-11) Sanebimɔi kɛ hetooi. Agba nyɛsɛɛ afi lɛ tafãa krɛdɛɛ kɛha gbɛgbalɔi awalɔ nitsumɔ lɛ, ni abɔ he amaniɛ yɛ 1998 Yearbook lɛ mli lɛ he saji. Atsĩ mɛi ayibɔ ni fee gbɛgbalɔi awalɔ yɛ nyɛ asafo lɛ mli yɛ nakai be lɛ mli lɛ tã. Wiemɔ sɛɛnamɔi ni wɔnaa amrɔ nɔŋŋ kɛjɛɔ gbɛgbamɔ mli akɛ aŋkroaŋkroi lɛ he, ni otsɔɔ bɔ ni nɛkɛ mɔdɛŋbɔi ni fata he nɛɛ yeɔ ebuaa kɛha asafo lɛ shweremɔ. Tsɔɔmɔ sɔɔmɔ he gbɛjianɔ ni nyɛto yɛ April kɛ May mli koni nyɛkɛye nyɛbua mɛi babaoo ni amɛfee gbɛgbalɔi. Shiɛlɔi anine baanyɛ ashɛ gbɛbimɔ woji anɔ yɛ kpee lɛ sɛɛ.
Lala 195 kɛ naagbee sɔlemɔ.
Otsi ni Jeɔ Shishi March 16
8 min: Asafoŋ adafitswai. Fɔ̃ɔ nine otsɛ mɛi fɛɛ ni yɔɔ he miishɛɛ lɛ koni amɛbabo maŋshiɛmɔ krɛdɛɛ ni abaaha yɛ March 29 lɛ toi. Wiemɔ lɛ yitso ji “Nɔ Hewɔ ni Obaanyɛ Okɛ Ohe Afɔ̃ Biblia lɛ Nɔ.”
15 min: Saji otii ni yɔɔ wolo hee bibioo ni ji Wolo Kɛha Gbɔmɛi Fɛɛ lɛ mli. Toibolɔi kɛ sanegbaa ní tsɔɔ yiŋtoi ahewɔ ni esa akɛ wɔsusu Biblia lɛ he. Ato wolo bibioo nɛɛ he gbɛjianɔ koni eye ebua mɛi ni ekolɛ amɛle woloŋ jogbaŋŋ shi nɔ ko bibioo pɛ amɛle yɛ Biblia lɛ he. Yɛ nɔ najiaŋ ni eeebɔ mɔdɛŋ ni ekɔne amɛyiŋ akɛ Biblia lɛ jɛ Nyɔŋmɔ mumɔ lɛŋ lɛ, wolo bibioo lɛ haa anɔkwa saji lɛ diɛŋtsɛ wieɔ hãa amɛhe. Esa akɛ wɔkane ni wɔgba mɛi krokomɛi, ni mɛi ni wɔkɛ amɛkaseɔ nii lɛ fata he.
22 min: “Ani Wɔbaafee Ekoŋŋ?” (Kukuji 12-19) Sanebimɔi kɛ hetooi. Tii hesai ni atsĩ tã yɛ Our Ministry wolo lɛ baafai 113-114 lɛ mli. Tsɔɔmɔ gbɛ nɔ ni gbɛgbalɔi awalɔ nitsumɔ lɛ saa mɔ kɛha daa gbɛgbamɔ sɔɔmɔ lɛ. Abi mɛi ni fee gbɛgbalɔi awalɔi yɛ nyɛsɛɛ Kaimɔ be lɛ mli lɛ koni amɛgba bɔ ni amɛto amɛnibii ahe gbɛjianɔ amɛha ni amɛshɛ ŋmɛlɛtswai 60 lɛ he. Te gbɛjianɔ ni ato he nɔkwɛmɔnii ni yɔɔ wolo ni aŋma ahɔ mli lɛ sɛɛ lɛ ateŋ nɔ ni hi jogbaŋŋ bafee nɔ ni hi kɛ nitsumɔ kɛha amɛ lɛ? Kɛ́ be yɛ lɛ, gbaa niiashikpamɔi ni yɔɔ 1987 Yearbook lɛ baafai 48-49, 245-246 lɛ otsɔɔ. Wo shiɛlɔi ahewalɛ koni amɛhe gbɛbimɔ woji lɛ yɛ kpee lɛ sɛɛ.
Lala 224 kɛ naagbee sɔlemɔ.
Otsi ni Jeɔ Shishi March 23
10 min: Asafoŋ adafitswai. Awo mɛi fɛɛ hewalɛ koni amɛbɔi mɛi ni yɔɔ he miishɛɛ lɛ ninefɔ̃ɔ kɛba Kaimɔ lɛ shishi yɛ April 11. Akɛ ninefɔ̃ɔ wolo lɛ eko atsɔɔ, ni awo mɛi fɛɛ hewalɛ koni amɛhe eko ni amɛbɔi jaa yɛ otsi nɛɛ mli. Atsĩ mɛi fɛɛ ni feɔ gbɛgbalɔi awalɔ yɛ April mli lɛ agbɛi atã. Atsɔɔ akɛ gbɛbimɔ woji ni akɛaaha lɛ ekpeko sɛɛ tsɔ. Atsĩ kpeei ahe gbɛjianɔi fɛɛ ni ato kɛha shiɛmɔ yɛ April mli lɛ tã.
20 min: Ye Obua Mɛi Heei Kɛha Shiɛmɔ Nitsumɔ Lɛ. Wiemɔ kɛ toibolɔi kɛ sanegbaa. Esa akɛ mɛi ni kɛ mɛi kaseɔ Nilee wolo lɛ asusu amɛ nikaselɔi lɛ ni amɛaaye amɛbua amɛ koni amɛkɛ amɛhe awo shiɛmɔ nitsumɔ lɛ mli lɛ he. Tsɔɔmɔ nɔ ni awie he yɛ Nilee wolo lɛ baafai 105-106, kukuji 14, kɛ baafa 179, kukuji 20 lɛ mli. Tii gbɛtsɔɔmɔ ni yɔɔ November 15, 1988, Watchtower, baafai 16-17, kukuji 7-10 lɛ ní atsɔɔ nɔ akpɛlɛɔ mɛi heei anɔ akɛ shiɛlɔi ni abaptisiko amɛ lɛ mli. Asusu ŋaawoi ni yɔɔ nɔ ni aŋma ahɔ July 1996 Wɔ Maŋtsɛyeli Sɔɔmɔ lɛ mli lɛ, kuku 19, ni akɛyeɔ abuaa shiɛlɔi heei ni abaptisiko amɛ lɛ koni amɛje shiɛmɔ shishi lɛ he.
15 min: Ná 1998 Yearbook lɛ He Sɛɛ Kɛmɔ Shi. Tsɛ kɛ eweku lɛ ati baafai 3-6, 31 ni tsɔɔ teokrase nitsumɔi ni atsu yɛ jeŋ fɛɛ yɛ afi ni eho lɛ mli lɛ mli. Asusu sɛɛnamɔi ni weku lɛ ná kɛjɛ daa gbi ŋmalɛ lɛ kɛ Yearbook lɛ kanemɔ kɛ amɛfãi komɛi ahe susumɔ mli kutuu yɛ niyeli beaŋ lɛ he, ni nyɛtswa nyɛfai shi akɛ nyɛbaaya nɔ nyɛfee nakai yɛ afi muu lɛ fɛɛ mli.
Lala 47 kɛ naagbee sɔlemɔ.
Otsi ni Jeɔ Shishi March 30
12 min: Asafoŋ adafitswai. Kaimɔ mɛi fɛɛ koni amɛkɛ amɛ shiɛmɔ nitsumɔ he akɔntaabuu kɛha March aha. Akɛ woji tɛtrɛbii heei ni yɔɔ lɛ atsɔɔ, ni otsɔɔ nikasemɔi ni ekolɛ abaanyɛ amã nɔ mi yɛ be mli ni akɛ amɛshɛɛ saji lɛ haa lɛ, ni atsĩ wiemɔi otii pɔtɛɛ komɛi atã. Ati “Kaimɔ lɛ He Kaimɔi” lɛ amli, ni atsĩ nyɛ Kaimɔ he gbɛjianɔi ni ato lɛ atã. Esa akɛ mɛi fɛɛ ato gbɛjianɔ koni amɛye amɛbua amɛ Biblia kaselɔi lɛ kɛ mɛi krokomɛi ni yɔɔ he miishɛɛ lɛ koni amɛbabo toi. Kaimɔ mɛi fɛɛ koni amɛnyiɛ Kaimɔ he Biblia kanemɔ gbɛjianɔtoo kɛha April 6-11, ni atsɔɔ yɛ Ŋmalɛi lɛ Amli ni Wɔɔkwɛ Daa lɛ mli lɛ sɛɛ.
13 min: “Gbekɛbii—Nyɛji Wɔmiishɛɛnamɔ Jɛɛhe!” Sanebimɔi kɛ hetooi. Agba niiashikpamɔ ni jɛ August 1, 1987, Watchtower, baafa 25 lɛ he sane.
20 min: Gbɛi Komɛi Anɔ ni Aaatsɔ Awu Ashi Mumɔŋ Tɔlɛ. Onukpai enyɔ agba akrabatsa ni yɔɔ August 1, 1986, Buu-Mɔɔ baafa 17 lɛ mli sane. Yɛ “Tɔlɛ He Okadii” lɛ eko fɛɛ eko mli lɛ, atsɔɔ gbɛ ni abaanyɛ atsɔ nɔ ana “Nii Ni Yeɔ Buaa Tsuishiŋmɛɛ” ni tsa nɔ lɛ he sɛɛ yɛ Ŋmalɛ naa. Agbɛnɛ abi shiɛlɔi enyɔ koni amɛgba bɔ ni otii nɛɛ kɛ nitsumɔ eye ebua amɛ ni eha amɛhiɛ amɛmumɔŋ hewalɛnamɔ lɛ mli.
Lala 140 kɛ naagbee sɔlemɔ.